writer1

Sərdar Amin

Məqalə sayı

99
clock22:31 calendar-gray 19 Dekabr 2020 view-gray5420 dəfə oxunub
view-gray5420 dəfə oxunub

Erməni pianosunda "İncə bellim" çalan əsgərimiz

Müharibə bitdi, amma əsgərlərimizin Qarabağ sərgüzəştləri bitmək bilmir.

Bir hərbçimiz Qarabağda pianoda “İncə bellim” mahnısını ifa edib.

Əlində əlcək, əynində hərbi forma...

Amma bu uniformaya xas olmayan möhtəşəm, peşəkar bir ifa...

Bəlkə də çox peşəkar ifa deyil, amma inanın, məhz bu ifa bütün qaydalara uyğun soyuq akademiyalarda çalınan əsərlərdən daha gözəl alınıb.

Yenə sehr, yenə cazibə, yenə səbəbi bəlli olmayan bir halə...

İfanı eşidən kimi gözlərim doldu. Düşündüm bu əsgər də yəqin şəhid olub.

Çünki o barmaqlarda da, o ifada da şəhidlik havası var.

Eynən Xudayarın ifası kimi...

Şükür!

Xudayardan fərqli olaraq Əzizbəy yaşayır.

Asəf Zeynallı adına kollecin 3-cü kursunda oxuyurmuş, təhsilini qoyub döyüşə gəlib.

Əmin olduğum kimi ifa 2 günə təkcə mənim yox, hər kəsin ürəyinə yatdı.

Belə olur. O izahı müşkül hava ki gəldi, insanın bütün hissiyatını alır cənginə, əsirinə çevirir.

Dəfələrlə dinlədim...

Nədir o piano havasını əsrarəngiz edən?

Bəs, az əvvəl düşmənin xirtdəyindən yapışıb onu Şuşadan çıxaran əlcəkli bir əl pianoya toxunanda yazıq alət nə etməli idi?

Bu havada göz önünə bir ay əvvəl Şuşaya dırmanan igidlərimiz gəlir.

O əlcəkli əl bu gün pianonun dillərində necə cəldliklə, ustaca hərəkət edirsə, bir ay əvvəl də Şuşanı o ustalıqla azad etmişdi.

Sanki bu hava səslənən kimi Beyrək Cıdır düzündə çapır...

Əsirlikdən qurtulmuş Beyrək...

Əsirlikdən xilas olunan Şuşa...

“Qar üstünə qan dammış tək al yanaqlım...”

İnanın, o pianonu Şuşaya qaldıran erməni, heç vaxt həmin aləti bu qədər möhtəşəm bir havaya kökləyə bilməyib.

Piano özü dil açıb inildəyir, özü etiraf edir.

Azərbaycanın konservatoriyası olan Şuşa yəqin ki, bu havaya darıxmışdı. Son 30 ildə bunca möhtəşəm nəğmə dinləməmişdi divarları.

Ermənilərin “dağılmış” kilsədə kontrabasla dünyaya verdiyi miskin “konsert” hara, Əzizbəyin ifası hara?

Həmkarım Əlif Şəfəqə səslənirəm; Əlif, dinlə bu musiqini!

Gözəldi, hə?

Qeyd: Əzizbəylə müsahibə tezliklə Kulis.az -da təqdim olunacaq.

REKLAM

Yazarın digər yazıları

Xəbər lenti

Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021
Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021