writer1

Sərdar Amin

Məqalə sayı

120
clock12:32 calendar-gray 07 Oktyabr 2020 view-gray3547 dəfə oxunub
view-gray3547 dəfə oxunub

Xankəndidə hürən itlər

Azad olunan torpaqlardan yayılan ilk görüntülərə həsrətlə baxırıq...

Düzdür, bir milyon vətəndaşım kimi uşaqlığım, gəncliyim o yerlərdə keçməyib, amma mən torpağın kimə məxsus olduğunu ağacının duruşundan, suyunun axışından, quşunun səsindən, günəbaxanının baxışından hiss eləyirəm.

O torpaqlara baxanda bir daha əmin oldum ki, ermənilər özləri də bilir ki, bu yerlər onlara məxsus deyil. Əks halda 30 ildir əllərində olan torpaqlarda nəsə eləməyə çalışardılar.

Ağdam şəhərinə baxanda adamın sümüyü sızlayır, yıxıq-sökük divarlar, kol-kosun cəngəlliyə çevirdiyi bir xarabazar...

Yəqin gecələr Ağdamda bayquş səsi qan dondurur.

“Torpaq uğrunda ölən varsa, vətəndir”, deyir Məmməd Akif. Düzdür. O da var ki, torpaq üstündə yaşayan varsa, torpaqdır. Siz oraları xaraba qoymaqla yerdən torpaq adını aldınız, o üzdən ora vətəninizə çevrilə bilməzdi.

Sevmirdinizsə, niyə işğal edirdiniz? Adam yalnız sevdiyi uğrunda ölümə gedər. Axı bu torpaqlar sizin nəyinizə lazım idi? 30 ildə bir qarğıdalı, bir günəbaxan əkmədiniz o torpaqlara. Bir sərçə sığınmağa bir bağça tapmadı oralarda.

Eləcə də Cəbrayıldan yayılan görüntülər... Kəndlər tamam xarabazar... Harada qapalı bir yer varsa, ora da silah-sursat anbarı...

Silahmı əkirsiz orda?

Axı o yerlərdə biz yaşayanda ağac, meyvə, tərəvəz əlindən tərpənmək olmurdu. Siz də ağaclarımızın kölgəsindən pay alırdınız. Ora bizim ən səfalı diyarımızdır. Ay məlunlar, niyə qurutdunuz torpaqlarımızı? Eləmi almışdınız bizdən?

O torpaqları hiss etmək, onunla çarpışmaq, altını üstünə çevirmək, tər əkib bar cücərtmək hər adamın işi deyil. O torpaqlar donuz nəfəsi götürmür. Qarabağ atlarının dırnağıyla daşdan torpağa çevrilən yerlər donuz burnuna dözməz. O torpaqları siz başa düşmədiniz, o torpaqlar sizdən yaşmandı, özünü sizə təslim etmədi...

Cəbrayılın Horovlu kəndindən uşaqlıqda məcbur çıxardığınız evlərini tapan mayor Camal Qənbərovun üzünü gördünüz? Bəs onun toxunduğu narı necə? O nar da mayorun üzündən fərqlənmirdi, hər ikisi sevinirdi, hər ikisi işıq saçırdı...

Siz başa düşməzsiniz belə şeyləri...

Ötən gün Xankəndidən yayılan videodan qulağıma it səsi dəydi. Bu səs son günlər mənin Qarabağdan eşitdiyim ilk təbiət səsi idi... O, tüstünün içində qərib-qərib hürürdü. Yəqin, bağlı idi. Nə olar, açın o iti, buraxın. Hara gedəcəyinə özü qərar versin.

REKLAM

Yazarın digər yazıları

Xəbər lenti

Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021
“Qırmızı papaq” onlayn nümayiş ediləcək
13:17 21 Aprel 2021
Azərbaycanlı filosof qız-oğlan münasibətlərindən roman yazdı
12:30 21 Aprel 2021
Gənclərin qarşısını kəsən Rəşad Dağlı: O, niyə ustad ola bilmir?
11:55 21 Aprel 2021
Seymur Baycan nədən narahatdır?
11:02 21 Aprel 2021
Özünü ingilis kimi göstərən gəncəli
10:26 21 Aprel 2021
Tanınmış bəstəkar vəfat etdi
09:36 21 Aprel 2021
Çar arvadının göndərdiyi fotoqraf Aşıq Ələsgərin şəklini necə çəkdi? – Bilmədiyimiz faktlarMüsahibə
09:01 21 Aprel 2021
Milli Kitabxananın direktoru beynəlxalq konfransda iştirak edib
19:00 20 Aprel 2021
Nizami haqda məqalə Malayziya mətbuatında dərc olunub - Foto
18:29 20 Aprel 2021
Bir də yarpaq salma külək poçtuna – Qulu Ağsəsdən şeirlər
17:44 20 Aprel 2021
Çingiz Aytmatovun xanımı vəfat etdi
17:30 20 Aprel 2021
“Kurtlar vadisi”nin Güllüsü Qənimətlər parkında - Foto
17:16 20 Aprel 2021
“Mütaliə edək, dinləyək, tanıyaq” adlı layihə başlayıb
16:25 20 Aprel 2021
Məşhur roman əsasında film çəkilir
15:40 20 Aprel 2021
Səməd Vurğun, Rəsul Rza, Məmməd Rahim... - Ən böyük donosbaz kim idi?
15:01 20 Aprel 2021