news-inner
clock15:30 calendar-gray 07 Dekabr 2020 view-gray761 dəfə oxunub
view-gray761 dəfə oxunub

Beynəlxalq festivalda qalib olan yazıçımız: “Özümdən də küsmüşdüm”

Kulis.az “Uşaqlıq” monopyesi Batumi Beynəlxalq Monodrama Festivalında qalib gələn yazıçı Ülviyyə Heydərova ilə qısa söhbəti təqdim edir.

- “Uşaqlıq” monopyesiniz Gürcüstanda səhnəyə qoyulacaq. Əsərinizin ölkə hüdudlarını aşması necə təəssürat yaradır sizdə?

- Mənim pyesə qiymət verməyim düzgün çıxmaz. Bircə onu deyə bilərəm ki, «Uşaqlıq» elə monopyesdir ki, onu hər dövrdə və hər ölkədə oynamaq mümkündür. Bu günlərdə Xalq artisti Ayan Mirqasımova ilə elə bu “Uşaqlıq”la bağlı yazışmamız oldu. Yazdı ki, mən bilirəm, bu əsərin ömrü və yolu uzun olacaq. Onun sözünə qüvvət, əsərin ömrünün uzun olduğunu bilirdim, amma yolunun yox. Sadəcə, özüm, ümid, inam içində yaşayan adamam. İnanırdım ki, bu əsərə yol açılacaq.

- Ülviyyə bu mövzunu əsərə çevirmək elə də asan deyil. Necə yarandı “Uşaqlıq”?

- 2017-ci il idi. İşsiz və təbii ki, pulsuz idim. Günortalar iş axtarırdım, axşamlar yazı yazırdım. Günlərin birində “Uşaqlığ”ım içimdən çıxdı. Cəmi dörd günə yazsam da əsəri əslində altı ilə düşünmüşdüm. Yəni bu illər ərzində içimdə, beynimdə bişirmişdim. Deyim ki, monopyesi sevimli aktrisalarıma ithaf eləmişəm və elə indi də sevimli aktrisalarıma göndərirəm. Siyahıda da kimlər yoxdur...

Dediyim kimi, ümid edirdim ki, bu pyes diqqətdən kənarda qalmayacaq. Baxmayaraq ki, Azərbaycanda bu əsər gec səhnəyə gəldi. Çünki bir neçə teatr direktoruna, rejissora, hətta burdakı sevimli aktrisalarıma da göstərdim. Direktorlardan səs çıxmadı. Aktyor isə asılı sənətdir. Onlar rejissorlardan və teatr direktorlarından asılıdır. Aktrisaların bəyənməyi heç nəyi həll eləmədi. Özümün də maddi imkanım yoxdur ki, öz hesabıma nəsə edim. Hətta bir ara düşündüm ki, ümumiyyətlə, əsəri burda daha heç kimə göstərməyim. Özümdən də küsmüşdüm. Özümə söz verdim ki, daha heç bir teatr direktoruna əsəri göstərməyəcəm. Amma “Uşaqlığ”ı səhnədə görmək istəyirdim. Elə səhnədə görmək istədiyimdən onu beynəlxalq müsabiqələrə göndərməyə başladım. Əsər orijinal Azərbaycan dilindən başqa türk, rus, ingilis, fransız dillərinə tərcümə edilib. Hətta Almaniyada alman dilində çap da olunub.

- Əsərə ilk reaksiya hansı ölkədən gəlmişdi?

- Əsərə ilk reaksiya 2018-ci ildə elə Gürcüstandan gəldi. Almaniyanın Höte İnstitutunun Gürcüstan bölməsi bu əsərə biganə qalmadı. Almaniyanın Potsdam şəhərində Höte İnstitutunun təşkil etdiyi Next Stage Europe -2018 gənc dramaturqların beynəlxalq festivalına dəvət aldım. Azərbaycanı Almaniyada təmsil elədim. Bu, mənim üçün böyük uğur idi. O tədbirin davamı kimi də festivalda iştirak edən dramaturqların əsərləri alman dilində kitab şəklində çap olundu. Daha sonra «Uşaqlığ»ı ötən il Rusiyada keçirilən beynəlxalq müsabiqəyə göndərdim. “XXI əsr- ilk hadisə” Müstəqil Beynəlxalq Müasir Dramaturgiya Müsabiqəsinin “Tənha artist” nominasiyanın uzun siyahısına düşdü. Kifayət qədər ciddi müsabiqədir. Yeri gəlmişkən, daha bir monopyesim olan «Pələng» Rusiyada keçirilən həmin bu beynəlxalq müsabiqənin «Tənha artist» nominasiyasında qısa siyahıya düşüb. Təsəvvür edin, 19 ölkə və 75 Rusiya şəhəri bu müsabiqədə iştirak edir. Dekabrın əvvəllərində qaliblərin adı açıqlanacaq.

«Uşaqlıq»la bağlı dediyim kimi, özümə söz vermişdim ki, daha heç bir teatra göndərməyəcəm. Amma Sumqayit Dövlət Dram Teatrının direktoru Mübariz Həmidov diqqət göstərdi, özü əlaqə yaratdı. Düzü, bu, məni yaxşı mənada o qədər təəccübləndirdi ki. Mübariz müəllimi uzaqdan tanıyırdım. Cəmi üç-dörd dəfə tədbirdə görmüşdüm. Məni də sevindirən o oldu ki, həqiqətən də əsərə yüksək qiymət verdi. Dəyərləndirdi. Bu məqamı heç vaxt unutmaram! Hər iki – “Uşaqlıq” və “Pələng” monopyeslərim Sumqayit Dövlət Dram Teatrında hazırdı. Pandemiyaya görə premyeraları dayanıb.

- Bu yaxınlarda “Uşaqlıq” monpyesiniz Batumi Beynəlxalq Monodrama Festivalında qalib gəldi. Bu qalibbiyyət bir yazıçı olaraq sizə və əsərinizə nə qazandırdı?

- Bəli “Uşaqlıq” yenə ilk olaraq bu yaxınlarda Gürcüstanda nümayiş olunacaq. Qazanc ondan ibarətdir ki, qalib pyeslər pulsuz tamaşaya qoyulur. Festival çərçivəsində gürcü dilində oynanılır. Tamaşa artıq hazırdı. Özüm də səbirsizliklə gözləyirəm. Onlayn göstəriləcək. Təsəvvür edin, gürcü dilində “Uşaqlığ”ın afişası hazırlanıb. Adımı tapa bilmirdim. Elə bilirdim, adım gürcü dilində də yeddi hərfdən ibarətdir. Demə, beş hərf imiş: Ulvia. Pyeslər, ümumiyyətlə, yazdıqlarım məni hara, hansı dillərə aparacaq, bilmirəm. Əsəri yazanda taleyini, axı biz yazmırıq. Əksinə o bizə tale yazır.

news-inner-user

19003 məqalə

Oxşar xəbərlər

Xəbər lenti

Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur öz romanından yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021
Qızını məcbur aborta göndərdi, 17 yaş kiçik aktyorla eşq yaşadı, övladı ilə eyni xəstəxanada can verdi – Xalq artistindən 10 inanılmaz fakt
12:17 11 İyun 2021