writer1

Ayxan Ayvaz

Məqalə sayı

524
clock12:18 calendar-gray 19 Avqust 2020 view-gray3210 dəfə oxunub
view-gray3210 dəfə oxunub

Yazısına qurban gedən yazıçılar...

Rafiq Tağı öldürülmədən əvvəl "Qatilimə didaktika dərslərim" adında hekayə yazmışdı. O hekayədə sanki öldürüləcəyini qabaqcadan duymuşdu. Müəllif öz qatilinə onu necə öldürəcəyi haqda mühazirə söyləyir.

Rafiq Tağını evinə getdiyi vaxt qatar yolunda bıçaqladılar.

Görən, o qatil bu əsəri oxumuşdumu?

Eldar Baxışın şeirindəndir:

"Bir şairi öldürdülər
bir ölkənin ortasında, -
ölkə bilmədi-bilmədi."

Eldar Baxışın bacısıyla müsahibə etmişdik. Demişdi ki, axırıncı dəfə dostuyla kafenin birində içirlərmiş. Qonşu masadan xahiş eləyiblər ki, bizə qoşulun, bərabər içək. O gün Eldar Baxışın içkisinə zəhər qatırlar və o yavaş-yavaş bu dünyadan köçüb gedir.

Görən, Eldar Baxış o misranı yazanda təhtəlşüurunda bu hadisənin başına gələcəyini hiss etmişdimi?

Fərhad Mete adında bir şair vardı. O vaxt Mədəniyyət və Turizm Nazirliyi ilə Yazıçılar Birliyinin birgə layihəsi olan Gənc Ədiblər Məktəbinə gedib-gəlirdi. Mən onda 10-cu sinifdə oxuyurdum. Fərhadın şeirləri seçilirdi, hiss olunurdu ki, Mikayıl Müşfiq kimi bir şair gəlir ədəbiyyatımıza.

Amma o da öz yazdığı misranın taleyini yaşadı.

Misra belədir:

"Bir böyük yatağın üstündə iki nəfər -
biri ölər, biri qalar ..."

Deməli, Fərhad Mete və şair dostu İlham Çərkəzoğlu hansısa rayona toya gedirlər. Yaxşıca toqqanı bərkidəndən sonra qayıdırlar Bakıya. Və yolda qəza olur, onları xəstəxanaya çatdırırlar. Hər ikisini palatadakı tək çarpayıya uzadırlar. O çarpayıda Fərhad ölü olur, İlham sağ qalır.

Görən, Fərhad o misranı yazarkən hansı ruh halında olub?

Axtarsaq, bu cür misalları çox tapa bilərik. Öz misrasının qurbanı olan müəlliflər. Yaxud öz yazdığı cümlənin taleyini yaşayan yazıçılar.

Qorki Ədəbiyyat Universitetində təhsil alan yazıçı dostlarımız danışırdı ki, müəllimlər onlara yaxınlarının ölməyindən yazmamağı öyrədərmiş. Deyirlərmiş ki, yazıya pozu yoxdu, dönüb-dolaşıb yazdığın gerçəkləşə bilər.

Görünür, yazının da amansız nəticələri olur.

Elə misra, elə cümlə var ki, müəllif orda mina basdırıb.

Gec-tez o mina partlayacaq.

REKLAM

Yazarın digər yazıları

Xəbər lenti

Qonşuda bir gözəl vardı... - Ramiz Əzizbəylinin şeirləri
11:01 13 İyun 2021
Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur öz romanından yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021