news-inner
clock08:30 calendar-gray 01 Fevral 2013 view-gray4926 dəfə oxunub
view-gray4926 dəfə oxunub

Niyə evlənmədiklərini açıqladılar PROJE

Kulis.Az evlənməyən kişi və qadınlarla bağlı layihəni davam etdirir. Layihənin budəfəki qonaqları kinoşünas Aygün Aslanlı və hüquqşünas Xalisə Şahverdidir.

Aygün Aslanlı (33 yaş, kinoşünas)

"Bir nəfərdən iki ildən bir evlənmə təklifi alıram"

- Niyə evlənmirsiniz?

- Dəqiq yadımda deyil, çoxdan idi. Qorxulu bir yuxu görmüşdüm, həmin yuxunu indiyə kimi unuda bilmirəm. Yuxuda evli idim. Görürdüm ki, səhər yuxudan oyanıb hamama gəlirəm. Güzgüyə baxıb görürəm ki, güzgüdən kök bir qadın ölmüş gözləri ilə mənə baxır. Sonra mən güzgünün qarşısındakı ülgüclə damarımı kəsməyə başlayıram. Bəlkə də indiyə kimi evlənməməyim bu yuxunun təsirindəndir (gülür). Bu işin zarafat tərəfi. Evlənmək üçün kiminləsə münasibətdə olmalısan, dostlaşmalısan, onu sevməlisən. Bundan sonra münasibət öz axarıyla gedib evliliyə çıxır. Hələ ki, evliliyə doğru gedən bir münasibətim olmayıb.

- Evlənmə təklifləri alırsınız?

- Evlənmə təklifləri alıram. Hətta bir nəfərdən periodik olaraq iki ildən bir evlənmə təklifi alıram (gülür).

- Təklifləri niyə qəbul etmirsiniz?

- Elektrik almadığım üçün cavabım “yox” olur.

- Sevgi etirafları necə, çox olur?

- Nə yalan danışım, olur, ancaq o qədər də çox olmur.

- Özünüz necə, kiməsə sevgi etirafı etmisiniz?

- Hə, etmişəm.

- Hansı cavabı aldınız?

- “Yox” cavabı aldım (gülür).

- Azərbaycanlı kişilər ilə avropalı kişilərin fərqi nədir?

- Avropalı kişilər daha rahat olur, onlarda kompleks yoxdur.

- Əcnəbi vətəndaşla evlənərsiniz?

- Dediyim kimi elektrik olsa niyə də yox?! Əcnəbi vətəndaşla evlənən qadınlara paxıllıq edirəm.

- Azərbaycan kişisi ilə bağlı ən böyük şikayətiniz nədir?

- Mənim problemim daha çox özümlə bağlıdır.

- Ailədən təzyiq, qınaq olurmu?

- Nə qınaq, nə də təzyiq olub, ancaq xahiş şəklində təkliflər edilib. İndi o təkliflər də yoxdur, artıq məndən əllərini üzüblər (gülür).

- Evlənmədiyinizə görə məyus olursunuz?

- Daha çox ailəli dostlarımın xoşbəxt anlarının eyforiyasına qapılandan sonra məyus olub, onlara həsəd aparıram. Bir müddətdən sonra görürsən ki, əslində həsəd aparılacaq bir şey yoxdur. Hərdən onlar da mənim həyatıma baxıb, həsəd aparırlar. Bir dostum iki gündən bir mənə deyir ki, sən çox xoşbəxtsən, azadlığının qədrini bil (gülür). O, belə deyəndən sonra həsəd aparmağın mənasız olduğunu anladım.

- Subay olmaq daha rahatdır ya evli olmaq?

- Nə subaylıq, nə də evli olmaq rahatlıq vəd edir. Gərək ər və arvad eyni dünyagörüşünə sahib olsunlar. Ər gərək arvadına problem yaratmasın. Çünki qadın işləyəndə onun ərinə kənardan söz deyənlər tapılacaq. Subay olmaq da o cəhətdən pisdir ki, əgər subaysansa üstündə damğan hazırdır. 33 yaşım var, subayam və mənə sual verəndə ki, niyə ərə getmirsən, cavabım bu olur ki, hələ istəyim yoxdur. Dərhal bu sualı mənə verən insan düşünməyə başlayır ki, yəqin filan yolun yolçusudur.

