writer1

Sərdar Amin

Məqalə sayı

118
clock12:44 calendar-gray 19 Oktyabr 2020 view-gray3830 dəfə oxunub
view-gray3830 dəfə oxunub

Cəbhəyə şəkil çəkdirməyə gedən məşhurlar

Məşhurların hər kiçik addımı rezonans doğurur. Elə cəbhədən çəkdirdikləri fotolar da.

Tünzalə Ağayeva, Zabit Səmədov, Şəbnəm Tovuzlu və başqaları...

Sıravi adamlar hər gün onlarla bu tip fotolar paylaşır. Həmin fotoları izləyicilər bəyənir, bu görüntü demək olar ki, heç kəsdə əks fikir yaratmır. Demək, məşhurların fotolarının səs-küy yaratmağı foto, məqsəd yox, məşhurla bağlıdır.

Əksər adamların bu şəkillərə yazdığı əsəbi rəylərin səbəbi də insanların əsasən başqa yerdən topladığı kini yüksək bir tribunaya boşaltmaq istəyidir. Bəzi adamlar məşhurları acılayanda enerjilərinin boşa xərclənmədiyini düşünürlər.

O gün olsun, məşhurlarımız da bunu başa düşsün.

Mahiyyətinə varanda görərik ki, məşhurların cəbhədən hərbi formada foto paylaşması neqativ nəticəyə gətirib çıxara bilməz – xırda istisnaları nəzərə almasaq.

Məşhur cəbhəyə qədər gedirsə, əyninə forma geyinirsə, ona “bacarırsan vuruş”, “özünü reklam etmə”, “tayların orda şəhid olur, sən öz hayındasan” kimi rəylər yazmaq düzgün deyil. Ora qədər gedən adam müharibəyə aparılarsa, inanın, döyüşdən də yayınmaz.

Bu fotoların paylaşılmasında yeganə ehtiyatlı davranılmalı məqam fotoya düşən coğrafiya, koordinatlarla bağlıdır. Çünki hərb işində elə xırda detallar var ki, bu məqamlar mülkilər üçün önəmli görünmür, lakin həmin nöqtələrə hərbçi gözüylə baxanda böyük fəlakətlərə səbəb ola bilər. Ona görə də məşhurlar foto çəkdirərkən, yaxşı olar ki, həmin məqamları nəzərə alsın.

Məşhurların cəbhədən etdikləri paylaşımlar onların izləyicilərinin diqqətinin orduya yönəlməsi baxımından da əhəmiyyətlidir. Bildiyimiz kimi, indiki döyüşlərdə arxa cəbhənin fəaliyyəti əlahiddə əhəmiyyət kəsb edir.

Təbii, könül istərdi məşhurlar əsgərləri imitasiya etməkdənsə, arxa cəbhədə daha effektiv işlərlə məşğul ola, cəbhəyə vermək istədikləri enerji üçün daha dürüst ünvan tapa, gücünü bacardığı yönə xərcləyə. Belə olduqda onlar həm xalqa, həm dövlətə, həm orduya daha lazımlı xidmət göstərmiş olarlar.

Məsələn, döyüş getdiyi ərəfədə "Qarabağ" futbol klubunun Polşanın "Legiya" komandasını 3:0 hesabı ilə udması futbolçularımızın döyüşə verdiyi ən böyük töhfədir. Lakin onun ardınca Kiprlə qarşılaşmada yaxşı oyun göstərə bilməyən milli komandamızın üzvü Qara Qarayevin "fikrimiz Qarabağdadır, ona görə istədiyimiz kimi oynaya bilmədik" deməsi başadüşüləndir, amma qeyri-peşəkarlıqdır. Hər birimizin olduğumuz işdə daha fəallaşmağımız müharibənin xeyrinədir.

O formanı geyinib, daha effektiv iş görə bilən insanlar var. Qoy o formanı həmin adamlar geyinsin.

Lakin bu cümlələr, sadəcə istəkdir. Bizdə belə kütləvi proseslərdə adətən cəbhələr qarışır, ictimaiyyət hamı bir əsgərə çevrilir. Bu da ayrı bir müstəvidə vacib məqamdır. Hərçənd çox yaxşı olardı ki, biz yalnız orduya yollandığımız an əsgərə çevrilək, o günə qədər isə peşəmizin əsgəri olaq.

REKLAM

Yazarın digər yazıları

Xəbər lenti

Müharibədən əvvəl fotoqraf işləmiş Milli Qəhrəman: Film kimi həyat və filmin özü
10:30 18 Aprel 2021
Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021
Klinton ilk romanını nəşrə hazırlayır: "Terror dövləti" - Foto
16:37 16 Aprel 2021
Azərbaycanlı qadının fotosu Türkiyədə “İlin media fotosu” seçildi - Video
15:49 16 Aprel 2021
Təzəpirdə sinə vurdu, qızlarına görə Moskvada yaşamaqdan imtina etdi, atası onunla işləmək istəmədi – Tanımadığımız Eldar Quliyev
15:01 16 Aprel 2021
Yazıçıya vəzifə verildi
14:47 16 Aprel 2021
Qarabağda qırılan tut ağaclarına elegiya
14:31 16 Aprel 2021
Əməliyyatdan çıxan Zümrüd: “Xərçəng deyiləm” - Açıqlama
13:49 16 Aprel 2021
Həmid Herisçi Seymur Baycandan danışdı: “Təəssüf ki...”
13:02 16 Aprel 2021
Şimşəkdən sonra - İlham Əzizin yeni hekayəsi
12:16 16 Aprel 2021