writer1

Ayxan Ayvaz

Məqalə sayı

554
clock11:06 calendar-gray 13 Sentyabr 2021 view-gray707 dəfə oxunub
view-gray707 dəfə oxunub

Ramin Bayramlı niyə istefa verdi?

"Artıq TƏBİB-in İdarə Heyətinin sədri vəzifəsindən ayrılmağım üçün ərizə ilə müraciət etmişəm. İstər 44 günlük haqq savaşımızda, istərsə də, ümumbəşəri bəla sayılan COVİD-19 virusu ilə mübarizədə çiyin-çiyinə çalışdığımız dəyərli məsləkdaşlarıma öz təşəkkürümü bildirir, bu yolda canlarını qurban vermiş həkimlərimizin ruhu qarşısında baş əyirəm. Bundan sonra da Vətənimə və Xalqıma xidmətimi davam etdirəcəyəm".

Bu sözləri öz Tvitter hesabında Ramin Bayramlı yazmışdı. Yazan kimi də bomba kimi gündəmə düşdü. Hamı Ramin bəyin istefasını yumorla, sevinclə qarşıladı. Təəccüblü deyil. Çünki bu birinci səfər olmurdu. İstefa verən vəzifəlilər həmişə gülüş hədəfinə çevrilirlər.

Halbuki istefa etmək bir mədəniyyətdir, mədəniyyət nümayişidir. Nədənsə imtina etmək, gözü-könlü tox olmaq insanın ibtidai, saf oyanışıdır. Bu, bir az gəlib çıxır sufizmə, bir az da buddizmə. Arzular nə qədər çox olursa, xoşbəxt olmaq o qədər çətinləşir.

Təbii ki, Ramin Bayramlı nə sufidir, nə buddist.

Məsələn, istefa deyəndə Şener Şenin sonuncu filmi yadıma düşür. “Yol ayırımı”. Varlı bir kişi qəfil avtomobil qəzasına düşür. Əzazil adam birdən-birə yumşalır, vaxtı ilə əziyyət verdiyi işçilərə yardım etmək istəyir, əvvəllər fikir vermədiyi təbiət bu dəfə ona ecazkar gəlir.

O, istefa verir – bütün mal-mülkündən imtina edir, şirkətin rəhbərliyindən gedir. Qərara alır ki, bütün var-dövlətini işçilər arasında bölsün. Təbii, ailəsi narazı qalır, ona dəli kimi baxırlar. Elə dəlixanaya da atırlar.

İstefanın doğurduğu bu hissləri evimizdə də yaşamışam. Atam, yazıçı Eyvaz Əlləzoğlunun Gürcüstan səfirliyindəki vəzifəsindən istefa verməsi evdə söz-söhbət yaratmışdı. Hamı onun yüksək vəzifələr tutacağı bir məqamda bu hərəkəti etməsini qınayırdı. Onu ağılsızlıqda günahlandırır və bu addımını dəhşətli bir hadisə kimi şərh edirdilər.

Əslində isə istefa şəxsiyyətin bioqrafiyasını zənginləşdirir. Məncə, bir insana əldə etdiklərinə görə yox, imtinalarına görə qiymət verilməlidir. Nə qədər çox imtina etmisənsə, nə qədər çox vəzifədən istefa vermisənsə, o qədər çox insansan. Çərçivələrin yoxdur. Azadsan. Heç kimə bağlı deyilsən. Ancaq qınanacaqsan, sənə dəli kimi baxacaqlar.

Bu, bizim reallığımızdır!

Bütün bunların Ramin Bayramlıyla nə qədər əlaqəsi var, bilmirəm. Onun istefasının səbəbi nədir? Covidlə mübarizədə çətin vəziyyətə düşməsimi, vəzifəsini yerinə yetirə bilməməsimi? Bəlkə sadəcə “Ərizəni yaz” deyiblər, o da yazıb. Bəlkə canını camaatın qınağından qurtarmaq istəyib. Yaxud o istefa üfüqdə daha böyük vəzifələri hədəfləmək üçün verilib?

