writer1

Ulucay Akif

Məqalə sayı

118
clock15:29 calendar-gray 28 İyul 2021 view-gray1392 dəfə oxunub
view-gray1392 dəfə oxunub

“Nimdaş” müxbirin dönər sifarişi

İşdəyəm, bir nimdaş müxbir kimi "obedə" dönər sifariş eləmişəm. Maraqlananlar üçün deyim ki, bol mayonez və acılı toyuq dönəri demişəm.

Təxminən bir saatdır dönərdən xəbər-ətər yoxdu. Aclığın əlinə lapatkə alıb mədəmin divarlarını qazıdığını görüb restorana zəng edirəm.

Dəstəyi götürürlər:

- "Ən bomba dönər" restoranı, buyurun! - Elə bayaq sifariş verəndə zəngi açan oğlan idi. Səsindəki minnət tonundan tanıdım.

Hə, vallah, elə minnətlə, özünü dartaraq danışır, elə bil demək istəyir ki, ay kasıb, yenə dönər-ayran üçün zəng eləmisən?!

Yüngülvari öskürüb səsimi təmizlədim:

- Qardaş, salam! Mən bayaq dönər “zakaz” vermişdim.

- Aha... - yenə eyni səs tonuyla dedi.

İstədim deyəm ki, zəhrimar aha, çor aha! "Bayaq dönər zakaz vermişdim" cümləsindən sonra mən danışmağa davam eləməli deyiləm e, sən danışmalısan. Nə "aha"?!

Dişimi sıxıb davam elədim:

- Toyuq dönəri demişdim, çörəkdə.

Yenə dedi:

- Aha...

Beynim tamam çöndü:

- Bir saat qabaq zakaz vermişəm e! Bir saat! Nə aha?!

"Bir saat"ı elə hiddətlə dedim, elə bil, bir ay, bir il, bir əsrdir.

Dedim, dəstəyi orda başqa kim varsa, ona ver. Elə bunu demişdim ki, dəstəyin o tərəfindən xanım səsi eşidildi. Çox diri, gözəl səsli xanım da eyni cümlə ilə başladı:

- "Ən bomba dönər" restoranı, buyurun!

Əsəbim bir az sakitləşdi, daha mülayim səslə danışmağa başladım. Mədəmdəki qazıntı işləri də qısa müddətlik dayandırıldı.

- Xanım, salam! Mən bayaq dönər zakaz eləmişdim.

- Salam, müəllim! Nə dönəri?

Müəllim sözünü elə incəliklə dedi ki, aclıq-filan, dönər, ayran, mayonezi bol - hamısı yadımdan çıxdı. Hara, niyə zəng elədiyimi unutdum.

Çaşıb özüm də sualı təkrarladım:

- Nə dönəri?

- Müəllim, soruşuram, nə dönəri zakaz eləmişdiz? - qız şən səslə dedi.

- Hə, həəəə... Toyuq dönəri, çörəkdə. Mayonezi bol, acısı da. Yanında da ayran...

- Nə vaxt zakaz eləmişdiniz, müəllim? - eyni incəliklə soruşdu.

- Bir saat qabaq. - Özümdən asılı olmadan "bir saat"ı elə dedim, elə bil bir-iki saniyə qabaq zakaz vermişəm, yəni heç nədi dəəə, nədi ki, bir saatdı də.

Qızdan qəfil gözləmədiyim cavab gəldi:

- Aha...

Dedim, zəhrimar aha, azzar aha! Tez dönərimi gətirin, bir tikə zəhərlənib işə qayıdım, indi redaktor zəng eləyəcək ki, Ulucay, İki saatdı hardasan?!

"İki saat"ı da elə tonla deyir, elə bil iki aydı, iki ildi...

REKLAM

Yazarın digər yazıları

Xəbər lenti

Məşhur Amerika filmi yenidən çəkiləcək
18:51 16 Sentyabr 2021
Azərbaycanlı professor vəfat etdi
18:15 16 Sentyabr 2021
Azərbaycanlı şair: “Hər ay ABŞ-dan mənə pul gəlir” – Müsahibə
17:31 16 Sentyabr 2021
Mədəniyyət Nazirliyi məlumat yaydı - Mətn
17:05 16 Sentyabr 2021
Çingiz Abdullayev şeir oxudu – Fotolar
16:15 16 Sentyabr 2021
Əri qorxusundan onu boşadı, çadrasını Cəfər Cabbarlı açdı, anası qızına görə dinə qarşı üsyan elədi - İlk kinoaktrisamızın ağlagəlməz həyatı
15:28 16 Sentyabr 2021
Millət vəkili Salam Sarvanı təbrik etdi - Foto
14:56 16 Sentyabr 2021
Özbəkistanla müştərək film çəkəcəyik
14:00 16 Sentyabr 2021
Benzinin bahalaşmasına haqq qazandıran millət vəkilləri – Sərdar yazır...
13:15 16 Sentyabr 2021
Səyavuş Aslanın küçədə qalan oğlu ilə bağlı rəsmi açıqlama - Foto
12:24 16 Sentyabr 2021
Acun azərbaycanlı olduğunu açıqladı – Video
12:18 16 Sentyabr 2021
Mübariz İbrahimovun yaxın dostu olmuş taksi sürücüsü: “Hər gün bizim idman zalına gəlirdi” - Maşından reportaj
12:06 16 Sentyabr 2021
Bukerin qısa siyahısına düşən əsərlər nədən bəhs edir?
11:35 16 Sentyabr 2021
Ölkəmizdə yeni layihə: Uşaqlar nağıl yazacaq
11:01 16 Sentyabr 2021
Səyyad Əlizadənin vəziyyəti daha da ağırlaşdı - Açıqlama
10:25 16 Sentyabr 2021
Əməkdar artistimiz dünyasını dəyişdi
10:15 16 Sentyabr 2021
Xarkovda Nizami Gəncəvinin abidəsinin açılış olub - Foto
09:57 16 Sentyabr 2021
Üzü örtülü qadınla necə evlənməli? – Zamin Hacı yazır
09:00 16 Sentyabr 2021
Nuru Paşa Cəfər Cabbarlıya nə hədiyyə etdi? - Tarixi fakt
21:00 15 Sentyabr 2021
"Amerika" adlı qızıl unitazı oğurlayan şəxs tapılmır - Foto
18:43 15 Sentyabr 2021