writer1

Samirə Əşrəf

Məqalə sayı

156
clock12:53 calendar-gray 12 Avqust 2020 view-gray5125 dəfə oxunub
view-gray5125 dəfə oxunub

Özündən 45 yaş kiçik şagirdini hamilə qoyan müəllim

Müasir dövrün tələbləri, onun gətirdiyi şərtlər bəzən o qədər ağır olur ki, necə reaksiya verəcəyini, hansı yanaşmanı sərgiləməli olacağını müəyyənləşdirə bilmirsən. Hər şeyin əlçatan olduğu zamanda duyğuların korşalması, ətrafda baş verən ən amansız hadisələrə belə etinasız münasibət çox vaxt adamın özünü çimdikləməyə, hisslərə reaksiyasını yoxlamağa məcbur edir.

Hər gün rastlaşdığın on altı illik qapı qonşun dünyasını dəyişir və sən bu xəbəri eşidəndə ən uzağı bir dəqiqəlik təəccüblənəndən sonra ardınca heç bir göz yaşı, təəssüf yaşamırsansa, deməli ətrafımızda nə isə çox vahiməli işlər baş verir.

Lakin təkcə ölümdürmü bizi bu kimi imtahana çəkən? Xeyr.

Xəbər saytlarında elə gün olmur ki, qətl, zorlanma, oğurluq və digər amansız xəbərlərə şahid olmayaq.

Bütün bu kimi xəbərlərin yanından yavaşca heç özümüzün də xəbərimiz olmadan sürüşüb keçirik.

Cəmiyyət olaraq bu xəbərlər bizi silkələmir. Öyrəşmişik.
Oğulun ananı, ananın oğulu öldürməsi, ərin arvadını güllələməsi, əminin qardaşı qızını zorlaması kimi xəbərlərə artıq qulağımız da, gözümüz də öyrəşib.

Ötən gün Lerikdə 15 yaşlı şagirdini hamilə qoyan müəllimə - 60 yaşlı Şəfahət Məmmədova 1 il həbs cəzası verilməsi xəbəri də əslində bu qəbildəndir.

Ayda iki-üç dəfə bu tip xəbərlər oxuyuruq. Ani təəssüf hissi keçirib yolumuza davam edirik.

Lakin, burada çox incə bir məqam var ki, o da cümlənin sonundakı 1 il sözüdür.

Xəbərin içərisinə göz gəzdirəndə görürsən ki, baş vermiş hadisə həm hadisə, həm də nəticə etibarı ilə çox amansızdır.

Bir azyaşlı qızın həyatı ömürlük məhv olub. Hələ onun ailəsinin, qohum əqrəbasının yaşadığı, bundan sonra qazanacağı təhər-töhməti demirəm.

Bütün bunlardan sonra isə bu məsələnin baiskarı altmış yaşlı “ağsaqqal”, üstəlik müəllim heç nə olmamış kimi 1 il iş alıb. Yəni azadlıqdan məhrum edilib. Təsəvvür edirsinizmi, azyaşlı bir qızı həm mənəvi, həm də fiziki təcavüzə məruz qoyan, onu dünyada hələ nə var nə yox bilmədiyi bir məqamda hamilə qoyan bir adama sıradan bir vaxt, azadlıq məhdudiyyəti təyin olunur.

Bu qərar qəbul olunan zaman hansı məqamların nəzərə alındığını deyə bilmərəm. Amma misal üçün cinayətin tərkibində iki cavanın bir-birinin sevmə faktı olsaydı, düşünmək olardı ki, gənclər sevgi üzərindən yola çıxaraq bu cür qələt qarışdırıblar.

Amma yazdığımız kimi zərərçəkmişlə “müəllim”in arasında nə az, nə çox 45 yaş fərq var. İnsanların valideynindən sonra müqəddəs varlıq kimi baxdığı peşənin nümayəndəsidir.