Çoxlarınız xatırlayar, 37 nəfərin öldüyü Sivas qətliamında – yəni Madımak oteli yandırılanda Türkiyənin hökumət nümayəndələri istefaya getmişdi. Etiraf etmişdilər ki, biz bu işdə bacarıqsız olduq, nə qədər adam bizim səriştəsizliyimiz nəticəsində öldü. Doğrudur, istefa bu hadisəni unutdurmadı, amma o istefa ən azından böyüklük idi.

Ramin Bayramlının istefasından sonra insanların reaksiyasını izlədim. Deyirdilər, tikdiyi ev yarımçıq qaldı, yeyib doydu, nə bilim, camaatın söyüşlərindən boğaza yığıldı. Sanki Covid bəlasını o yaratmışdı - bütün aqressiyaların yeganə hədəfiydi. Ola bilsin, bütün bunlar yorub onu. Yəni vəzifəsini icra edə bilmədiyindən istefa versəydi və bunu etiraf etsəydi, məncə, hamı onun istefasını alqışlayacaqdı. Lakin Ramin Bayramlının açıqlamasında "bacarmadım" deyə bir söz olmadığından insanlar növbəti dəfə onu qınadılar.

Halbuki istefa Ramin Bayramlıya başucalığı gətirməliydi.

Bizdə istefa mədəniyyəti olmadığı üçün istefa verənin səmimiliyinə də inam yoxdur.

İstefa insana daxilən rahatlıq gətirməlidir. Onu böyük insanlığa doğru bir addım yaxınlaşdırmalıdır.

Yoxsa istefa ver və yenə hədəfə çevril, qınan...

Ağır dərddir.

REKLAM

Yazarın digər yazıları

Xəbər lenti

Məşhur Amerika filmi yenidən çəkiləcək
18:51 16 Sentyabr 2021
Azərbaycanlı professor vəfat etdi
18:15 16 Sentyabr 2021
Azərbaycanlı şair: “Hər ay ABŞ-dan mənə pul gəlir” – Müsahibə
17:31 16 Sentyabr 2021
Mədəniyyət Nazirliyi məlumat yaydı - Mətn
17:05 16 Sentyabr 2021
Çingiz Abdullayev şeir oxudu – Fotolar
16:15 16 Sentyabr 2021
Əri qorxusundan onu boşadı, çadrasını Cəfər Cabbarlı açdı, anası qızına görə dinə qarşı üsyan elədi - İlk kinoaktrisamızın ağlagəlməz həyatı
15:28 16 Sentyabr 2021
Millət vəkili Salam Sarvanı təbrik etdi - Foto
14:56 16 Sentyabr 2021
Özbəkistanla müştərək film çəkəcəyik
14:00 16 Sentyabr 2021
Benzinin bahalaşmasına haqq qazandıran millət vəkilləri – Sərdar yazır...
13:15 16 Sentyabr 2021
Səyavuş Aslanın küçədə qalan oğlu ilə bağlı rəsmi açıqlama - Foto
12:24 16 Sentyabr 2021
Acun azərbaycanlı olduğunu açıqladı – Video
12:18 16 Sentyabr 2021
Mübariz İbrahimovun yaxın dostu olmuş taksi sürücüsü: “Hər gün bizim idman zalına gəlirdi” - Maşından reportaj
12:06 16 Sentyabr 2021
Bukerin qısa siyahısına düşən əsərlər nədən bəhs edir?
11:35 16 Sentyabr 2021
Ölkəmizdə yeni layihə: Uşaqlar nağıl yazacaq
11:01 16 Sentyabr 2021
Səyyad Əlizadənin vəziyyəti daha da ağırlaşdı - Açıqlama
10:25 16 Sentyabr 2021
Əməkdar artistimiz dünyasını dəyişdi
10:15 16 Sentyabr 2021
Xarkovda Nizami Gəncəvinin abidəsinin açılış olub - Foto
09:57 16 Sentyabr 2021
Üzü örtülü qadınla necə evlənməli? – Zamin Hacı yazır
09:00 16 Sentyabr 2021
Nuru Paşa Cəfər Cabbarlıya nə hədiyyə etdi? - Tarixi fakt
21:00 15 Sentyabr 2021
"Amerika" adlı qızıl unitazı oğurlayan şəxs tapılmır - Foto
18:43 15 Sentyabr 2021