writer1

Etimad Başkeçid

Məqalə sayı

51
clock11:47 calendar-gray 17 May 2011 view-gray1166 dəfə oxunub
view-gray1166 dəfə oxunub

Avtobuslar haqqında donquldanma

Gündə azından dörd dəfə ictimai nəqliyyatdan istifadə edirəm və hər dəfəsində bir daha əmin oluram ki, bizim metroda və avtobuslarda gedib-gəlmək üçün insan xüsusi vərdişlərə yiyələnməlidir.

Bizim öz təyinatı üzrə ictimai, servis səviyyəsinə və insanlarda doğurduğu mənfi emosiyalara görə isə antiictimai nəqliyyat Buddanın özünü belə hövsələdən çıxarmağa qadirdir.

Bakının yerüstü nəqliyyatı (yeraltı nəqliyyatın dərdi ayrıdır) mənə kütlə instinkti ilə yaşayan başıpozuq kaftar sürüsünü xatırladır. Adamın ətini yeyib, sümüyünü belə çölə atmayacaq dərəcədə bizə doğma olan kaftar sürüsünü.

Bir dəfə bir yerdə demişdim ki, adam bizim nəqliyyata adam kimi minir, amma ifrazat kimi xaric olunur.

Bəşər övladının “Dayanacaq” adlanan ixtirasını biz profanasiya etmişik. İnsanlarımız dayanacaqlardan cin iynədən qorxan kimi qorxurlar. Dayanacaqdan mümkün olduğunca aralıda durmağa çalışırlar. Avtobus sürücüləri üçün dayanacaqlar olsa-olsa xatirə kompleksləri rolunu oynayır. Onların yanından avtobuslar yeldən qanad taxıblarmış kimi keçib gedirlər.

Yolların yaxasına səpələnmiş adamları dənləyə-dənləyə irəliləyən avtobuslar yalnız zahirən nəqliyyat vasitəsini xatırladır. Daxildən onlar siyənək çəlləyini və ya ekstremal tanışlıq bürolarını andırırlar. Avtobusda sürücünün “bir az da mehribanlaşın!” nidasını adamlar göylərin əmri kimi qəbul edirlər. Adi vəziyyətlərdə alınmaz qalanı xatırladan qızlarla oğlanlar teatral pozalarda elə maraqlı kombinasiyalar yaradırlar ki, bundan sonra abırlı adamlar evlənməli, qırx gün, qırx gecə toy çaldırmalıdırlar.

O qədər də uzaq olmayan keçmişdə avtobusa kişi girəndə arvadlar durub yer verərmişlər. İndi tərsinədir – avtobusa girəndə binəva kişilərin hamısının bir nəfər kimi ayaqda olduğunu görürsən. Çox nadir hallarda görürsən ki, başının üstünü kəsdirmiş arvadların hikkəli baxışlarına, eyhamlı işarələrinə baxmayaraq, bir nəfər kişi oturub, gözlərini zilləyib kitab oxuyur. Dodaqlarını tərpədə-tərpədə elə maraqla, elə həvəslə oxuyur ki, sən də suyulursan. Hətta avtobusun təkəri nagahan yolun ortasında ağzını nəqqara kimi açmış lyuka düşəndə belə gözlərini kitabdan ayırmır. Bu zaman anlayırsan ki, bu kişi, doğrudur, gözlərini xarab eləyir, amma əvəzində yerini arvadlardan qoruyub saxlayır. İctimai nəqliyyatda arvadların kişilərə göz verib, işıq verməməsini kitab oxumaqla protesto edir.

Bizim avtobus sürücüləri, gec və keyfiyyətsiz də olsa, adamları mənzil başına çatdırmaqla öz işlərini bitmiş saymırlar. Bir də görürsən ki, eyni nömrəli iki avtobus yolda qarşılaşdı, sürücülər yerə düşüb şəbeh çıxartmağa, bir-birinin ölüsünü-dirisini yamanlayaraq absurd teatrındakı kimi hərəkətlər eləməyə, bir sözlə sərnişinləri əyləndirməyə başladılar. Özü də buna görə onlar nə hökumətdən, nə də sərnişinlərdən əlavə haqq tələb etmirlər.

Bizim nəqliyyatın mərifətlərini sadalamaqla bitməz.

Başlayanda demişdik ki, bizim avtobuslarda hərəkət eləmək üçün adam xüsusi vərdişlərə yiyələnməlidir. Bunlardan ən başında gələni - özündə bizim həşəmətli manısların mahnılarını dinləmək vərdişidir.

İkincisi, getdiyin yerə vaxtında çatmayacağından yana darılmamalısan. Onsuz da, od olsan yalnız özünü yandıracaqsan. Alimlərin hesablamalarına görə, insan öz həyatının üçdə birini yatır, onda birini isə, yollarda keçirir. Amma, nə yazıq ki, bu hesablama yalnız qərblilər üçün keçərlidir. Bizdə yəqin ki, tərsinədir – ömrumüzün üçdə birini yollarda keçirir, onda birini isə yatırıq. Ona görə çox yatmırıq ki, çalışqanıq, yox, yuxumuzdan kəsib yollara calamalı olduğumuz üçün çox yatmırıq.

Üçüncüsü…

Dördüncüsü…

Üç nöqtələrin yerini doldurmağı sizə həvalə edirəm, əziz dostlar!
REKLAM

Yazarın digər yazıları

Xəbər lenti

Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021
Özü torpağın altında, saatı cibimdə... - Orxan Cuvarlı yazır
10:09 30 İyul 2021
Tural Abbaslının hay-küyü, Aysel Əlizadənin kukla eksperimenti - “Elin sözü” düzdürmü?
09:01 30 İyul 2021
Ən gözəl sevgilərlə xərçəng belə sağalar - Bahar Zamanının şeirləri
21:00 29 İyul 2021
Kino Günü açıq havada qeyd olunacaq
18:06 29 İyul 2021
Müəllifi kim öldürüb? - Qismət yazır...
17:20 29 İyul 2021
Azərbaycan almanlarından bəhs edən kitab çıxdı
16:51 29 İyul 2021