writer1

Mətanət Vahid

Məqalə sayı

35
clock10:55 calendar-gray 23 Sentyabr 2013 view-gray2494 dəfə oxunub
view-gray2494 dəfə oxunub

Elnarə həyatın qəddarlığına hazır idi

Mətanət Vahid yazır

Kimi nə dərəcədə sevdiyimizi bəzən özümüz belə, dərk etmirik – o adamın itkisi, həmişəlik yoxluğu sevgimizin, ona verdiyimiz əsl dəyərin nədən ibarət olduğunu anladır bizə. Yoxluğunun xəbərini aldığım andan heç barışa bilmirəm, bəlkə bir anlaşılmazlıq olduğunu düşünüb yalan xəbər yayıldığına ümid edirəm hələ də...

Tələbəlikdən sonrakı 14 ilə yaxın ayrılıqdan sonra təxminən il yarım öncə yazılarına saytlarda rastlayanda sevinmişdim, qürur duymuşdum onunla. Sonra əlaqə saxlamağa başladıq, ilk söhbətimizdə gecəyarıya qədər danışdıq. Hər ikimiz sevinc və həyəcan doluyduq. İkimiz də bir-birimizə “bu illər səni heç dəyişməyib, həmin səmimi adamsan”, – deyib, buna sevinirdik.

Xatirələrimizi çözələyir, qrupumuzun “uşaqlarını” adbaad yada salırdıq. Arada köks ötürürdük “hə, biz də yaşlandıq”, – deyə...

İndi əllərim titrəyə-titrəyə onun haqqında xatirə yazmağım ağır gəlir mənə. Yazışmalarımızda həmişə keçmiş üçün darıxdığını, gələcək üçün narahat, nigaran olduğunu deyirdi. O bilirdi ömrünün yarıda kəsiləcəyini, ümidlərinin, arzularının həyata keçməyəcəyini... “Ehh, nə yaşadıq, nə gördük ki? – deyirdi, – xəstəliklər, qayğılar canımızı alır...” Amma mən onu tələbə vaxtlarındakı kimi xatırlayırdım həmişə, üzündən təbəssümü əskik olmayan, hirslənib qaşlarını çatanda da şirin görünən, “Baxdım, baxdım güzgüyə, baxdım, baxdım özgəyə, Ah, nə gözələm, Bax nə gözələm, mən!...” oxuyan ərköyün, şıltaq Eli kimi...

Yaşıdlarımız, tələbə yoldaşlarımız, dostlarımız bizimçün heç böyümürlər, heç yaşlanmırlar... heç ölmürlər...

Bir neçə il öncə avtomobil qəzasında həlak olmuş qrup yoldaşımızı Elnarə ilə tez-tez xatırlayıb kədərlənirdik, xatirələrə dalırdıq... Bir gün onun özü haqqında da tələbə yoldaşlarımla eyni kədər və üzüntü ilə danışacağım ağlıma gəlməzdi... Amma indi söhbətlərimizi xatırladıqca bilirəm ki, o əslində, özünü, ətrafını yoxluğuna hazırlamağa çalışırdı həm də...

Övladlarının yanında həmişə ola bilməyəcəyini də deyirdi... Bir dəfə böyük qızının şəklini paylaşmışdı. Şəklin yanındakı şərhdə dostlardan biri uşağın belindəki ağır çantanı çıxarmağı məsləhət görmüşdü. Elnarə isə belə yazmışdı: “... amma bir məqam da var: ağırlığından, yüngüllüyündən asılı olmayaraq, Nəsibəxatun yükünü özü çəkməyi öyrənməlidir. Mən həmişə onun yanında olmayacam...“ Dostun “necə qəddarcasına bir mühakimə” sözlərinə isə Elnarə “Qəddar həyata hazırlıq mərhələsi də demək olar” cavabını vermişdi...

Bax belə... O, zərif və duyğulu olduğu qədər də güclü qadın idi. Analıq duyğusu, ömrünün yarıda qırılacağı hissiyyatı ona güc-qüvvət verirdi və övladlarına onun yoxluğunda üzülməməyi, əzilməməyi də öyrətməyə çalışırdı...

Bu gün onu az-çox tanıyan çox adam haqqında yaxşı insan, gözəl qadın, peşəkar mütəxəssis kimi bəhs edir... 36 illik qısacıq ömründə özündən sonra belə bir təəssürat qoymaq, belə bir ad yaşatmaq hər insanın qisməti deyil... Gözlərim yaşlı, ürəyimdə uçurum boşluğu... yoxluğuna inana bilmirəm... Amma gerçəklik budur ki, sən artıq bizimlə deyilsən... Özündən sonra isə yaxşı adın qaldı – bir insanın həyatdakı ən böyük qazancı... Ruhun şad olsun, Elnarəm...

REKLAM

Yazarın digər yazıları

Xəbər lenti

Həqiqi sevgini duyan qəlb bir damcı suya da hörmətlə baxar - Mövlanədən hikmətli sözlər
21:00 30 Sentyabr 2020
Teatr rəhbəri Prezidentə müraciət etdi
18:45 30 Sentyabr 2020
Nazirliyin mükafatını alan pandemiya hekayəsi - Mətn
18:03 30 Sentyabr 2020
Müharibə mövzusunda ədəbi müsabiqə elan olundu - Şərtlər
17:15 30 Sentyabr 2020
ISESCO Qarabağla bağlı bəyanat yaydı
16:32 30 Sentyabr 2020
Xalq şairi: Qarabağı alacağımıza heç bir şübhəm yoxdur
15:42 30 Sentyabr 2020
Döyüşçülərə silah verib qayıdanda müəmmalı şəkildə öldü - Qəbri Ağdamda, baş daşı Bakıdakı evində olan sənətkar
15:01 30 Sentyabr 2020
Feminist müğənni vəfat etdi
14:19 30 Sentyabr 2020
Tanınmış yazıçı İsveçin xarici işlər nazirinə məktub yazdı
13:32 30 Sentyabr 2020
Teatr Xadimləri İttifaqı erməni təxribatı ilə bağlı bəyanat yaydı
12:51 30 Sentyabr 2020
Paşinyanın canlı efirdə danışdığı araq lətifəsi - Bir rus, bir erməni...
12:09 30 Sentyabr 2020
"Qarabağ - mədəniyyətimizin beşiyi" layihəsinə start verildi
11:39 30 Sentyabr 2020
Qarabağa gedən ailə - Ayxan Ayvaz yazır
11:08 30 Sentyabr 2020
Tanınmış şair cəbhəyə yola düşdü
10:20 30 Sentyabr 2020
Ermənilər Şeyx Babı türbəsinə ciddi ziyan vurdu
10:01 30 Sentyabr 2020
Müğənni Ayaz: “Qonşumuzun evinə mərmi düşdü” – Müsahibə
08:58 30 Sentyabr 2020
Pandemiya mövzusunda keçirilən hekayə müsabiqəsinin qaliblləri mükafatlandırıldı
19:58 29 Sentyabr 2020
Mədəniyyət Nazirliyi bəyanat yaydı
19:27 29 Sentyabr 2020
Erməni filmi Moskva kino festivalından çıxarıldı
18:19 29 Sentyabr 2020
Deyir, oğlum darıxmasın, görüşərik bu bahar - Ədəbiyyatımızın ən təsirli müharibə şeirləri...
17:42 29 Sentyabr 2020