Onu da nəzərə alaq ki, bizim mental dəyərlərimizin vazkeçilməz qaydalarından biri də şagirdin müəllimə qarşı təslimiyyət mövqeyində tərbiyə olunmasıdır. Biz, valideynlərimiz, eləcə də onların valideynləri hər zaman uşaqlarını dərsə yola salarkən bu sözləri israf edirlər: Müəllimin sözündən çıxma, müəlliminə qulaq as, müəllimini incitmə və.s.

Və bu kimi sözlərdən, öyüd nəsihətdən yaranan təslimçilik bəzən belə hadisələrin baş verməsinə səbəb olur. Uşaq müəlliminə inanır, onu sevir, hətta hərdən ona pərəstiş də edir. Nəticə isə bu inamın qəddarcasına qırılmasına, vəhşicəsinə məhv olmasına gətirib çıxarır.

Cəmiyyətin əsas aparıcı hissəsi olan təhsildə bu cür yaraların açılması bir çox xoşagəlməz halların xəbərçisdir.

Nəticə etibarı ilə ümid edirik ki, bu kimi hadisələrə adiyyatı orqanlar düzgün qiymət verəcək, bir il kimi gülməli və absurd rəqəmi bir də nəzərdən keçirəcəklər. Əks halda həmin altmış yaşlı müəllimin sabah azadlığa çıxıb daha neçə fidanı korlamayacağına heç kim zəmanət vemir.

REKLAM

Yazarın digər yazıları

Xəbər lenti

Bu yazıçılar müharibədə iştirak ediblər - Siyahı
21:01 28 Sentyabr 2020
Yazıçılar Birliyi bəyanat yaydı
18:16 28 Sentyabr 2020
Gənc şair hərbi xidmətə yola düşür
17:40 28 Sentyabr 2020
Özfəaliyyətimiz elə bu qədərmiş - Akif Əli yazır...
17:00 28 Sentyabr 2020
Svetlana Aleksiyeviç ölkəsini tərk etdi
16:30 28 Sentyabr 2020
Qarabağa həsr olunan klip çəkildi - Video
15:50 28 Sentyabr 2020
Ceylanın yeni filmi nədən bəhs edir? – Detallar
14:57 28 Sentyabr 2020
"Vəziyyət həqiqətən ciddidir" - Yazıçılar hərbi əməliyyatlardan danışdı
14:04 28 Sentyabr 2020
Cəbrayıla gedən yol
13:03 28 Sentyabr 2020
Fred Asifin Ala Yaquba hirslənməsi, bomba səsindən ürəyi partlayan 3 yaşlı İlkin... - Ağdamda bir gün
12:06 28 Sentyabr 2020
Mir Cəlal Paşayevin məqaləsi Milli Kitabxanaya gətirilib
11:21 28 Sentyabr 2020
Görürəm ki, qəhrəmansan – Günün şeiri
10:40 28 Sentyabr 2020
Xalq yazıçısı: “Yazıçılar Birliyindən çıxmaq lazımdır” – Müsahibə
08:58 28 Sentyabr 2020
Məcnunun “aşiqi-sadiqliyi” şübhə altındadır? - Elçin yazır
16:30 26 Sentyabr 2020
Karantin – kütlənin tənhalığı – Aqşin Yeniseydən yeni şeirlər
15:18 26 Sentyabr 2020
Bəyin atası, nisyə kitab istəyən oxucu, həbsxanadan çıxmış gənc yazar – İmza günündən reportaj
14:57 26 Sentyabr 2020
Məşhur rejissor festivaldan qovuldu
13:21 26 Sentyabr 2020
Ağlını itirib, dəlidi payız - Qazaxda bir ömür...
11:14 26 Sentyabr 2020
Vaşinqtonda Üzeyir Hacıbəyovun anadan olması münasibətilə tədbir keçirildi
10:02 26 Sentyabr 2020
Həmidə Ömərova gürcü aktyorun nəyinə gülürdü? – Məşhur filmin gizlinləri
09:00 26 Sentyabr 2020