news-inner
clock08:45 calendar-gray 06 Noyabr 2013 view-gray5426 dəfə oxunub
view-gray5426 dəfə oxunub

“Pəhriz saxlama” və ya “Narkotiklərdən uzaq dur”

16 yaşınıza məktub yazsaydınız, ona nə demək istərdiniz? Hansı məsləhətləri verərdiniz? Bu sual 75 məşhur insana – aktyor, yazıçı, idmançı, musiqiçiyə verilib və alınan cavablardan “Əziz mən: 16 yaşıma məktub” adlı kitab ortaya çıxıb. Layihənin rəsmi səhifəsində isə hər kəsə bu imkan yaradılır. Dearme.org saytı vasitəsi ilə 16 yaşınıza demək istədiklərinizi yaza bilərsiniz.

Stiven Kinq – amerikan yazıçı. Qorxu, dəhşət, fantaziya janrlı əsərləri ilə məşhurdur. “Kerri”, "Seylim Püşkü”, “Şüşə döşəmə”, “Parıltı, “Ölü zona” əsərlərinin müəllifi və çoxsaylı mükafatlar sahibidir.

“Əziz mən,

Sənə 2010-cu ildən, 62 yaşımdan bircə məsləhət vermək üçün yazıram. Düzdür, bu cəmi 3 sözdən ibarətdir: narkotiklərdən uzaq dur.

Sən çox istedadlısan və çoxlarını öz hekayətlərinlə xoşbəxt edə bilərsən, ancaq heyif, sən həm də potensial narkomansan. Əgər bu məktubu vecinə almayıb və öz gələcəyini dəyişməsən, ömrünün təxminən 10 ili – 30 yaşından 40-a qədər – qaranlıqda keçəcək, bir çox insanları incidəcəksən və uğurlarının dadını çıxara bilməyəcəksən. Sən həm də bir neçə dəfə ölümün bir addımlığına qədər gələcəksən. Unutma, nəfsinlə mübarizə sevgi kimidir, ürəyi daha güclü edir.

Təmiz qal”.

Hyu Cekmen – avstraliyalı aktyor, Qızıl Qlobus və Akademiya mükafatları sahibi. Əsasən “X-adamlar” film seriyasından tanınır. “Səfillər”, “Avstraliya”, “Məhbuslar” filmlərində çəkilib. “People” jurnalı onu 2008-ci ildə “Yaşayan ən seksual kişi” adlandırıb.

“Əziz Hyu,

İstərdim sənə bu məktubu yazıb necə olduğunu soruşum və “Hə!” deyim. Gün gələcək ki, Penninin səni avtobus dayanacağında atıb getdiyini yaddan çıxaracaqsan. Əslində sən onunla bir neçə il sonra yenə qarşılaşacaqsan və hər dəfə Layonel Riçinin “Penni Lover” mahnısını eşidəndə ağlamağına təəccüblənəcəksən.

Hə, alnındakı sızanaqlar tezliklə yox olacaq, amma sən güman etdiyin qədər tez yox. Və hə, qardaşın Ralf evdən gedəndən sonra böyük otağa köçəcəksən.

İndi sənə gələcəkdə kömək edə biləcək şeylərdən danışmaq istəyirəm. Bəzi məsləhətlər sənə hələ anlaşılmaz görünə bilər.

Hər şey sən fikirləşdiyin kimi olmayacaq. Bilirəm, həyatının necə olacağını indi təsəvvürünə gətirmək sənin üçün çox çətindir, hətta bunu fikirləşəndə dəli olursan. Amma inan ki, reallıq sənin ən cəsur ümidlərinə də qalib gələcək.

Möhtəşəm bir qadınla rastlaşacaqsan. Həyatındakı ən asan addım ona evlənmək təklif etmək olacaq. İçindəki səsə qulaq ver.

İndi bir vərəq götür və yazmağa başla: etməyi xoşladığın 5 şey və yaxşı bacardığın 5 şey. Оnlar dəyişəcəklər, amma gözəl günlərin birində mütləq yerlərini tapacaqlar. Bu da sənin yolun olacaq. Həmin vaxt da yazmağı dayandırma, yolundan dönmədiyini başa düşmək üçün etməlisən bunu.

Özünə qarşı həmişə sərt olmaq məcburiyyətindəsən. Ehtiyatlı ol bunu edəndə.

Deyilməli o qədər şey var ki... Amma mən sürprizi korlamaq istəmirəm.

Həyatda çox xoşbəxt olacaqsan, xoşbəxtliyinin hardan gəldiyini, xahiş edirəm, unutmayasan.

Səni sevirəm.

P.S. “Google” kəşf olunan kimi onun hissələrini al”.

Emma Tompson – ingilis aktrisa, Akademiya və BAFTA mükafatları sahibi. “Harri Potter” filmləri seriyasında, Dayə MakFi, Təhsil, Cəsur, Tutti Frutti, Qara geyimli adamlar filmlərində çəkilib.

Əziz Em,

Mən başa düşürəm ki, sən gəncsən və düşünürsən ki, yaşca səndən böyük olan kimsə sənə lazımi sözləri seçib deyə bilmir, ancaq mənə – yəni sənə qulaq asmağa dəyər.

50 yaşdan 16-ya məsləhət

1. Heç vaxt, heç vaxt, pəhriz saxlama. Bilirəm ki, kafedə oturub ürəyin çips və pendir salatı istədiyi halda qatıq və təmiz hava arasında seçim etmək necə çətindir. Buna görə heç narahat olma. Müntəzəm olaraq ye, lazımsız stressdən və pəhrizdən uzaq dur. Hər bir halda eyni ölçüdə qalacaqsan, at pəhrizi. İnan – heç kimin vecinə deyil. Özün ol və bununla yaşa, vaxtına, enerjinə qənaət edə və daha xoşbəxt olacaqsan.

2. O deyəndə ki səni sevmir, inan ona. O sevmir. Bu qədər.

Sevgilərlə, Em”.

Oxşar xəbərlər

Xəbər lenti

Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021
Nobel mükafatçısı intim konsert verəcək – İlk dəfə
11:09 18 İyun 2021
Seymur Baycandan yeni kitab
10:42 18 İyun 2021
Nura Surinin oğlu qəzaya düşdü - Foto
10:09 18 İyun 2021
Rəşad Məcidin “Qələmsiz yazılanlar”ı rusca çap olundu
09:42 18 İyun 2021
O gündən Bəşər dayı qızını evə qıfılladı – Bircə yazır...
09:00 18 İyun 2021
Nazirlik ədəbiyyat müsabiqəsinin qaliblərini mükafatlandırdı
01:24 18 İyun 2021
Qadınlar sevmək üçündür, başa düşmək üçün yox - Sevgi haqqında qəribə aforizmlər
21:02 17 İyun 2021