- Bu vəziyyət qıcıqlandırmır sizi?

- Ağlamaq dərəcəsində qıcıqlandırır.

- Evlənmək üçün ümidlisiniz?

- Ciddi deyirəm, bu barədə düşünmürəm. Əvvəl fikirləşirdim, hətta bir neçə il bundan əvvəl niyyətlənmişdim də. Sonra alınmadı və ondan sonra belə niyyətlərə daha ehtiyatla yanaşıram.

- Ömrünüzün sonuna kimi subay qalmaq istəyirsiniz?

- Təbii ki, həyatımı bölüşəcəyim bir adamın olmasını istərdim. Ancaq bunun adı evlilik olacaq, nə olacaq, bu haqda dəqiq danışa bilmərəm.

Xalisə Şahverdi (33 yaş, hüquqşünas)

"Bizim kişilər özlərini həddindən artıq "yük altına" salırlar"

- Niyə evlənmirsiniz?

- Evlənmək istərdim, amma hələ də uyğun insanla rastlaşmamışam.

- Evlənmə təklifləri alırsınız?

- Rəsmiyyət baxımından soruşursunuzsa əvvəllər olub, son üç ildə təklif almıram. Birgə yaşama təklifləri olur.

- Təklifləri niyə qəbul etmirsiniz?

- Yuxarıda qeyd etdiyim səbəblərdən.

- Sevgi etirafları necə, çox olur?

- Olur, amma çox deyil (gülür).

- Özünüz necə, kiməsə sevgi etirafı etmisiniz?

- Əlbəttə edirəm (gülür). Bilirsiniz mənim üçün sevginin cinsiyyəti və məhdudiyyəti yoxdur. Həyatımda o qədər doğma və yaxın insanlar var ki, onları sevdiyimi tez-tez etiraf edirəm. Əgər siz intim sevgi və istək etirafını nəzərdə tutursunuzsa, iki insan olub (gülür).

- Azərbaycanlı kişilər ilə avropalı kişilərin fərqi nədir?

- Fərqlər çoxdur. Həm pozitiv, həm də neqativ mənalarda. Bunlar da yaşayış mühiti, dünyaya baxış, dini və mədəni tərbiyədən asılıdır.

- Əcnəbi vətəndaşla evlənərsiniz?

- Əlbəttə evlənərəm. Çünki ortaq paylaşacağım şəraitə, imkanlara bağlıdır.

- Azərbaycan kişisi ilə bağlı ən böyük şikayətiniz nədir?

- Bizim kişilər özlərini həddindən artıq “yük altına” salırlar. Bəzi gənc yazar dostlarımın toxunduğu ana-bacı söhbətləri, qeyrət-ləyaqət məsələlərini nəzərdə tuturam. Bütün bunlar da mentalitet və kökləşmiş stereotiplərlə bağlıdır. Onlara elə gəlir ki, qadının ləyaqətini onlar qoruyur. Əslində isə həqiqəti anlamırlar. Anlamırlar ki, ləyaqət anlayışı nisbi və fərdidir. Yəni heç bir kişi heç bir halda qadının ləyaqətinin qarovulçusu olmayıb və olmayacaq da.

- Ailədən təzyiq, qınaq olurmu?

- Hərdən olur. Ailə həyatı qurmağımı çox istəyirlər. Amma bu “psixoloji baryeri” universitetdə oxuyanda keçmişəm. Birinci kursda oxuyanda böyük qardaşım evdə belə söhbətlər olanda demişdi ki, səni kimsə nəyəsə məcbur edə bilməz, yalnız dərs oxumaqdan başqa. Elə o vaxtdan da ailəmdən azadlığımı qazanmışam (gülür).

- Evlənmədiyinizə görə məyus olursunuz?

