writer1

Samirə Əşrəf

Məqalə sayı

197
clock13:03 calendar-gray 27 Oktyabr 2020 view-gray1416 dəfə oxunub
view-gray1416 dəfə oxunub

Anna Akopyana bir-iki məsləhət

Yaradılış etibari ilə çılğın, məkrli, hiyləgər olmaqla bərabər qadın həm də sevgini simvolizə edib. Sənətin müxtəlif tərəflərində qadın obrazı həmişə ilham mənbəyi olub. Bu da əsassız deyil.

Qadın həm də ana, bacı, sevgili yardır, dostdur!

Bəlkə, bu səbəbdən müharibə sözü ilə qadın sözü heç zaman bir-birinə uyuşmayıb. Müharibə - kişi ilə birləşəndə daha mənalı olur.

Müharibə qadınla ona görə yola getmir ki, qadın müharibədə yol gözləyir. Sevgilisinin, qardaşının, ərinin, oğlunun yolunu...

Qadın heç zaman müharibəni səmimi qəlbdən sevməyib.

Təxminən bir il əvvəl Ermənistanın baş nazirinin xanımı “Anna Akopyana qadın-qadına bir neçə sual” adlı yazı yazmışdım. Yazını yazmağıma səbəb Anna xanımın əlində bir dəstə güllə Azərbaycan qadınlarını sülhə səsləməsi idi. Həmin səslənişdən sonra xeyli əsəbiləşib yazdığım yazıya bu gün, indiki məqamda nəzər saldım, torpağı işğal altında olan bir qadının ilk abzasdan başlayan miskin, ağrılı, əlacsız cümlələri məni rəncidə etdi. Həmin yazını yazan zaman mənim və mənim kimi minlərlə insanın torpağı 27 il idi ki, işğal altında idi. Qarşıda isə bizi ümidsiz, işıqsız və ən pisi inamsız bir gələcək gözləyirdi.

Anna xanımsa əlindəki güllərlə guya bizə sülhü təlqin edirdi. Əslində, həmin sülh çağırışının altındakı subliminal mesajı hiss etməmək, duymamaq mümkün deyildi. Bu, qonşu ölkənin torpaqlarını uzun illər işğal altında saxlayan bir dövlətin baş nazirinin xanımının vulqar, ərköyün, adama yapışmayan ədaları idi.

Həmin ədaların alt qatındakı nifrəti, ədalətsizliyi, həqiqətlə üz-üzə gəlmək qorxusunu indi daha rahatlıqla duymaq, hiss etmək olur.

Uzun illər evlərimizin xarabalıqları üzərində yuva quran erməni xalqının qadın siması bizə qələbə ədası ilə sülh arzu edirdi, çiçək dəstəsi bağışlamaq istəyirdi.

Bu gün isə işğaldan azad edilən torpaqlarımızda yaşadığımız qələbənin sevincinə dözə bilməyən Anna xanım əlindəki çiçəyi silaha çevirib.

Dünən bizə çiçək uzadan qadın bu gün silaha sarılıb.

Heç olmasa silahının süngüsünə çiçəkdən, yarpaqdan da sancmayıb.

Axı o, qadındır.

Axı o, ana kimi sülh arzulayırdı.

Axı o, bizim hamımızı əmin-amanlığa səsləyirdi. Bəs nə oldu?

Bir ilin içində gül necə silaha çevrildi?

Halbuki, biz 27 il sülh deyib zarımışdıq...

Anna Akopyanın artistizmi onun əyninə hərbi paltar geyinib, belinə silah qurşayıb özgə torpaqlarında sürünməsinə qədər çatdı, bəs etdi. Qafqazlılara xas naz-qəmzəsi də onun dadına çatmadı.

Ümumilikdə son günlər erməni qadınlarının hərbi paltarda müxtəlif pozlar verməsi hədsiz dərəcədə süni və bayağı görünür. Onlara məsləhət edərdim ki, müharibə haqqında yazılan əsərlərə göz gəzdirsinlər, filmlərə baxsınlar.

Hərbi paltar geyinib foto-sessiyalar etməkdən vaxt tapmasalar, onda yaxın keçmişdəki Qarabağ müharibəsində döyüşən Azərbaycan qadınlarının bioqrafiyası ilə tanış olsunlar. Xanımzərin, Aliyənin, Kəmalənin, Gülarənin kimliyini öyrənsinlər.

Onların hərbdə çəkilmiş boyasız, rəngsiz fotolarına baxsınlar.

Bəlkə bundan sonra baş foto-model Anna Akopyan da daxil bütün erməni qadınları müharibənin nə olduğunu, qadın üçün nələri ifadə etdiyini anladılar.

REKLAM

Yazarın digər yazıları

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021