news-inner
clock10:15 calendar-gray 04 Dekabr 2020 view-gray1108 dəfə oxunub
view-gray1108 dəfə oxunub

Mən də gedim komandir... – Döyüşçü-şair şəhid olan dostlarına şeir yazdı

Kulis.az hazırda Qarabağda hərbi xidmətdə olan gənc şair Həsən Kürün döyüşlərdə qəhrəmancasına şəhid olan dostlarına həsr etdiyi şeiri təqdim edir. Xatırladaq ki, Həsən Kür ARB telekanalında yayımlanan "Xalqın şairi" yarışmasının qaliblərindəndir.



Qeyd: Şeirdə adı çəkilən şəxslər - İbrahimli Zəmanət, Babayev Alməmməd, İsmayılov Aslan, Əzizli Tacəddin Salyan rayon, Sarvan kəndinin sakinləridir. Hər biri İkinci Qarabağ müharibəsində qəhrəmancasına şəhid olub.

-Döyüşə kimlər gedir?
-Mən! İbrahimli Zəmanət!
-Yolun uğurlu olsun,
Ol Allaha əmanət!

-Sağ ol yoldaş komandir.
-Sən sağ ol ey qəhrəman.
-Sizdən bir xahişim var
Əgər mən şəhid olsam
Körpə uşaqlarıma
Yaxşı baxın hər zaman

Düşünməyin ki ölmək
Gözlərimi qorxudur.
Vətənə qurban olmaq
Hamımızın borcudur.

-Mən də gedim komandir,
nə olar mən də gedim...
-Sən kimsən igid əsgər?
Adını de eşidim!

-Mən Babayev Alməmməd!
-Axı yaşın çox azdır
sənə çətin olmazmı?
Geri dönə bilməsən
anan saçın yolmazmı?

-Yazıq anam mən ölsəm
ürəyini dağlayar,
paltarımı qoxlayıb,
Hönkür-hönkür ağlayar.

Amma... qardaşlarım var
Onlar ata, anama
Yəqin olar təsəlli
Nə olar ey komandir
Göndər məni irəli.

-Yaxşı... yaxşı Babayev
Səni də hazırlayıb
Göndərirəm döyüşə.
Uca Yaradan sənə
Kömək olsun həmişə.

-Mən də varam kömandir.
-Adın nədir de görüm!
-Mən İsmayılov Aslan!
əmr et silah götürüm.

-Yox göndərə bilmərəm,
Barmağında üzük var.
Sənin toyun olacaq,
çiyinlərində yük var.

Əgər sən nişan gəlsən
erməni gülləsinə
Mən nə cavab verərəm
Ananın, nişanlının
Ahına, naləsinə...

-Eybi yoxdur mən ölüm,
Məkanım torpaq olsun...
Təki xalqım var olsun!
Təki Vətən sağ olsun!

Əlim silah tutmasa
Çiynimdəki rütbəylə
Fərəhlənə bilmərəm.
Məni döyüşə göndər!
Bura qədər gəlmişəm
Geri dönə bilmərəm...

-Mən də gedim komandir
Onları tək qoymayım.
Mənim də bu zəfərdə
Az qədər olsun payım.

Yaz adımı komandir!
Yaz Əzizov Tacəddin!
Göndər məni döyüşə,
Keçim erməni səddin.

Mən könüllü gəlmişəm
Vətənimə xidmətə.
Gəlin əl-ələ verək,
Son qoyaq bu işğala,
Son qoyaq bu həsrətə.

Yaxşı igid Tacəddin
Səni də göndərirəm,
Vətənin keşiyinə.
Sonuncu nəfəsəcən
Düşməninə gəl sinə.

Yolumuz açıq olsun
Hamımızı gözləyən
Şərəfli imtahan var.
Sizinlə fəxr edirəm
Ey qəhrəman oğullar!

news-inner-user

20017 məqalə

Oxşar xəbərlər

Xəbər lenti

“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:32 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021
İbrahim Tatlısəs 12 il sonra konsert verdi - Video
10:02 24 Sentyabr 2021
Qərb ölkələrini fəth edən Azərbaycan mahnısı - Onu necə lağa qoydular?
09:01 24 Sentyabr 2021
Bir gəncin anormal istəkləri – Orxan Bahadırsoydan 18+ hekayə
21:00 23 Sentyabr 2021
Bakıda simfonik musiqi axşamı keçirilib
19:01 23 Sentyabr 2021
Rejissorumuzun filmi Batumidə nümayiş olunub
18:21 23 Sentyabr 2021
Kəramət Böyükçöl: "İstedadımla taksavatlıq edirəm" - Video
17:36 23 Sentyabr 2021
Falçı yetişdirən məktəblərimiz – Aqşin Yenisey yazır...
16:50 23 Sentyabr 2021
Saitlər əsasdır, yoxsa samitlər?
16:14 23 Sentyabr 2021
Yazıçı Səfər Alışarlı: “Azərbaycan sərvət aşiqlərinin ölkəsidir” - Müsahibə
15:33 23 Sentyabr 2021
Məşhur yazıçının əsərindən film çəkildi
14:46 23 Sentyabr 2021