writer1

Sərdar Amin

Məqalə sayı

118
clock11:50 calendar-gray 27 Noyabr 2020 view-gray19506 dəfə oxunub
view-gray19506 dəfə oxunub

Onlayn dərsdə gülməli vəziyyətə düşən müəllimlər

Orta məktəblərdə təhsilin onlayn formaya keçirilməsi problem, narahatlıqlarla yanaşı, təəssüf ki, yumor sahəsinə də material verir.

Bu günlərdə sosial şəbəkələrdə yayılan bir video “onlayn dərs” mövzusunun olduqca ciddi yanaşma tələb etdiyini sərgiləyir. 5-ci sinifdə oxuyan şagird kamera önündə duraraq müəlliminə Nizami Gəncəvinin şeirini “əzbər” deyir:

Sanki ağaclıqda odlar qalandı,
Əlvan yarpaqları alışdı, yandı...

Lakin şagird kameranı “svernut” edərək kənar pəncərədə şeirin mətnini açıb. Şeiri monitordan oxuyan şagird müəllimdə elə təəssürat yaradır ki, əzbər deyir. Hətta müəllim cavabında bildirir ki, Bəxtiyar, fikir verirəm, neçə gündür dərsinə hazır gəlirsən, belə ol həmişə.

Onlayn dərsdən söz düşəndə hər zaman şagirdlərin və müəllimlərin kamera qarşısındakı anormal davranışlarından danışırıq.

Dostlarımdan biri hər gün monitor qarşısında oturub müəllimlərini dinləyən, onların tapşırıqlarını yerinə yetirən ağıllı balasının yaşantılarını bölüşdü. Əminəm ki, evində onlayn təhsil alan orta məktəb şagirdi yetişən hər bir valideynə bu mənzərələr tanışdır. Ola bilsin, onlayn dərs mövzusunda sizin başınıza bundan da ağır, tragikomik və komik hadisələr gəlib.

Dostum deyir, övladına informatika fənni tədris edən müəllim dərsi uzanmış halda deyir. Planşetini başının üzərində tutaraq uzandığı yerdən şagird yetişdirir. O, bu mənzərəni danışanda müəllimin qadın olduğunu düşündüm...

Daha sonra dedi, informatika müəllimi planşeti üzünə o qədər yaxın tuturmuş ki, az qala bığları monitora dəyə.

Şükür...

Fransız dili müəllimi isə kameranı söndürərək tədrisinə davam edir. Bu fəaliyyəti fonunda o yağ-soğan dağlayır, yemək bişirir...

Daha bir müəllim var, 30 dəqiqəlik dərsə müxtəlif fasilələrlə qoşularaq şagirdlərə tapşırıqlar verir, sonra qeyb olur.

Dərs prosesində gənc tarix müəlliminin səsi arabir gəlib, arabir gəlmir. Şagirdlər həmin an onun nə ilə məşğul olduğunu dəqiqləşdirə bilmədiyindən, mən də o prosesi heç yerə yozmuram. Amma əmin olun, yuxarıda qeyd olunan hər bir situasiya realdır. Əgər bu variantları fantaziyamla düzüb-qoşsam, daha orijinal və komik mənzərələr yarada bilərəm.

Adamın üstündə Allah var, müqəddəs sahə olan təhsillə bağlı məqsədim yalnız problemi sərgiləməkdir.

Yəqin, təhsil tərzindəki anormallıq əyani metodu olduğu kimi onlayn müstəviyə keçirmək cəhdimizdir. Onlayn dərs əyani tədrisin monitor vasitəsilə distant imitasiyası olmamalı idi. Çünki belə olduğu halda qeyd etdiyim problemləri proqnozlaşdırmaq çətin deyildi. Yayın günüdə istirahət etməyə çalışdığımız an “ikinci dalğa” deyib beynimizi yoran qurumlar bu nəticəni proqnozlaşdırıb onlayn tədris metodu hazırlamalı idi.

Təəssüf ki, onlayn dərs sistemimiz də Azərbaycan reallığını aşa bilmədi...

Yenə formallıq...

Dünən Xaçmazdan mesaj aldım. İnterneti olmayan və digər çətinlik çəkən valideynlərə ərizə yazdırırlar. Bu da problemin həlli yox, problemin məsuliyyətindən qaçışdır. Yəni, qarşı tərəf deyir ki, baxın, problem məndə deyil, valideyndədir. Hərçənd Azərbaycanın regionlarında internet probleminin olacağı da elə ilk gündən proqnozlaşdırılmışdı.

Ümid edək ki, prosesə bizdən daha yaxın olan qurumlar tezliklə “onlayn dərs” məzhəkəsinə bir əncam qılacaqlar.

REKLAM

Yazarın digər yazıları

Xəbər lenti

"Nizami və musiqi" mövzusunda elmi konfrans keçirildi
18:46 14 Aprel 2021
Alimlərimiz Əlişir Nəvai konfransında
17:56 14 Aprel 2021
Nə qədər acı olsa da, Seymur haqlıdır – Cavanşir Yusifli yazır...
17:05 14 Aprel 2021
Pamuku təzə romanına görə niyə linç edirlər?
16:20 14 Aprel 2021
Anar qazi-şairlərlə görüşüb
15:40 14 Aprel 2021
Öləcəyini bilə-bilə vertolyota minən Milli qəhrəman - Türkiyə prezidenti ondan nə xahiş etmişdi?
14:55 14 Aprel 2021
Ruhumuzun mistikası - Ibrahim Ibrahimli yazır
14:12 14 Aprel 2021
Ziyalılar Prezident Administrasiyasına müraciət etdi
13:31 14 Aprel 2021
Şah İsmayıl Xətainin kitabı nəşr olundu
12:47 14 Aprel 2021
Azərbaycandan borc istəyən Atatürkün məktubu - Nadir fakt
12:05 14 Aprel 2021
Kanalizasiyada ölən Əhməd məhəlləni necə xilas etdi?
11:25 14 Aprel 2021
“Tik-tok”da videosu çıxdığına görə döyülən qadın
10:44 14 Aprel 2021
Tanınmış rejissor vəfat etdi
10:15 14 Aprel 2021
"Ürəyim istəyən qədər boşboğazlıq etmək istəyirəm" - Seymur Baycanla müsahibə
09:00 14 Aprel 2021
Mərakeşdə Azərbaycanla bağlı kitab nəşr olundu
18:59 13 Aprel 2021
Gənc yazarla görüş keçiriləcək
18:08 13 Aprel 2021
44 günlük müharibəyə həsr edilən şeirlər kitabı çıxdı
17:21 13 Aprel 2021
Bir əliylə köksünü tutmuş... – Orxan Vəlidən seçmə şeirlər
16:45 13 Aprel 2021
Niyə kitab oxumalıyıq?
15:54 13 Aprel 2021
Kamal Abdullanın hekayəsi Gürcüstanda çap olunub
15:01 13 Aprel 2021