writer1

Səhər Əhməd

Məqalə sayı

197
clock11:59 calendar-gray 10 İyun 2013 view-gray2691 dəfə oxunub
view-gray2691 dəfə oxunub

Seks bazarında fəlsəfə satmaq

Səhər Əhməd

Əslində, bu yazı elə adından ibarətdi. Yəni nə yazsam, sizə bu başlıqdan çox söz deyə bilməyəcəyəm.

Orta məktəbdə bizə ad qoymağı belə öyrədirdilər, dərslikdə verilmiş mətnə hər kəs bir neçə ad qoyardı, sonra onların arasından ən uyğun başlıq seçən qalib sayılardı.

İndi dövr də, tələb də başqadı, yazılara ən uyğunsuz ad qoyanlar “qalib sayılır”. Əgər sənin hekayəndə məsələn, “ Mələknisə nazik geyindiyi üçün üşüyürdü” cümləsi keçirsə və mətndə dişədəyər başqa əndrabadi cümlə yoxdusa, o hekayənin adını asanlıqla “Çılpaq qadın” qoya bilərsən. Həmin çılpaq qadının qəziyyəsini öyrənmək istəyənlər yazıya açıb baxmadan dura bilməyəcək.

Axı indi məhsulların keyfiyyətindən çox onun daha məharətlə təqdim olunması dəbdədi. Yazarlar da öz fikirlərini daha cazibədar başlıqlara büküb nümayiş etdirirlər. Sanki sən öz ləl-cəvahiratını qat-qat ucuz, amma parıltılı bir qabda satışa çıxarırsan. Qaba baxanlar çox olur, amma içindəkini almağa gücü çatan adamların sayı dəyişməzdir.

Ona görə də məzmunu ilə uzaqdan yaxından əlaqəsi olmayan başlıq seçilmiş, “ay müştəri, gəl bəri” çağıran yazılar başqalarına nisbətən dəfələrlə çox oxunur. Amma mən buna “oxunur” deməzdim, onlar sadəcə tıklanırlar. Oxunma sayı arasında yerlə göy qədər fərqi olan yazıların hansının daha çox oxunmasını, mənimsənməsini isə bircə Allah bilir.

İkinci tərəfdən, tarixən qalmaqalın, kriminalın, erotikanın “alıcı”ları fəlsəfənin “alıcı”larından çox olub. Bunun əksi daha təəccüblü olardı. Yadıma bir lətifə düşür.

Bir nəfər qonşusuna gileylənir:

- Qəribədi, sizin toyuqlar keçib bizim həyətdəki bütün tərəvəzləri yeyiblər.

Qonşu tövrünü pozmadan cavab verir:

- Bunun nəyi qəribədi? Qəribə o olardı ki, sizin tərəvəzlər keçib bizim həyətdəki bütün toyuqları yeyərdi.

Deməli, bizim məsələdə də qeyri-adi, qəribə heç nə yoxdu. Qəribə o olardı ki, hər kəs özünü filosof kimi hiss edər, məmləkətin dərdini, insanlığın qayğısını çəkərdi. Orta statistik oxucu bir tikə asudə vaxtını niyə fəlsəfi yazılar oxuyub başını ağrıtmağa, hansısa müəllifin qaramat ovqatına köklənməyə sərf eləsin ki?! Bu qədər stress atan mövzular varkən.

Təxminən belə. O ki qaldı mənim seçdiyim” Seks bazarında fəlsəfə satmaq” başlığına, o nəinki mənim yazımın, ümumən, bizim bugünkü işimizin əsl adıdır.

REKLAM

Yazarın digər yazıları

Xəbər lenti

Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021
Klinton ilk romanını nəşrə hazırlayır: "Terror dövləti" - Foto
16:37 16 Aprel 2021
Azərbaycanlı qadının fotosu Türkiyədə “İlin media fotosu” seçildi - Video
15:49 16 Aprel 2021
Təzəpirdə sinə vurdu, qızlarına görə Moskvada yaşamaqdan imtina etdi, atası onunla işləmək istəmədi – Tanımadığımız Eldar Quliyev
15:01 16 Aprel 2021
Yazıçıya vəzifə verildi
14:47 16 Aprel 2021
Qarabağda qırılan tut ağaclarına elegiya
14:31 16 Aprel 2021
Əməliyyatdan çıxan Zümrüd: “Xərçəng deyiləm” - Açıqlama
13:49 16 Aprel 2021
Həmid Herisçi Seymur Baycandan danışdı: “Təəssüf ki...”
13:02 16 Aprel 2021
Şimşəkdən sonra - İlham Əzizin yeni hekayəsi
12:16 16 Aprel 2021
Eldar Quliyev Fəxri Xiyabanda dəfn olunmayacaq
11:34 16 Aprel 2021