writer1

Cəlil Cavanşir

Məqalə sayı

294
clock11:33 calendar-gray 29 İyul 2013 view-gray1340 dəfə oxunub
view-gray1340 dəfə oxunub

Bir yay günü

3-4 gün əvvəl evimizin yaxınlığındakı marketə getmişdim. Kömür kimi qaralmış bir fəhlə marketə girdi. Üst-başı - toz içində idi, köynəyi tərdən islanmışdı. Gözlərində vəhşi bir qığılcım, əcaib bir ümid... Kənara çəkilib yol verdim. Kolbasa, siqaret, çörək aldı. Sonra sular yığılmış soyuducuya baxıb, udquna-udquna satıcıya üz tutdu:

- Olar bir dənə iki litrlik qazsız su götürüm, 2-3 saata gətirib pulunu verəcəm.

Satıcı tərs-tərs fəhlənin üzünə baxıb, bozardı:
- Yox qardaş, verə bilmərəm. Marketin sahibi icazə vermir.

Gözümlə işarə elədim ki, suyu ver, pulunu verəcəm. Satıcı narazı halda suyu fəhləyə verdi və dedi ki, pulunu verməsən də olar.

Havanın 40 dərəcə isti olmasına, dodaqlarının susuzluqdan cadar-cadar olmasına baxmayaraq fəhlə suyu geri qaytardı:
- Mən əlimin qabarıyla qazanıram, heç kəsin nəzir-niyazına ehtiyacım yoxdu. Ya nisyə ver, ya da vermə. Dedim ki, pulunu gətirəcəm.

Satıcı çarəsiz halda məni göstərdi:
- Suyu götür, pulunu rastlaşanda bu müəllimə verərsən.

Fəhlə dönüb üzümə baxdı. Gözlərindəki qığılcım şimşək kimi çaxdı. Üzünə baxmağa cəsarətim çatmadı. Gözlərimi yerə dikdim:
- Mən burda qalıram. Rastlaşanda verərsən pulumu.
- Sağ olun, minnətdaram. Görüşərik. Amma pulu mütləq qaytaracam. Yoxsa götürmürəm.
- Yəqin məni düzgün başa düşürsən. Bu jest filan deyil. Olanda, rastlaşanda qaytararsan.

Cavab verməmiş, çıxıb getdi.

Hadisədən bir neçə gün sonra qabağımı kəsib, 60 qəpiyi zorla ovcuma basdı. Ağacın kölgəsinə çəkilib adama bir siqaret yandırdıq. Tanış olduq. Dedim yazıçıyam, səfeh işlərlə məşğulam. Kondisionerli otaqda oturub sərin su içə-içə gic-gic yazılar yazıram. Başa saldım ki, heç vaxt tikintidə fəhləlik edə bilmərəm, buna gücüm, cəsarətim çatmaz, səhhətim imkan verməz.

Etiraz etdi:

- Müəllim elə demə. Mən hər gün qəzet oxuyuram. Yazmaq da fəhləlikdir, çətindir. Sənin də beynin, əsəbin gedir. Gözlərindən hiss olunur ki, komputerə çox baxırsan.

Təəccübləndim.

Daha sonra Pərviz Cəbrayılın, Zamin Hacının, Elnur Astanbəylinin, Samir Sarının, Şahvələd Çobanoğlunun yazılarını oxuduğunu söylədi. Samir Sarının Xalid Kazımlının gizli imzası olduğundan, jurnalistlərə verilən evlərdən danışdı:

- Ramiz Rövşəni, Salam Sarvanı əzbər bilirəm. Səni də tanıdım Cəlil bəy, iki il qabaq bir şeirin haqqında “Azadlıq”da Zümrüd Yağmur yazı yazmışdı.

Əlim üzümdə qaldı. Matım-qutum qurudu.

...Sonradan bildim ki, Ramin 2009-cu ildə APİ-nin tarix fakültəsini bitirib və müəllimklə ailəsini dolandıra bilmədiyi üçün, fəhləliyə üz tutub. Məndən Aqşin Yeniseyin şeirlər kitabını istədi. Bir də həmkarlar təşkilatları haqqında məlumat toplamağımı, “Kommunist partiyasının manifesti”ni tapmağımı istədi. Söz verdim.

Telefon nömrəsini götürdüm, sağollaşdıq.

Ayrılanda gözlərinə baxdım, gözlərində vəhşi bir qığılcım, əcaib bir ümid vardı...

REKLAM

Yazarın digər yazıları

Xəbər lenti

Məşhur musiqiçi Trampı məhkəməyə verdi
14:21 06 Avqust 2020
Türkiyədə nazir olan, övladına Atatürkün adını qoyan, ömürlük həbs cəzasına məhkum edilən azərbaycanlı yazıçı – Maraqlı faktlar
13:32 06 Avqust 2020
Vladimr Sorokindən yeni kitab
12:44 06 Avqust 2020
Çörək, dərman, kitab... - Operativ Qərargaha təklif
11:58 06 Avqust 2020
Ziyalılar karantinlə bağlı müraciət etdi
11:16 06 Avqust 2020
Məşhur rejissordan yeni film gəlir - Treyler
10:38 06 Avqust 2020
"Min bir gecə" Vyanada nümayiş olundu
10:04 06 Avqust 2020
İtin kolbasasını uşağına verdiyi üçün villadan qovulan fəhlə - Varisin yeni hekayəsi
08:59 06 Avqust 2020
Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020
“Məni qardaşım hamilə qoydu" – Qırmızı donda intihar edən qızın faciəsi
13:32 05 Avqust 2020
Kamal Abdulladan orijinal layihə - Müsahibə
12:56 05 Avqust 2020
"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020