writer1

Sərdar Amin

Məqalə sayı

147
clock12:26 calendar-gray 05 Avqust 2021 view-gray3164 dəfə oxunub
view-gray3164 dəfə oxunub

Başı kəsilən Sevinci necə xilas edə bilərdik?

Bu qaydaları kim diri saxlayır?

Görəsən Azərbaycanın yazılmamış “ailə institutu qaydaları” kimlərin işinə yarayır?

“Qadın sənin malındır, sənə məxsusdur” kimi fikirlər mental bataqlıqda boğulan kişilərə əlavə məsuliyyət yükləyir.

Azərbaycandakı qadın ölümlərinin böyük faizi kişilərin “qeyrətini təmizləməsi” prinsipiylə baş verir.

Ötən gün əri tərəfindən vəhşiliklə qətlə yetirilən Sevinc Məhərrəmova da məhəlli təfəkkürün qurbanı oldu.

Təhsilsiz, dünya görüşü bir məhəlləni, kəndi, əyaləti aşmayan oğlanlar evlənəndən sonra ətrafındakılardan eşitdiyi, gördüyü prinsiplərlə yaşayır.

Təəssüf ki, böyük izləyici kütləsi olan televiziya kanalları da bu qanlı çarxa su tökür, efirə dəvət etdikləri ekspertlər də bilməyərəkdən insanlara elə küçədə, məhəllədə eşitdiyi mental qaydaları təklif edir. Yenə də “qeyrət”, “namus”, “övrət” kimi terminlər ailələrin taleyini həll edir, çox vaxt da bu ifadələrin doğurduğu fəsadlar, yaranan qan çanağı qadınların başında çatlayır.

Sevinc Məhərrəmovanın bədəninin qançır olduğu fotolar bir müddət əvvəl mətbuatda yayılmışdı. Təəssüf ki, aidiyyatı orqanlar işə yetərincə məsuliyyətlə yanaşmadı, problemin uyğun həllini tapa bilmədi.

Çox keçmədi, qanlı anonsu verilən faciə baş verdi: yenə də ölən qadın, yenə də həbsxanaya gedən kişi, yenə də taleyin ümidinə qalan uşaqlar...

Faciənin baş verməsinin əsas səbəbi artıq bağları qopmuş, sarsılmış ailənin qohum-qonşu, hüquq mühafizə orqanlarının məsləhəti ilə birlikdə həyata davam etməsidir.

Azərbaycanda boşanma mədəniyyətinin formalaşmaması, boşandıqdan sonra qadının müstəqil həyat qura bilməməsi də ailələri faciəyə doğru aparır.

Məsələn, son qurban olan Sevinc Məhərrəmova vəhşicəsinə döyüldüyünü əks etdirən fotolar yayıldığı zaman ərindən boşansaydı, öldürülməyəcəkdi. Boşanmadan sonra yaranan istənilən problem ölümdən daha yaxşıdır.

Təəssüf ki, Azərbaycanda məhəllə qaydaları ilə yetişən kişilər yoldaşları üzərində olan “haq”larını hətta boşanandan sonra da saxlayır, “qeyrətini çəkir”, ona xoş olmayan bir əməlini gördükdə qadını “qeyrətimi təmizlədim” adı ilə öldürür.

Silsilə qətllərin bitməsi üçün bu kimi mental qaydalar lağa qoyulmalı, televiziyalar kişinin qadın üzərindəki yanlış diktəsini tənqid etməli, hüquq-mühafizə orqanları məsləhət tipli təkliflərlə deyil, qanunla qərar verməli, ən əsası, orta məktəblərdə effektiv təhsil-tərbiyə işi aparılmalıdır...

Yoxsa bu cür ürək parçalayan hadisələrə çox şahidlik edəcəyik və hər dəfə təəssüflənməklə işimizi bitmiş sayacağıq.

REKLAM

Yazarın digər yazıları

Xəbər lenti

Məşhur Amerika filmi yenidən çəkiləcək
18:51 16 Sentyabr 2021
Azərbaycanlı professor vəfat etdi
18:15 16 Sentyabr 2021
Azərbaycanlı şair: “Hər ay ABŞ-dan mənə pul gəlir” – Müsahibə
17:31 16 Sentyabr 2021
Mədəniyyət Nazirliyi məlumat yaydı - Mətn
17:05 16 Sentyabr 2021
Çingiz Abdullayev şeir oxudu – Fotolar
16:15 16 Sentyabr 2021
Əri qorxusundan onu boşadı, çadrasını Cəfər Cabbarlı açdı, anası qızına görə dinə qarşı üsyan elədi - İlk kinoaktrisamızın ağlagəlməz həyatı
15:28 16 Sentyabr 2021
Millət vəkili Salam Sarvanı təbrik etdi - Foto
14:56 16 Sentyabr 2021
Özbəkistanla müştərək film çəkəcəyik
14:00 16 Sentyabr 2021
Benzinin bahalaşmasına haqq qazandıran millət vəkilləri – Sərdar yazır...
13:15 16 Sentyabr 2021
Səyavuş Aslanın küçədə qalan oğlu ilə bağlı rəsmi açıqlama - Foto
12:24 16 Sentyabr 2021
Acun azərbaycanlı olduğunu açıqladı – Video
12:18 16 Sentyabr 2021
Mübariz İbrahimovun yaxın dostu olmuş taksi sürücüsü: “Hər gün bizim idman zalına gəlirdi” - Maşından reportaj
12:06 16 Sentyabr 2021
Bukerin qısa siyahısına düşən əsərlər nədən bəhs edir?
11:35 16 Sentyabr 2021
Ölkəmizdə yeni layihə: Uşaqlar nağıl yazacaq
11:01 16 Sentyabr 2021
Səyyad Əlizadənin vəziyyəti daha da ağırlaşdı - Açıqlama
10:25 16 Sentyabr 2021
Əməkdar artistimiz dünyasını dəyişdi
10:15 16 Sentyabr 2021
Xarkovda Nizami Gəncəvinin abidəsinin açılış olub - Foto
09:57 16 Sentyabr 2021
Üzü örtülü qadınla necə evlənməli? – Zamin Hacı yazır
09:00 16 Sentyabr 2021
Nuru Paşa Cəfər Cabbarlıya nə hədiyyə etdi? - Tarixi fakt
21:00 15 Sentyabr 2021
"Amerika" adlı qızıl unitazı oğurlayan şəxs tapılmır - Foto
18:43 15 Sentyabr 2021