- Əsla, çünki hələ seçimimə layiq insanla rastlaşmamışam.

- Subay olmaq daha rahatdır, ya evli olmaq?

- Bu, nisbi anlayışdır. Ən azı evliliklə bağlı təcrübəm olmadığı üçün müqayisə edə bilmərəm. Evli olan dostlarım hərdən şikayətlənirlər. Rəfiqəm bir dəfə dedi ki, evli olmaq insanın içində olan kimisə “axtarış” hissini azaldır (gülür).

- Subaylıq qıcıqlandırmır sizi?

- (gülür) Həyat anlardan ibarətdir. Hər anı pozitiv və maraqlı yaşamağa can atmalıyıq. Subaylıq əlbəttə evliliyə nisbətən məsuliyyət baxımından daha rahat olsa da, sahib olduğun həyatın məsuliyyətini dərk etmək üçün yetərli deyil.

- Evlənmək üçün ümidlisiniz?

- Evlənmək insanın həyatını paylaşmağa layiq gördüyü insanla birgə həyata atdığı addımdır. Ümidlə məncə əlaqəsi yoxdur. Amma məhz o insanla rastlaşacağıma ümidliyəm.

- Ömrünüzün sonuna kimi subay qalmaq istəyirsiniz?

- Hər şeyin xeyirlisi (gülür).

Digər yazılar:

"Bizim qadınlar təbiətcə yırtıcıdır"

Oxşar xəbərlər

Xəbər lenti

Kinematoqrafçılar İttifaqı Silahlı Qüvvələrə Yardım Fonduna ianə edib
18:44 20 Oktyabr 2020
Mahnı bitənəcən qayıdacam
18:02 20 Oktyabr 2020
Gecə yarısı bir qız məktub yazır səngərə... - Cəbhədə olan zabitdən şeirlər
17:21 20 Oktyabr 2020
Zəngilanlı aktyor: "İlk dəfədir var olduğumu hiss edirəm"
16:33 20 Oktyabr 2020
Məşhur aktyor xərçəngə tutulub
15:51 20 Oktyabr 2020
Mehdi Hüseyn onun qollarında can verdi, yoldaşının danışdığı yalan ömrünü 7 il uzatdı, bir şeirlə tarixdə qaldı – Maraqlı faktlar
15:08 20 Oktyabr 2020
Günay İbrahimli: "Ən böyük arzuma çatdım"
14:25 20 Oktyabr 2020
Kuklada uşaqlar üçün tamaşa
13:42 20 Oktyabr 2020
Rusiyanın tanınmış aktrisası vəfat etdi
13:01 20 Oktyabr 2020
“Qəbiristanlığa qaçacam, atama salam verməyə...” – Kəndləri alınan yazıçılar ora necə qayıdacaqlar? - Sorğu
12:20 20 Oktyabr 2020
Balasının meyitini qucaqlayan ata – Allaha suallar
11:41 20 Oktyabr 2020
Qadını yırtıcıya çevrilən xalq – Elçin yazır…
11:01 20 Oktyabr 2020
“Çiçek taksi”nin Abuzeri həbsdən çıxdı
09:58 20 Oktyabr 2020
Balıq ovunda dəhşətli peşmanlıq – Yeni hekayə
08:55 20 Oktyabr 2020
Filmimiz Parisdə nümayiş olundu
18:49 19 Oktyabr 2020
Rəssamlar İttifaqı Silahlı Qüvvələrə Yardım Fonduna ianə edib
18:11 19 Oktyabr 2020
Niyə inşa edilmişdi, üstündən kimlər keçdi? - Xudafərin körpüsü
17:28 19 Oktyabr 2020
Azərbaycanlı yazıçı koronavirusa yoluxdu
16:52 19 Oktyabr 2020
Az qalıbdır, Qarabağı qucmağa - Ordumuz haqda şeirlər
16:07 19 Oktyabr 2020
Məşhur meyxanaçılar Qarabağa klip çəkdi - Video
15:28 19 Oktyabr 2020