news-inner
clock10:44 calendar-gray 14 Aprel 2021 view-gray999 dəfə oxunub
view-gray999 dəfə oxunub

“Tik-tok”da videosu çıxdığına görə döyülən qadın

Düzü, “tik-tok”la son günlərdə tanış olmuşam. İndiyədək “tik-tok”u hansısa uşaq oyunu hesab edirdim. Sonra məlum oldu ki, bu da “İnstagram” kimi bir sosial şəbəkə tətbiqidir, sadəcə bir az fərqlidir, burda qısa bir vaxtda məşhur olub pul qazanmaq mümkündür.

Ona görə, cavan-yaşlı demədən, özündə trend olmaq potensialı görən kəs nəinki bacardığını, hətta bacarmadığını da nümayiş etdirərək “tik-tok” aləminə qatılır. Ağıllı adama isə burda nadir hallarda rast gəlmək olar.

Bir sözlə, düşüncəsizlikdən qaynaqlanan şoular, bir-birini təkrarlayan vulqar hərəkətlər, ədəbsiz ifadələr baş alıb gedir. İnsan bir anlıq fikirləşir ki, görəsən doğrudanmı dünya budur? Doğrudanmı yaşamaq belə bəsit nəsnələrdən ibarətdir? Əgər belədirsə, onda indiyə qədərki duyğularımıza, yaşantılarımıza təəssüf olsun!

Xarici ölkələrin birində belə bir sorğu aparılıb: “Tik-tok nəyə lazımdır?”

Respondentlərin çoxunun cavabı belə olub: “Degeneratları üzə çıxarmaq üçün”. Maraqlı cavabdır, deyilmi? Amma bu, əksəriyyətin fikrini ifadə etsə də, “tik-tok”un reytinqləri aşağı düşmür, əksinə yüksəlir.

Həyatı bu dərəcədə ciddiyə almamaq heç bir ədəb qanunlarına sığmır! Bu əcaib şouların qəhrəmanları deyəsən ümumiyyətlə lüğətlərindən “utanmaq” sözünü çıxarıblar, ya da ümumiyyətlə heç bu barədə təsəvvürləri yoxdur.

“Tik-tok”da bu sayaq ictimailəşmək qədim qəbilə düşüncəsini andırır. Adamlar milyonların gözü qabağında utanmadan ən açıq-açıq, ən intim məsələlərə toxunurlar. Utanmaq hissinin itməsi çox böyük mənəvi problemdir. Çünki bu hissi itirən adamın həyatda artıq itirəcək heç nəyi yoxdur və o hər şeyə qadirdi.

Halbuki belə bir internet xidmətindən faydalı bir şəkildə istifadə etmək olar. Müəyyən dəyərlərin təbliği üçün sosial şəbəkələrin misilsiz xidməti ola bilər. Ya hansısa bir ideyanı irəli sürmək, ardıcıllar tapmaq, hansısa bir kitab müzakirəsi aparmaq, maarifləndirici işlər görmək və s. Məsələn, rusiyalı bir müəllim maraqlı bir layihə hazırlayıb. O, tarixi şəxsiyyətlərin obrazında çıxış edərək dərslərini videoya çəkir və “tik-tok”da yayımlayır. Razılaşın ki, belə dərslər şagirdin yaddaşında daha yaxşı qalır. Nəinki şagird, elə mən özüm də belə bloqlara həvəslə baxaram.

“Tik-tok” kabusu isə gün-gündən daha da çox yeniyetmə və gənci məngənəyə salır, özündən asılı duruma gətirir. Videolarla trend olan gözəl qadınlar qısqanc ərlərin qəzəbinə tuş gəlir, döyülərək xəstəxanalıq olur, həyatlarını itirirlər. Bir müddət əvvəl Latın Amerikasında baş vermiş hadisə bütün dünyanı sarsıtdı: açıq-saçıq videolarıyla məşhur olan bloger qadın azyaşlı qızının gözü qarşısında əri tərəfindən qətlə yetirildi.

“Tik-tok” qurbanları ətrafımızda da var. Tanış bir ailə bu mərəzin üzündən dağılmaq təhlükəsiylə üzləşdi. Onlar kiçik qəsəbədə yaşayırlar, dar bir çevrələri var. Qadının deməyinə görə, rəfiqəsi rəqs etdiyi videoda onun da görünməyini istəyib, o da çox yox, elə üçcə saniyə rəqs edib. Video yayıldıqdan sonra ər xəbər tutub və “məni rüsvay elədin, el içinə necə çıxacam” deyə arvadını öldürməklə hədələyib. Bir müddət sonra ər arvadını bağışlayıb, amma evdəkilərin əsəbləri pozulub, böyüklər də, uşaqlar da mənəvi travma alıb.

