news-inner
clock15:02 calendar-gray 20 İyul 2020 view-gray1427 dəfə oxunub
view-gray1427 dəfə oxunub

Dişləyib daddım gözündəki işıq şüasını - Dalğadan şeirlər - Sözün Güneyi

Kulis.az “Sözün Güneyi” layihəsindən təbrizli şair, esseist, tərcüməçi Dalğa Xatınoğlunun şeirlərini təqdim edir.

Qıyma

Bilirəm,
O boyda dənizə gərək yox
Adam göz yaşında da boğula bilər
Bunu çəkməyə nə var ki?
Sonra ölümə baxıb,
Öyrənir göz yaşları
Oturub ağlasan da gəlmir...
Bilirəm o boyda zora gərək yox,
Adamı bir baxış da çökdürə bilər,
Adamı bir "yox" da yıxa bilər...
Bilirəm,
Bu şəhərdə qəbir azlığı yox
Dişsiz ağızlarını açıb qəbirlər
Çeynəyib, udarlar ikini sayınca,
Səni də,
Boğazında qalan ömürlük qəhərləri də.
Ama sən üzülmə,
Suçlu aramağa gərək yox
Səndən öncə,
Beyninə dayadığın tüfəngin ax səsi çıxar,
Səndən öncə onun nəfəsi çıxar...
Köç
“Haralardasan?”, illərdir soruşub, durdum,
Ah bə sərsəm başım,
Harada ola bilərsən ki,
Ürəyimin içindən başqa?
Amma mən,
Divar kimi öz başıma,
Ev kimi öz içimə çökdüm,
Axı kim məni çökdürə bilərdi,
Gözlərinin köçündən başqa?

Sadəcə sinirlənmişdik bir az

Sadəcə sinirlənmişdik bir az,
Gənc və yoxsuldum,
Bir az da bilməzdim,
Ki,
Qadınlar bir öpüşlə dolur,
Və qulağına pıçıldadığın bir sözlə boşalırmış.
Ansızın, züyüb, getdin əllərimdən bir balıq kimi,
Mənsə gəlinlik paltarının torunu,
Və sırğa qarmağını düşünürdüm,
Qulağından tutmağa
Bir az da böbürlənən o mənasız qurdu...

Sonra bir göz qırpımında uçdu ömür.

Bu yaşda sevgidən danışmaq da ayıb, bilirsən....
Sadəcə sinirlənmişdik bir az,
Hamısı bu,
Amma sonra bədənə iyələr çıxdı arxasından,
Sonra yalnız saç deyil, baş da qarışdı,
Sonra uşaqlar doğuldu başqasından.
Sonra sevgini gizləmək istədim tələsik,
Diri-diri gömdüm,
Arzular qəbristanı olan ürəyimə.
Ah, Çiçək,
Amma biz bir zaman, bir an,
Sadəcə sinirlənmişdik bir az...

Yenə bir şeylər söylə

Yenə də heç nə yox
Hadı, bir şeylər söylə Çiçək,
Hər şey sözdən doğmuş...
Səbəbsizmi sevişib, nədənsizmi ayrıldıq?
Yox canım,
15 il sonra uşaqlar doğulmaq istərmiş,
Biri səndən mənsiz
Biri məndən sənsiz.
Heç də eybi yox.
Yenidənmi sevim yoxsa ömrün tən-ortasında?
- Yaş amansız, yaş qəddar...
Yenə bir şeylər söylə,
İyirmi il olar bir göz qırpımında sevişib,
Elə orada ayrıldığımız.
Nə olacaq ölümdən sonramız?
- Doğumdan öncəki kimi heç bir şey...
Səbəbsizmi sevişib, nədənsizmi ayrıldıq?
Yox canım,
Yoxsa,
Hansı dəli günəşin batışına əl yellədəcəkmiş?
Yoxsa,
Hansı ağıllı əl verib, bir ağacın budağını sıxacaqmış?
Yoxsa,
Hansı çiçək əsnəyib, ayılırkən bir “salam” eşidəcəkmiş?
Sənin heç oğlun oldumu?
Ama mənim heç qızım olmadı
Bəs, hansı kişi qızına “siz” deyəcək ilk kəz?...
Səni unutmayım deyə,
Hər gün əyilib gözlərimin içinə baxdım,
Hər gün yalanlarımı çıxardım...

Heç nəyini sevdim

Utanırdı,
Qulağıma söylədi astaca,
Yalnız bir qulağım eşidəcək qədər asta:
"Sevirəm".
Ah bə,- bağırdım:
Bu sayaq sevməyini sevdim.

Üzülürdü,
Üzünü üzümə söykədi astaca,
Yalnız bir gözüm görəcək qədər yaxın
Dişləyib daddım gözündən saçan ışıq şüasını
Özü kimi duzlu-duzlu gəlirdi göz yaşı,
Ah bə, - bağırdı:
Mən sənin heç nəyini sevdim.

Gözəlsən

Bir yanımda:

Gözəlsən,
Utanıb, gözlərimi bir kəz qaldırıb,
Üzünə baxa bilməsəm belə gözəlsən,
Kor olsam, heç olmasam belə,
Yenə gözəlsən.

Yazı gözlərəm,
Qarşıma çıxan hər gülə əyilib salam söyləməyi
Yerinə, hər yetən ağacın budağını sıxıb, əl verməyi.

Gülləri solduran,
Ağacları donduran qışa rəğmən,
Otağının buğlanmış camının arxasından da,
Hətta, üzünə tutan şalın altından belə gözəlsən.

Gözəlsən.

Bir yanımda:
Fotografçı kişi çaşıb, durdu sonra,
Nə mənə, nə də başqasına bənzəyən şəklimi görüncə,
Sonra şofer gözlərinə inanamadı bir tür,
Güzgüdən baxınca, mənə sım-sıxı sarılmış,
O, içində olmadığın paltarları
Sonra önümü kəsdi bir polis
Adın nə?- bağırdı,
Ürəyimdə, adım Heçkim- deyincə, hürkdü.
Sonra bir qəssab gördüm
Başından tutub, balığa üzmək öyrətdi
Evimə baxıb, bir quş uçmağı öyrəndi,
Ah evim, evim.
İçinə keçdim yorqun,
Saatı qiyamətə qurub yatasım gəlir.

Oxşar xəbərlər

Xəbər lenti

Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020