writer1

Ramilə Qurbanlı

Məqalə sayı

171
clock08:30 calendar-gray 26 İyun 2013 view-gray1504 dəfə oxunub
view-gray1504 dəfə oxunub

Sevdiyim əsgər

Uşaq vaxtı soldat çox işlətdiyimiz söz idi.

Yəqin bu sərhəd rayonunda böyüməyimdən irəli gəlirdi.

Sərhədçilər həmişə gözlərimiz qarşısında fırlanırdılar, onlarla rus dilinin qol-qıçını sındıra-sındıra söhbət edib özümü rus dilini bilən göstərib ətrafdakı həmyaşıdlarımın qarşısında təşərlənərdim.

Düz kəndimizin ortasından keçən Bakı-Yerevan qatarının hər vaqonunun qapısında duran soldatlardan “soldat znaçok yest?” deyə soruşardıq. Onlar da bizi qırmazdılar, yaxalarındakı “znaçok”ları sonuncusuna qədər açıb bizə tullayardılar. Beləcə uşaq məsumluğumuzla çox sevərdik onları. Onlara xilaskarımız, qoruyucumuz, güvənc yerimiz kimi baxardıq, hərçənd aralarında tək-tük azərbaycanlı tapılardı.

Soldatları 1990-cı ilin 20 yanvarına qədər hələ də sevirdik, güvənirdik. Güvənc yerimizin necə puça çıxdığı hamıya bəllidir. O vaxtdan sevgi nifrətə çevrildi.

İlk milli batalyonumuzun yaranmasından üzü bəri əsgər sözünə uyğunlaşmağa, onu sevməyə başladıq. Əvvəlcə əsgərin papağındakı, qolundakı bayrağımızı sevdik. Sonra əsgərin hərbi formasını, özümüzünküdür, daha şirin gəlir.

İndi neçə illərdir ki, əsgər deyəndə gözlərim qarşısında təcili yardımla gətirilən 1990-cı illərdə gördüyüm şəhid əsgərlər gəlir. Sevməyə imkan tapmamış itirdiyimiz əsgərlər.

Hələ onlara güvənc yeri, xilaskar kimi baxa bilmirəm, nədənsə daha çox ürəyim yanır, onlar üçün nə isə eləməyə çalışıram, əlimdən gələn bir şey varsa əgər...

Görünür, onlar ilkin xəyalıma şəhid, yaralı kimi həkk olunublar ona görə.

Bayramın mübarək, əsgər. Sənə qələbə arzulayıram. Qalib ol ki, güvənc yeri ol, qalib ol ki, gözlərimiz qarşısında əzəmətin artsın. Qalıb ol ki, səni qüdrətli olduğun, güvənə bildiyimiz üçün sevək. Qələbə sənin şəhid görkəmini alt-üst edəcək. Sənə də, özümə də sonu qələbə ilə bitən döyüş əzmi arzulayıram. Əsgər döyüşməsə möhtəşəm ola bilməz. Günün mübarək! Hər gün sənin olsun.

REKLAM

Yazarın digər yazıları

Xəbər lenti

Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin - Səbuhi Məmmədli yazır...
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020
Süni şöhrətə qaçan gənc şair və Allahın “cangüdənləri” – Sərdar Amin yazır...
12:15 10 İyul 2020
Tarık Akanın heç yerdə bilinməyən söhbəti
11:12 10 İyul 2020
Səni sevən öldü, zalım – Səhər Əhməd yazır...
10:35 10 İyul 2020
Notr-Dam kilsəsi yenidən bərpa ediləcək
10:01 10 İyul 2020
Dodağının altında məni söyüb qarğıyırdı - Bircənin romanı
09:00 10 İyul 2020
Xalq artistinin oğlu vəfat etdi
01:53 10 İyul 2020