news-inner
clock16:03 calendar-gray 20 Dekabr 2013 view-gray1342 dəfə oxunub
view-gray1342 dəfə oxunub

BSU-da beynəlxalq elmi konfrans keçirildi

Bakı Slavyan Universitetində “Müqayisəli ədəbiyyat. Ədəbiyyat və mədəniyyətlərdə istoriografiya: mif, ədəbiyyat və tarix arasında” mövzusunda V Beynəlxalq Elmi Konfransı keçirilir.

Konfransın işində 17 ölkədən (ABŞ, Ukrayna, Qazaxıstan, İsveç, Fransa, İsrail, Gürcüstan, Rusiya, Canada, Yaponiya, Türkiyə, İtaliya, İran, Özbəkistan, Avstraliya, Böyük Britaniya, Almaniya) 40-dan çox, Azərbaycanın ali məktəblərindən və elm müəssisələrindən (Bakı Dövlət Universiteti, Azərbaycan Diplomatiya Akademiyası, Xarici Dillər Universiteti, Xəzər Universiteti, AMEA-nın Ədəbiyyat İnstitutu) 50 alim və tədqiqatçı iştirak edirlər.

Konfransı giriş sözü ilə açan Bakı Slavyan Universitetinin rektoru, Əməkdar elm xadimi, AMEA-nın müxbir üzvü, professor Kamal Abdullayev konfrans iştirakçılarını salamladı və xüsusilə vurğuladı: “Biz artıq ənənəyə çevrilmiş və “Müqayisəli ədəbiyyat” devizi altında keçirilən konfransın beşincisində iştirak edirik. Konfransa gələn xarici qonaqların sayının çoxluğu bu beynəlxalq elmi tədbirə olan marağın artdığını bir daha təsdiqləyir”.

Rektor BSU-nun Azərbaycan Müqayisəli Ədəbiyyat Assosiasiyası ilə birgə keçirdiyi konfransa gələn xarici qonaqları iştirakçılara təqdim etdi və onlara konfransda iştirak etdiklərinə görə minnətdarlığını bildirdi.

Azərbaycan Müqayisəli Ədədbiyyat Assosiasiyasının sədri, universitetin Azərbaycan ədəbiyyatı kafedrasının müdiri, prof. R.M.Qeybullayeva konfransın işi haqqında geniş məlumat verdi.

Konfransın əsas məruzəçiləri, Viskonsin Medison Universitetinin (ABŞ) dosenti Marks Statkiyeviç “Başlanğıc: ədəbiyyat tarix və mif arasında vasitə kimi”, Boğaziçi və Yeditəpə Universitetinin (Türkiyə) professoru Suat Karantay “Səyahət yaddaşın forması kimi: Montegyunun “Türk Səfiri məktubları”” mövzularında elmi məruzə ilə çıxış etdilər.

V Beynəlxalq Elmi konfrans münasibətilə iştirakçıları təbrik edən Osaka Universitetinin (Yaponiya) professoru Takayuki-Yokota Murakami prof. K.M.Abdullayevin yapon dilinə tərcümə olunmuş və bu uzaq ölkədə işıq üzü görmüş “Sehirbazlar dərəsi” kitabını müəllifə təqdim etdi.

Daha sonra Asiya Universitetinin rektoru prof. C.Nağıyev, Miçiqan Universitetini (ABŞ) alimi, prof. Jaspal K.Singh, Təbriz Universitetindən (İran) Hossein Sabouri, Ural Federal Universitetindən (Rusiya) S.Sokolov, BSU-nun Beynəlxalq əlaqələr üzrə prorektoru, Millət vəkili, prof. S.Qafarova və digərləri çıxış edərək konfransın işinə uğurlar arzuladılar.

Konfrans aşağıdakı bölmələrdə öz işini davam etdirir: “Tarixivə ədəbijanrlar: təsvir üsulları”, “Ədəbi mətnlərdətarixin təsviri formaları” , “Keçid dövründə ədəbiyyat və tarix”, “Mifoloji qatda tarix”, “Tarix və istorioqrafiya”, “Dil tarixin mənbəyi kimi”.

Konfrans çərçivəsində Əl-Fərabi adına Qazax Milli Universitetinin professoru Anuar Qaliyevin “Keçmişin dərki: mif və tarix arasında”, Orenburq Dövlət Pedaqoji Universitetinin (Rusiya) professoru S.Lyubiçanovskinin “Yaddaş və gündəlik (Leonid Bolşakovun şəxsi gündəliyi əsasında)” adlı ustad dərslərinin, Osaka Universitetinin dosenti Takayuki-Yokota Murakaminin sədirliyi ilə “İtirilmiş milli tarixin bərpası: Latviyanın rusdilli yəhudi yazıçıları və onların əsərləri” mövzusunda dəyirmi masanın keçirilməsi planlaşdırılır.

Konfransda iştirak edən xarici qonaqlar üçün maraqlı mədəni proqram çərçivəsində paytaxtımız ilə tanışlıq, Qobustan Dövlət Tarixi-Bədii Qoruğu, tarix və ədəbiyyat muzeylərinə ekskursiyalar təşkil olunacaq.

news-inner-user

19139 məqalə

Oxşar xəbərlər

Xəbər lenti

Türklər Bakıda filmə başlayır: "Kurtlar vadisi"nin aktyorları da çəkiləcək
15:44 25 İyun 2021
Lent.az-ın baş redaktoru: “Biz redaksiyanın içində də rəqabət aparırıq” – Müsahibə
15:00 25 İyun 2021
Nizami ili çərçivəsində beynəlxalq elmi-praktik konfrans keçirildi
14:19 25 İyun 2021
Qız oxusucu ilə öpüşmək istəyən yazar, təqdimatına üç sevgilisi gələn şair, küsüb gedən aparıcılar – İmza günündən reportaj
13:40 25 İyun 2021
Bakida narkomaniyaya qarşı sərgi açıldı
13:01 25 İyun 2021
Bir yaşında atasını itirdi, anasıyla eyni gündə səhnəyə çıxdı, Cəfər Cabbarlı onun haqqında yazı yazdı - "Bəxtiyar" filminin Gülbacısı...
12:18 25 İyun 2021
30 qəpiyə xoşbəxt olmaq istəyirsiz?
11:44 25 İyun 2021
Berqmanın sevimli aktrisası Fəxri Oskar alacaq
11:13 25 İyun 2021
Teatr rəhbərləri ilə görüş keçirildi
10:36 25 İyun 2021
Lent.az 13 yaşını qeyd edir
10:11 25 İyun 2021
O gecə bibim mənə matəm libası tikdi – Bircə yazır…
09:00 25 İyun 2021
Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
21:00 24 İyun 2021
BMT-nin nümayəndəsi Bakıdakı erməni kilsəsində olub
19:02 24 İyun 2021
Nişanını qaytarıb qohumu ilə evləndi, sevgilisi damarlarını doğradı, arvadı ona görə özünü öldürdü – Video
18:15 24 İyun 2021
Nüsrət Kəsəmənlinin oğlu Şuşaya görə medal aldı
17:40 24 İyun 2021
Cinsi yolla çoxalma sona çatır: Seksdən qurtuluş
17:30 24 İyun 2021
Azərbaycanlı prodüser iş yerində öldü
16:47 24 İyun 2021
Xalq şairinin kitabı təqdim edildi
16:44 24 İyun 2021
Kann festivalının münsiflərinin çoxu qadınlar olacaq
16:04 24 İyun 2021
Qasımın metamorfozu – Yeni hekayə
15:37 24 İyun 2021