Bir qaqaş isə işini möhkəm tutub. “Tik-tok”da videosu olan sevgilisindən elə bəri başdan ayrılıb. “Yaxşı qızın tik-toku olmaz” deyir. Bir neçə min izləyici toplamağa nail olmuş qız isə oğlanı geridəqalmışlıqda ittiham edib. Onun da fikrincə, müasir fikirli oğlan bu kimi texnoloji nailiyyətlərə biganə olmamalıdır.

Demək ki, artıq müasirliklə geriçiliyin sərhədlərini “tik-tok” həll edir! Hədər yerə Türkiyədə belə bir ifadəni tez-tez dilə gətirmirlər: “Tik-tok gəncliyi”!

“Tik-tok gəncliyi” bir-biriylə bəhsə girib fərqli, orijinal videolar çəkmək üçün özlərini riskə atır, qeyri-qanuni işlər görür, həbsə düşür, maddi və mənəvi zədə alırlar. Mütəxəssislər “tik-tok” və bu kimi sosial şəbəkə asılılığı olan yeniyetmələrə güclü valideyn nəzarətinin vacib olduğunu söyləyir.

Ən təəssüf doğuran hal isə yaşlıların bu sərsəm şoularda iştirakıdır. Bu yaşlı-başlı adamlar bu aləmə necə düşüblər? Onların nə kimi səbəbləri var? Heç bir səbəb belə ədəbsiz hərəkətləri sığortalaya bilməz.

Əndazəsini aşan “tik- tok” qəhrəmanlarına belə bir məsləhət verərdim ki, hansısa bir şounu da ağıllıca yaratmaq lazımdır, insan belə vulqar hərəkətlərlə populyarlıq qazana bilməz, qazansa da, o yolla qazanılan məşhurluq heç də xeyrə əlamət olmaz.

“Tik-tok nəyə lazımdır?”

Bu sorğuya respondentlərin bir hissəsi isə belə cavab verib: “Cahilləri üzə çıxarmaq üçün”. Gördüyünüz kimi, bütün dünyada əndazəni aşan şoulara münasibət yaxşı deyil.

Bir qisim insanlar isə belə bir münasibət bildirib: “Tik-tok yaxşıdır, çünki orda yaxşı ovqat var, neqativlik yoxdur”. Yaxşı ovqata hər zaman, xüsusilə də indiki pandemiya dövründə çox ehtiyac var, amma əndazəni aşan bu şoular pozitivlik deyil, daha çox özünü unutmaq, özünü tərk etməkdir. Get-gedə həddini aşan sərbəstliyin sonrakı gedişatını isə təsəvvür belə etmək istəmirəm.

news-inner-user
Günel Natiq

151 məqalə

Oxşar xəbərlər

Xəbər lenti

Xalq artisti Arif Quliyev dəfn edildi- Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021
Müharibə futbol kimidir - Cəbrayıl Dövlətzadə haqqında roman
09:00 07 May 2021
Arif Quliyev vəfat etdi
01:53 07 May 2021
“Karlson” tamaşası onlayn göstəriləcək
19:00 06 May 2021
“Səhnədə” adlı müsabiqə elan olunub
18:35 06 May 2021
Yoldaşı ilə 55 il nikahsız yaşadı, qızının dəfninə getmədi – İslam Rzayev Zeynəblə oxumaqdan niyə imtina etmişdi? - Video
18:10 06 May 2021
“Nizami Gəncəvi obrazı bədii ədəbiyyatda” monoqrafiyası çap olundu
17:21 06 May 2021
Kim bizi görüşdürüb öpüşdürə bilər? - Elzadan yeni şeir
16:36 06 May 2021
“Ata-anamın tanımadığı bir oğlanın qoluna girib getdim, yaxşı da elədim!” – Müsahibə
16:01 06 May 2021
Gənc yazıçının kitabı çap olundu
15:09 06 May 2021
Herman Hessenin povesti Azərbaycan dilində
14:36 06 May 2021
O qızın mənim 20 yaşımdakı barmaqları – Ulucay yazır...
13:50 06 May 2021
“Mənim arvadım sənin nəyinə lazımdır?!” – Ailəsindən qışqıra-qışqıra danışan “bomj” - Reportaj
13:10 06 May 2021
Tanınmış türk yazıçı vəfat etdi
12:25 06 May 2021
Aktrisa teatrların açılması ilə bağlı müraciət etdi: Görün nə cavab aldı?
11:52 06 May 2021