writer1

Kənan Hacı

Məqalə sayı

193
clock14:22 calendar-gray 06 Avqust 2013 view-gray1708 dəfə oxunub
view-gray1708 dəfə oxunub

Kəbirli kəndindəki Güzgü-Adam

Kənan Hacı yazır

İslam Kəbirlinin çovustanı

Zaman ol zaman idi ki, hamı öz bəxtindən qaçıb vaxt öldürməklə məşğul idi. Daha ana torpaq bizdən nə umasıydı?! Torpağı öldürüb dirildə bilmirdik. Yaşadığımız o zaman bizim qismətimizmiş... Biz zamanın cəhrəsində sadəcə, ipliyik.

Demə vaxtdır ötüb keçir,

Hər anın bir ağrısı var.

Falçısı var vaxtımızın,

Vaxtımızın oğrusu var.

Kimdi o vaxt oğrusu? Bu suala cavab tapmaq istəyilə yola çıxıram və gözümü yumub-açınca görürəm ki, Daşburundayam. Mənzil başına yetmək üçün hökmən bu stansiyanın qənşərindən yan alıb da xeyli ətrafa yayılan gurluqdan keçmək lazım gəlir. Bəlkə kimsə yaşadığımız həyatın cürbəcür başqa, daha məzmunlu yerlərdə məskunlaşdığını deyəcək. Amma yalan deyəcək. Mənə görə gerçəkliyin ən parlaq məkanı Daşburundan başlayıb ta Kəbirliyəcən uzanır. Burda həyat olduğu kimidi, canlıdı.

Sinəsi cadar-cadar olmuş yolların sonundakı çovustan uzaqdan sürrealistik görüntüyə, ilğıma oxşayır. Çöldə sürətlə keçən vaxta rəğmən burda zaman elə bil donub. Tamam ayrı ölçüdə keçidi işarələyib elə bil.

Axtardığım adamı tapmışdım. Üzümə göylərin üzündən baxırdı. Saçları da dan yeri kimi ağarırdı, alnını qırışlar çoxdan biçmişdi... Dünyadan böyük olmaq sizə asan gəlməsin. “Çiçək qiyamı”nda onun özünə əl qaldırdığı məqamlar da var. O, hərdən “dünyanın yer adlı xarabasından bezib-usananda” özüylə də üzülüşmək istəyir.

Aradabir o telli-toqqalı gənclik illərinin arxasınca kənddən şəhərə üz tutanda yenə də zalım zamanla toqquşaraq söz-söz olub.

Biz isə şəhərdən kəndə üz tutmuşduq. Nazim Əlioğlu və mən. Dedik gedək bir o Güzgü - Adamı da ziyarət edək, sözdə güzgülənək, durulaq, saflaşaq. Uzun bir məsafəni qət edib onun yaşadığı Kəbirli kəndinə yollandıq və təəssüf ki, həmin vaxt o da bizdən xəbərsiz Bakıya üz tutubmuş... Maşınımız Kəbirliyə doğru şütüyəndə qürub çağıydı və göy üzü əsrarəngiz bir sehr haləsinə bürünmüşdü. Qardaşı Həsən çox böyük mehmannəvazlıq göstərdi və bizi onun adına layiq qarşıladı.

Kəbirlidə, İslamın doğma ocağında keçirdiyimiz o gecə “lampa kimi işıqlı, isti” idi. İlk dəfəydi ki, çovustanda gecələyirdim və bu rahatlıq ən bahalı otel odasındakı dinclikdən daha artıq canıma yatdı. O gecə biz İslam Kəbirlinin yoxluğunu hiss etmədik, əkib becərdiyi bostan da şeir misraları kimi səliqə ilə çöllərin sinəsinə düzülmüşdü. O şeiri oxuyan gərəkdi.

Gecələri uzun-uzun,

Gecələri görüş yeri.

Məni çəkən qaranlığın

Dodağında öpüş yeri.

Qəfildən yaddaşımın qaranlıq küncündən bir dilim işıq kimi çırtlayan bu duyğu şüası 50 yaşlı İslamın hələ də gözlərində dipdiri qalan uşaq heyrətini bütün aydınlığı ilə mənim gözlərim önündə canlandırdı. O uşaq heyrəti göylərin üzündəydi, qaranlığı üzü dan yerinə qovurdu... O gecə ağ atlı, ağ köynəkli oğlanı görən oldumu?!

Şəhərə çatanda özünə verdiyi ilk sual bu oldu:

Göyçək doğulmuşdum bu yer üzündə,

Nə yaman qaraldıb məni bu güzgü?!

Və yenə də Sözə doğru üz tutub getdi... Sözdə güzgülənmək üçün...

REKLAM

Yazarın digər yazıları

Xəbər lenti

Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021
7 il nişanlı qaldı, tələbəsi ona aşiq oldu, rus qızına görə oğlunu evdən qovdu – Xalq yazıçısından 10 maraqlı fakt
15:30 27 İyul 2021
Seyran Səxavət “Nizami Gəncəvi” mükafatına layiq görülüb
15:27 27 İyul 2021
Ermənilər yazıçımızın ailəvi fotosunu oğurladılar – Nadir fakt - Foto
14:45 27 İyul 2021
Əməkdar mədəniyyət işçisi vəfat etdi
13:52 27 İyul 2021
Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021