Argentinalı gənc rəssam Leandro Qranato öz əsərlərini göz yaşları ilə yaradır. Amma bu yaradıcılıq iztirabları deyil, onun xüsusi texnikasıdır.
Bir əsəri yaratmaq üçün Qranatoya təxminən 800 millilitrə yaxın rəng lazım olur. O bəzən göz yaşlarını iri damlalarla, bəzən şırnaq kimi tablonun üzərinə axıdır.
Bir əsərin yaranmasına 15 dəqiqədən bir aya qədər vaxt sərf edir.
O öz yaradıcılıq metodunu “optik rəssamlıq” adlandırır və əmindir ki, ondan başqa bu qeyri-adi və arzulanmaz metodla rəssamlıq edən yoxdur.
Qranato əvvəlcə maye boyanı klizma cihazı vasitəsilə burnuna doldurur, bundan sonra burnunu sıxaraq yığılmış mayeni gözləri ilə kətanın üzərin axıdır.
Gənc rəssam əsərlərinin çəkilmə prosesini videoya çəkir və sonra bunu əsərlə birlikdə satır. Qaranato əmindir ki, gələcək nəsillər onun yaradıcılığını tədqiq edəcəklər, odur ki, indidən əyani vəsait hazırlayır.
Gənc rəssamın müasir incəsənət həvəskarları arasında uğurla satılan əsərlərinin qiymətləri 1000 dollardan başlayır.