writer1

Səhər Əhməd

Məqalə sayı

196
clock08:45 calendar-gray 26 Noyabr 2013 view-gray5809 dəfə oxunub
view-gray5809 dəfə oxunub

18+

Səhər Əhməd yazır...

And olsun avtobus sürücülərinin pozulmuş əsəblərinə ki... Lənət şeytana. Bu axmaq cümləni heç cür beynimdən çıxara bilmirdim. Avtobusdaydım, önümdəki güzgüdən sürücünün turşumuş sifəti bütün cizgiləriylə görünürdü. O hələ ki, astadan öz-özünə danışır, deyinməyə təzəcə başlayırdı. Amma bir azdan sərnişinlərin arasından da sinirləri gərilmiş biri tapılacaq, dava qopacaq, mənfi enerji ətrafa yayılacaqdı.

Deməli, qarşıdurma qaçılmazdı. Sürücüylə sərnişin, həkimlə pasient, müəllimlə şagird, polislə vətəndaş arasında.

Son günlər sosial şəbəkələrdə bir müəllimlə yuxarı sinif şagirdinin əlbəyaxa videosu yayılıb, hər kəs ləzzətlə paylaşır.

Müəllimləri müdafiə etmək fikrim yoxdu, “Yıxılana balta çalan çox olar” deməyəcəm, heç istisnalar haqda da danışmayacam, məqsədim başqadı.

Düzdü, kadr arxasında nə dayanır, dayansın, o video rüsvayçılıqdı, heç bir səbəblə müəllim öz şagirdinə əl qaldırmamalıdı. Bəs şagird, onun öz müəlliminə əl qaldırması normaldımı? Bu məntiqlə biz bu gün atasını döyən, qardaşını bıçaqlayan, bacısını zorlayan, bir sözlə, “anasının əmcəyini kəsən” yeniyetmələrə də gərək haqq qazandıraq, qarşı tərəfi günahlandıraq.

Bəli, müəllim cəmiyyətdə əvvəlki postunda deyil, ən azı son iyirmi ildə o çox dəyişib, uzun zaman və zəhmətlər bahasına qazandığı nüfuzunu bu “ağır” günlərdə ən ucuz qiymətə satıb, bu hər kəsə məlumdu. Bəs şagird, o, azmı dəyişib, ən azı iyirmi il bundan öncənin şagirdidirmi?

Qıcıq leksikonda, əcaib arqoda danışan, bir əli qələmdə, o biri əli telefonda, cismi sinif otağında, fikri “feysbuk”da, “what şapp”da, 18+ videolarda olan yeniyetməni “Dədə Qorqud”la, “Leyli və Məcnun”la, ümumiyyətlə, Azərbaycan ədəbiyyatıyla, tarixiylə tərbiyə etmək, maraqlandırmaq, parta arxasında otuzdurmaq sizə asan gəlməsin.

Cürbəcür qruplaşmalar, emolar, satanistlər, vəhhabilər, narkomanlar, mərsiyəçilər, meyxanaçılar, manıslar... Bu “tıxaclı” və əzablı yollarla gənc nəsli pafoslu desək, işıqlı gələcəyə aparmaq cəhənnəm əzabıdır.

Hətta müəllim öz nüfuzunu itirməmiş olsa belə bu gün onun əsəblərini pozacaq nə qədər səbəb mövcuddur. Əgər qarşı tərəfdə də gərilməyə səbəbləri olan bircə şagird varsa, qarşıdurma qaçılmazdır.

Suç keçisi bu problemin həlli deyil, bu problemin həlli daha dərində və daha mürəkkəbdi.

And olsun, orta məktəb müəllimlərimizin pozulmuş əsəblərinə ki... Lənət şeytana.

REKLAM

Yazarın digər yazıları

Xəbər lenti

Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021