writer1

Mehman Qaraxanoğlu

Məqalə sayı

45
clock11:05 calendar-gray 20 İyun 2020 view-gray1883 dəfə oxunub
view-gray1883 dəfə oxunub

Yolunu azan bu gəncə “Dur!” deyirəm

Gənc Müşfiq Şükürlü ədəbiyyatda təmiz yolu saxlayıb, palçıqlı yolla gedir. Bu, onu şəxsi işidir. Amma və lakin... əgər başqalarına haqq-nahaq palçıq sıçratmasaydı...

Müşfiq lap əvvəl ədəbi varisliyin potensial daşıyıcısı və ötürücüsü effektini yaratdı. Çox sevindik! Ədəbiyyat adamları da bunu gördü və təqdir etdilər. Görünür, Şərq inkiviziatorlarının toplaşdığı “ideal” məkan – çayxana onu da tədricən korladı. (Nəzər alın ki, daxili dünyamızda da çayxanaya bənzər simvolik bir cin yığnağı vardır!) İndi o, gözümüzün qarşısında “Dədəm nənə kor deyib, hər yetənə vur deyib” Ata sözümüzün ən aqressiv praktik mücəssəməsinə çevrilir... Bu yazı da gənc dostuma “dur!” demək niyyətilə yazılır.

Niyə üçüncü cümlədə “haqq-nahaq” sözünü işlətdim?!

Haqq odur ki:
1. Müşfiq Şükürlü kifayət qədər istedadlıdır.
2. Onun yaxşı mütaliəsi və dəqiq müşahidələri vardır.
3. Tənqidçilərə xas olan sərrast düşüncə tərzinə malikdir.
4. Dili canlı, təravətli və şirəlidir...

Nahaq odur ki:

1. Müşfiq Şükürlü öz “qurbanlar”ını qabaqcadan seçir və onları pusur...

2. Uğursuz metafora aludəçisidir... Aşağılayıcı “Azərbaycan Sıqanistləri Birliyi”, “Sıqanizm cərəyanı”, “Azərbaycan Sıqanlar Hərəkatı ” və s. bu tip ifadələrin ədəbiyyata sırınması bizə başucalığı gətirməyəcək. Adama deyərlər, Hind-Avropa mənşəli dünyanın ən qədim xalqına nə olub?! Bu ən yumşaq halda, vaxtilə Novruzəli obrazını avamlıqda suçlamaq qədər təhlükəli bir tentensiyaya gətirib çıxara bilər. Yaxın keçmişimizdə də özlərini elit, bizi lümpen adlandıran Xalq yazıçımız vardı...

3. Bütün mətnini “kəşf etdiyi” metaforaya cidd-cəhdlə yerləşdirmək istəyir. Az qala metafora “partlayır”. Sonucda tikiş yerləri qaçır və içi-lehməsi tökülür...

4. Qələmə aldığı mövzularla bağlı bütöv kontekst nəzərə alınmır. Bu, “Yafəsdən Kəramətə qədər”də və ondan əvvəlki yazılarında da, tutaq ki, “Nəsrimizin növcavanları”nda da açıq-aşkar sezilir. Tutaq ki, Yafəs niyə bu yola düşür? Bunun sosial-mənəvi arxeologiyasında nə durur? Şeirimizin modernləşməsində az-çox əməyi olan qaçqın bir yazara “Turpsəs” demək hansı əxlaqa sığır? Bunu çayxana künclərində deyirlərsə, lənət olsun onu deyənlərə! Yafəsin “oyunbazlığı” yaşamaq uğrunda mücadilənin içərisindədir. O, qudurğanlıqdan etmir bunu! Öz xalqının maddi, mənəvi dəyərlərini “uf” demədən talayan bir məmur deyil o! Yafəs Türksəs yeni dövr Azərbaycan ədəbiyyatının ən faciəvi obrazıdır!

5. Ədəbiyyat sevgi məkanıdır... Kin, nifrət, şər, böhtan yeri deyildir.

6. Sağlam ironiyanı hamı qəbul etməlidir, məncə. Amma alçaldıcı, təhqiredici ironiya yolverilməzdir. Bu yazıda ikincisi birincini “yeyir”. Mirzə Cəlilin “İranda hürriyyəti”ni yenidən oxumağını tövsiyə edirəm.

7. Bir anlıq düşün ki, sənin əziz can, dil, qan qardaşların – Yafəs, Kəramət, Ayxan Ayvaz, El Roman və Rəvan Cavid də Dağıstan sərhəddində üzüqoylu uzadılıb təhqir edilənlərin arasındadır. Onlar ailələrinə gətirəcəkləri bir tikə çörəyin üstündə uzadılıb. Məgər onların bu cür təhqir olunması onlarınmı suçudur?!

Adlarını çəkdiyin yazarlar da öz “açıq” tabutlarının – kitablarının içərisindədirlər. Onlar yoldan keçənlərə öz tabutlarını təklif edirlər... Sabiri, Hadini xatırla! Ağır mənzərədir!

8. Onların tədricən kütləviləşən bu addımları Azərbaycan cəmiyyətinə ən ağrılı mesaj olmalıdır!!! Dünyada kitab satışı ilə bağlı maraqlı praktikalar vardır. Tutaq ki, ölkədəki hər bir kitabxana xüsusu ədəbi komissiya tərəfindən əvvəlcədən müəyyənləşdirilmiş kitabları pulla müəllifdən alır. Makulatura ədəbiyyatının buraya dəxli yoxdur! Bu məsələlər Milli Məclis səviyyəsində müzakiə olunmalıdır. Biz birləşib buna nail olmalıyıq.

REKLAM

Yazarın digər yazıları

Xəbər lenti

Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020
Onlar "Ginnesin rekordlar kitabı"na daxil oldular - Fotolar
18:40 18 Sentyabr 2020
"Arşın mal alan" Bolqarıstan teatrında səhnəyə qoyuldu
18:00 18 Sentyabr 2020
Sarı camış - Kamal Abdulladan yeni hekayə
17:22 18 Sentyabr 2020
Azərbaycanın “Avroviziya-2021”də iştirakı təsdiqləndi
16:38 18 Sentyabr 2020
Üzeyir Hacıbəylinin xatirəsi anıldı
15:51 18 Sentyabr 2020
Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir? – Mütəxəssis rəyi
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020
Pula görə təhsilini yarımçıq qoydu, repressiyadan təsadüfən xilas oldu, xanımı başqa qadınla evlənməsini istədi – Üzeyir bəydən maraqlı faktlar
12:08 18 Sentyabr 2020
Müəlliməni intihara aparan səbəb
11:36 18 Sentyabr 2020
Musiqi Günü ilə bağlı elektron baza hazırlanıb - Link
11:02 18 Sentyabr 2020
Tanınmış yazıçı vəfat etdi
10:33 18 Sentyabr 2020
27 yaşda intihar edən müəlliməyə gecikmiş təsəlli
10:04 18 Sentyabr 2020
Bəy!
09:36 18 Sentyabr 2020
Qanı gördükcə qorxudan titrəyirdim - Bircənin romanı
09:00 18 Sentyabr 2020
Xalq artisti qonşusunu məhkəməyə verdi
19:05 17 Sentyabr 2020