Sloveniyalı yazıçı "Mixaylo" haqda roman yazıb

Sloveniyalı yazıçı "Mixaylo" haqda roman yazıb
10 dekabr 2012
# 15:48

Sloveniyanın Nova Qoritsa şəhərinin Çepovani qəsəbəsində Sovet İttifaqı qəhrəmanı, azərbaycanlı partizan Mehdi Hüseynzadəyə həsr edilmiş “Mixaylonun təkbaşına qisası” (“Jeden za vse Mihajlovo Mascevanje”) ikicildlik romanının təqdimatı olub.

Dünya Azərbaycanlı Gənclər Birliyindən (DAGB) AzərTAc-a bildiriblər ki, sloveniyalı yazıçı Peter Ameliettinin müəllifi olduğu romanın təqdimat mərasimində “Onun təxəllüsü Mixaylo idi” adlı qısametrajlı sənədli film nümayiş etdirilib.

Mərasimdə çıxış edən Azərbaycanın Sloveniyadakı müvəqqəti işlər vəkili Azər Xudiyev iki ölkə və xalq arasındakı dostluğun tarixindən danışıb.

Bildirilib ki, Mehdi Hüseynzadə Azərbaycan və Sloveniya xalqlarının qəhrəmanlıq rəmzidir.

Sonra müəllif Peter Amelietti romanın məzmunu ilə bağlı iştirakçılara məlumat verib.

Əsərin Azərbaycan və Sloveniya gənclərinə vətənpərvərlik ruhunun aşılanmasına mühüm töhfə verəcəyi vurğulanıb.

DAGB-nin nümayəndəsi Günel Həsənova Azərbaycan xalqının Mehdi Hüseynzadənin xatirəsinə yüksək ehtiram göstərdiyini diqqətə çatdırıb.

Bildirilib ki, Azərbaycan xalqı dərin məhəbbətlə sevdiyi qəhrəman övladının xatirəsini əbədiləşdirib, Bakının mərkəzində M.Hüseynzadənin abidəsi ucaldılıb.

İkinci Dünya müharibəsinin iştirakçıları, xüsusən də Mehdi Hüseynzadənin döyüşçü yoldaşları Mixaylonun hər iki xalqın qəhrəman övladı olduğunu bildiriblər.

Qeyd edilib ki, M.Hüseynzadənin Sloveniyadakı muzeyi daim yerli xalq tərəfindən ziyarət olunur.

Onun Çepovani qəsəbəsindəki məzarı üzərində həkk edilən “Rahat yat, Azərbaycan xalqının qəhrəman oğlu, əzizimiz Mehdi. Azadlıq naminə göstərdiyin ölməz rəşadət dostlarının qəlbində daim yaşayacaqdır” sözlərinin iki xalq, xüsusən də gənc nəsillər üçün əsl vətənpərvərlik örnəyi olduğu xüsusi vurğulanıb.

Mərasimdə Nova Qoritsa şəhərinin meri, Sloveniya Veteranlar Şurasının üzvləri, Mehdi Hüseynzadənin sloveniyalı döyüşçü yoldaşları, bu ölkənin Yazıçılar İttifaqının və yerli ictimaiyyətin nümayəndələri iştirak ediblər.

# 2820 dəfə oxunub

Oxşar xəbərlər

Tanınmış hind yazıçıdan "Yazmağın 10 qaydası"

Tanınmış hind yazıçıdan "Yazmağın 10 qaydası"

15:00 18 noyabr 2026
Motsartı fəth edən "Mehtər marşı", qəhvə və aypara çörək...  - Vyana türklərdən nələri öyrənmişdi?

Motsartı fəth edən "Mehtər marşı", qəhvə və aypara çörək... - Vyana türklərdən nələri öyrənmişdi?

12:00 17 noyabr 2026
“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

10:00 17 noyabr 2026
Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

16:00 15 noyabr 2026
"Amerika modernizminin anası"nın səhrada tapdığı sirr - "Qarğalı kanyon"

"Amerika modernizminin anası"nın səhrada tapdığı sirr - "Qarğalı kanyon"

13:45 15 noyabr 2026
Kağızlar, möhürlər və insan həyatını məhv edən sistem - İşgəncə otaqlarında nələr baş verir?

Kağızlar, möhürlər və insan həyatını məhv edən sistem - İşgəncə otaqlarında nələr baş verir?

16:00 13 noyabr 2026
#
#
Ana səhifə Reels Yazarlar Xəbərlər