writer1

Rəfiqə Məmmədova

Məqalə sayı

55
clock17:48 calendar-gray 14 Oktyabr 2013 view-gray2045 dəfə oxunub
view-gray2045 dəfə oxunub

Nə lesbiyəm, nə feminist, amma...

Rəfiqə Məmmədova yazır

Bu dəfəki yazımın mövzusu Facebookda təsadüfi rastlaşdığım iki misra barədi.

Sənin əllərin yoxdurmu qadın?
Hər “səni sevirəm” deyənə ayaqlarını açırsan

Bəli, iki misra və oxuduğum anda ağlıma gələn ilk qadın. Çox gözəl və gözəl olduğu qədər savadlı olan rəfiqəm. Xaraktercə kobud, aqressiv, bir o qədər də yaxınlarına qarşı mehriban olan bu əsrarəngiz qadın. Mən onu tanıyandan - hələ məktəb illərindən öz xəyalındakı qayğıkeş sevgilisinin axtarışındadır. Təəssüf ki, onu tapmaq xanım qıza hələ də nəsib olmayıb, amma cəhdlərini də dəyərləndirməmək haqsızlıq olar.

İlk məhəbbətini tapdığını düşündüyü anda ölkə mentalitetini, ailəsini, ətrafındakıları unudub bakirəliyini itirdi, düzü, qiyamət elə bundan sonra başladı. Doğrudur, bəzən mübahisələrdə ona haqq verirdim, iki sevən insanın mənəvi bağlılığın fiziki bağlılıqla möhkəmlənməsi, sevdiyi oğlanla sevişməsi və s. kimi hallar məni narahat etmirdi. Amma illər keçdikcə siqaret tüstüsündə məhv olan o gözəllik elə bil mənə gözlərimi açmağa kömək etdi. Hər dəfəsində aşiq olub, sevgilisi adlandırdığı şəxslə yatağa girməsi, hər dəfəsində yeni bağlılıqla özünü məhv etməsi, hər ayrılıqdan sonra qisas xarakterli tanışlıqlar qızın məsumluğunu simasından sildi sanki.

Məgər sevgi oyunlarının hər birində sevişmə hissəsi labüddürmü? Yox əziz xanımlar, qətiyyən. Uzun-uzadı siyahılar, qarmaqarışıq xatirələr sizi bir gün yıxar, məhv edər, özünüzə nifrət etmənizə gətirib çıxarar. Bəli, XXI əsr qurbanlarıyıq hamımız, bəli dünya sivilizasiyası, qondarma avropalaşma prosesi və baş verən dəyişikliklər hər birimizin həyatına burnunu soxur, amma bu bizə buraxdığımız hər səhvə haqq qazandırmağa və özümüzü yüklərdən azad etməyə kömək edəcək bir arqument deyil.

Sevin, demirəm sevməyin, hətta sevişin də. Amma həyatinizi alt-üst edəcək səhvləri buraxanda bircə dəqiqəlik düşünün. Buna dəyərmi? Bunu istəyirsizmi? istədiyinizdən əminsinizmi?
Baxın, uçuruma gedən münasibətləri xilas etmək üçün bir vasitə deyil seks, sizi sevməyən birini özünüzə bağlamaq üçün variant deyil. Gülərüzlə, xoş söhbətlərinizlə, mülayim xarakterinizlə, anlayışlı rəftarınızla qazana bilmədiyiniz adamı soyunaraq qazana bilməzsiz. Hə, yanınızda olar bir müddət.

Bəlkə də yeni bir seks partnyoru tapmadıqca uzun müddət yanınızda olar, amma onun sizə aşiq olmasına bu yolla nail olmaq 1945-ci ilin aprel ayında Hitlerin qələbəyə inanması və yeni cəbhə açmaq arzusu qədər absurddu.

Sizi sevdiyini inandığınız adama qollarınızı açın, onu bərk-bərk qucaqlayın və yalanlarını hiss etməyə çalışın. Nə qədər tez hiss etsəz, o qədər tez də özünüzü xilas etmiş olarsız. Yox, mən feminist deyiləm, lesbi də deyiləm, amma ağlınızı başınıza yığın, daha diqqətli olun, ucuz adamlarla böyük xəyallar qurmayın.

Buraxın özləri kimi ucuz insanlarla yarımçıq xoşbəxtliklərini yaşasınlar qucağınızın həsrəti ilə.

REKLAM

Yazarın digər yazıları

Xəbər lenti

Tbilisidə Nəriman Nərimanovun kitabı təqdim olundu - Foto
15:28 10 Aprel 2021
Leyla Əliyevanın kitabı təqdim olundu - Foto
14:19 10 Aprel 2021
Qürbətdə ayağım torpaqda ağlar - Azad Yaşardan yeni şeirlər
13:34 10 Aprel 2021
Göy üzünü Tanrı bilərdik - Fəxri Müslümdən şeirlər
12:21 10 Aprel 2021
Sizə həsəd aparıram - Fransada yaşayan azərbaycanlı yazıçı yazır
11:22 10 Aprel 2021
Məşhur repçi narkotikdən öldü
10:10 10 Aprel 2021
Psixoloq Elnur Rüstəmov: “Müharibə bizi koronavirusa yoluxmağa qoymadı” – Müsahibə
09:01 10 Aprel 2021
“Fəryad”ın çəkilişində ona sui-qəsd təşkil etmişdilər – Ceyhun Mirzəyevdən maraqlı faktlar
21:01 09 Aprel 2021
Azərbaycanlı rəqqas Rusiyada fəxri ada layiq görüldü
18:46 09 Aprel 2021
Xanım İsmayılqızı yeni kitabından danışdı
18:02 09 Aprel 2021
Flora Kərimovanın ürəyi dayanıb? - Açıqlama
17:21 09 Aprel 2021
Hamı şeirlərini əzbər bilir, amma heç kəs tanımır – Sözü özündən məşhur şairimiz
16:37 09 Aprel 2021
13 yaşlı Selcandan yeni hekayə
15:49 09 Aprel 2021
Məşhur aktrisa vəfat etdi
15:04 09 Aprel 2021
Xalq rəssamı: "Atam əsir düşəndə Almaniyada Rəsulzadə ilə görüşüb" – Müsahibə
14:17 09 Aprel 2021
Siyavuş Novruzovun axtardığı söz – Sərdar Amin yazır...
12:38 09 Aprel 2021
Trampın köməkçisi dörd milyonluq kitab yazacaq – Müqavilə bağlanıb
12:01 09 Aprel 2021
Xalq artisti xəstəxanaya yerləşdirilib
11:18 09 Aprel 2021
Pulun çaşdırdığı Əlixan Rəcəbov
11:04 09 Aprel 2021
Günün şeiri: Leş
10:30 09 Aprel 2021