Dünyanın ən nüfuzlu kino festivallarından biri olan Berlin Film Festivalı xüsusilə gənc və debütant rejissorların işlərinə üstünlük verildiyini açıqlayıb.
Kulis.az xəbər verir ki, təşkilatçılar son illər kino sənayesində yeni imzaların görünməsinin vacibliyini əsas prioritetlərdən biri kimi müəyyənləşdiriblər.
Proqramda müxtəlif ölkələrdən olan gənc müəlliflərin filmlərinin sayının artırılması da bu strategiyanın tərkib hissəsi kimi təqdim olunub.
Açılış mərasimində çıxış edən Oskar mükafatlı aktrisa Mişel Yeoh kinoda müxtəlifliyin və yeni baxışların önə çəkilməsinin vacibliyini vurğulayıb. O bildirib ki, qlobal kino sənayesi yalnız yeni hekayələrə və fərqli səslərə yer verildiyi halda inkişaf edə bilər.
Festival çərçivəsində debüt filmlər üçün ayrıca bölmələrin gücləndirilməsi, həmçinin beynəlxalq koproduksiyalara dəstəyin artırılması planlaşdırılır. Təşkilatçılar ümid edirlər ki, bu addımlar festivalın kəşf platforması rolunu daha da möhkəmləndirəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər