writer1

Cəlil Cavanşir

Məqalə sayı

294
clock13:29 calendar-gray 24 Yanvar 2013 view-gray1462 dəfə oxunub
view-gray1462 dəfə oxunub

“Tərkedilmişlər” filmi

Həyat böyük bir film şirkəti kimidir. İnsanlar isə bu şirkətlə müəyyən müddətə müqavilə bağlamış çarəsiz aktyorlardır. Həyat istədiyi rolu verir insana...

Mən oynadığım bütün filmlərin ikinci dərəcəli aktyoruyam. Yalnız bir neçə dəfə filmin qəhrəmanı olmağı bacarmışam.

Bir neçə dəfə də mənfi qəhrəmanı, qapını çırpıb gedən, sərt baxışlı və soyuqqanlı tipi canlandırmışam...

Rol verilməyəndə kütləvi səhnələrdə oynamışam. Ya da epizodik bir tipi canlandırmışam. Məsələn bir bar köşəsində siqaret çəkə-çəkə dalğın baxışlarını boşluğa zilləmiş avara bir tipi...

Hər şey çox sürətlə dəyişib həyatımda...

Bir vaxtlar dəli kimi sevdiyin, sənin üçün fədakarlıq edən birisinin dəyişməsi, sıradan biri olması, səninlə də sıradan biri kimi davranması çox üzücüdür. Kədərli aktyor olmaq da asan deyil... Dramatik rolların mahir ifaçısı olmaq, komik aktyor olmaqdan qat-qat çətindir...

Amma nə etməli, verilən rol budur və oynamaq zorundayam...

Təəssüf ki, insan dəyişkəndir və bütün böyük sevgilər bir gün tükənir. Tanıdığım bütün qadınlar tərk etməyi ən azı bir dəfə də olsun ağlından keçirib. Fiziki cəhətdən tərk etməyi bacarmayanlar isə ruhən çoxdan tərk ediblər bir vaxt sevdiklərini...

Bir sevdaya tutulanda hara qədər gedəcəyini düşünmür insan, yox əslində düşünə bilmir. Unudulmaq, adiləşmək istəməsək də bu, baş verir. Bir gün hay-küylə, həyəcanla, dəli bir sevgiylə həyatımıza daxil olan qadınlar, günün birində də sakitcə, dərin bir iz buraxaraq çəkib gedir və yadlaşır.

Bitməməyini istədiyimiz gözəl bir film kimi, bütün sevgilər bir gün bitir.

Mən əbədi sevginin varlığına inamımı çoxdan itirmişəm...

Hər gün sevdalanmaq, hər gün sevmək istədiyim birisi olsun istədim həyatımda. Bir az çətin, bir az imkansız, bir az da əlçatmaz...

Xəyallarımda olmayan sevgini göyün yeddinci qatına qaldırdım. Xoşbəxt olmaq üçün ağına-bozuna baxmadan, bəzən də kor-koranə mübarizə apardım. Bəzən bir təbəssüm belə məni yolumdan azdırdı. Xoşbəxt olmaq üçün imkansız sevdaların arxasınca düşdüm. Başqasının səadətinə əl uzatdım, sevgisini, ümidini oğurladım.

Film dadında bir sevgi əsib keçdi həyatımdan...

Ssenarisini kimin yazdığını bilmədiyim kədərli bir filmdə sınadım özümü.

Əslində fərqində olmadan həyatın verdiyi rolu oynadım.

Günlərin bir günü başqasının səadətimə göz dikəcəyini, ümidimi oğurlayacağını bütün ruhumla hiss edə-edə xəyanətdən bəhs edən bir sevgi filmdə baş rol ifaçısının tərəf müqabili oldum...

Və bir gün öz kədərli taleyimlə barışmaq zorunda qaldım. Ümidsiz, çarəsiz, darmadağın bir halda...

Verilən rolu oynamaqdan başqa nə edə bilərdim ki?

Başqa bir filmdə atılmış sevgilini də oynamaq varmış qismətdə...

Mən həmişə tənhalıqdan, yalqızlıqdan narazıyam. Kədərliyəm hər gün. İçimdə qəribə təlatüm, anlaşılmaz fırtınalar olur. Bəzən sırf kədərli ovqatım üzündən təkliyə məhkum olduğumu da anlayıram.

Başqa bir filmdə zarafatcıl, şən və deyib-gülən bir oğlanı oynayacağam. Təkliyin və tərk edənlərin acığına...

Əgər həyat bu rolu mənə etibar etsə...

REKLAM

Yazarın digər yazıları

Xəbər lenti

Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020
III Beynəlxalq Animasiya Festivalına daxil olan filmlərin siyahısı açıqlandı
16:21 04 Avqust 2020
Gözyaşardıcı qazlar elektron ağlamaqdır vətən üçün - Güneyli şairin şeirləri
15:18 04 Avqust 2020
Rənglərə aldanan uşaqlar – Cavanşir Yusifli müharibə hekayələrindən yazır...
15:14 04 Avqust 2020
Pelevinin yeni kitabı bu tarixdə nəşr olunacaq
14:28 04 Avqust 2020
Bəy qızını qaçıran, üç övladını itirən, on dörd il sürgündə qalan Xalq artisti - Səməd Vurğun onun həyatını necə xilas etdi?
13:22 04 Avqust 2020
Anar Nağılbazı kim öldürdü?
12:33 04 Avqust 2020
"YARAT" uşaqlar üçün sərgi açdı
11:50 04 Avqust 2020
Selfi çəkərkən tarixi abidəni qırdı
10:58 04 Avqust 2020
Məşhur yazıçının hekayəsinə film çəkilir
10:10 04 Avqust 2020
Ataqamdan yeni hekayə: Dişlək alma
09:00 04 Avqust 2020
Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020