writer1

Samirə Əşrəf

Məqalə sayı

197
clock15:14 calendar-gray 16 Dekabr 2020 view-gray819 dəfə oxunub
view-gray819 dəfə oxunub

Şəhid anasının baş altında saxladığı yadigar

8 noyabr - Zəfər Günündə TV kanallarında Vətən müharibəsi uğrunda canından keçən oğullarımızın şəkilləri sıralanırdı. Hər şəkilin yayımlanma müddəti təxminən iki-üç saniyə idi.

Sosial şəbəkədə yaxın qohumu şəhid olan yazar xanımlardan biri onun şəkli gedən saniyələri dondurmuş və feysbukda paylaşmışdı...

2783 adın içində öz doğmanı axtarmaq, onun adını gözləmək heç kimə asan gəlməsin. Bunu özünün, yaxınının, doğmasının qapısına şəhid tabutu gələn insanlar daha yaxşı anlaya bilir.

Əminəm, həmin məqamda bir çox insan ekran qarşısında məhz öz doğmalarının şəkillərini görə bilmək üçün oturub, saatlarla gözləyib.

Bu da bir təsəllidir axı...

Candan can gedir, ana baladan ayrılır, bala atadan...

Geriyə iki cüt əsgər ayaqqabısı, əsgər çantası, əsgər libası qalır.

Bir də xatirələr...

Qalan nə varsa, bütün istiliyi, hərarəti və məhəbbəti ilə soyuq məzarın altına köçür.

Dörd divar arasında qalan analar, qadınlar, kişilər göz yaşlarına, xatirələrə sığınırlar.

Şəhidin təsəllisi, ondan geriyə qalan dillərdə gəzən qəhrəmanlıqdır, addır.

Bir də uğrunda canından keçdiyi vətənin ona diqqəti...

Ötən gün ordumuzun hərbi qulluqçuları “Vətən uğrunda” medalı ilə təltif olundu. 2 min 756 nəfər ölümündən sonra bu medala layiq görüldü.

Tez-tez şəhid ailələrində olduğum üçün kiçicik bir diqqətin, qayğının bu ailələr üçün nə demək olduğunu çox gözəl bilirəm.

Ötən ilin yayında bir şəhid ailəsi ilə görüşə getmişdim. Evə çatanda bildim ki, şəhidimizin anası ağır xəstədir, ölüm ayağındadır. Ailə üzvləri ilə danışıb çıxmaq istəyirdim ki, ana səssiz baxışlarla məni çağırdı. O, danışa bilmirdi, nitqi tutulmuşdu. Əli ilə mənə xeyir-dua verir, şəhid balasını xatırladığımız üçün təşəkkür edirdi.

Birdən gözü ilə oğluna işarə edib, yastığının altını göstərdi. Oğlu ona yaxınlşadı. Ana oğlunun köməyi ilə ordan məxmər kisə çıxardı. İçərisindən 1993-cü ildə oğluna verilən medal vardı. Dodaqlarına yaxınlaşdırdı, sonra mənə uzatdı ki, şəklini çəkim.

Sonra medalı əlləri əsə-əsə məndən aldı, canlıymış kimi diqqətlə baxdı, bir neçə dəfə doya-doya öpdü. Səliqə ilə büküb başının altına qoydu. Toxtaq, təmkinli və sakitcə...

“Vətən uğrunda” medalı da İkinci Qarabağ müharibəsində şəhid olan soydaşlarımızın, sağ gələn qazilərimizin fəxr, qürur və təsəlli yeri olacaqdır.

Allah şəhidlərimizə rəhmət eləsin.

REKLAM

Yazarın digər yazıları

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021