news-inner
clock12:03 calendar-gray 09 İyun 2020 view-gray19194 dəfə oxunub
view-gray19194 dəfə oxunub

Kişi paltarında eşq yaşayan, ayin zamanı uşaq doğan baş yepiskop - Tarixin yeganə qadın Papası niyə gizlədilir?

Tarixdə qadın Papanın olduğunu bilirdinizmi? Kulis.az Katoliklərin ruhani liderləri olan Papaların Vatikan tərəfindən elan edilməzdən əvvəl kişilik testindən keçmələri və bu ənənənin başlamasına səbəb olan Papa VIII Coan haqqında tarixi faktı təqdim edir.

Vatikan qadın Papanın mövcudluğunu inkar etməyə çalışsa da, əldə olunan sübutlar və bir sıra tarixi qeydlər belə bir hadisənin baş verdiyini təsdiq edir.

Əvvəlcə ruhani liderlərin yeni seçilən Papaları kişilik yoxlamasından keçirmə ənənəsindən başlayaq.
Yeni Papa kardinallar tərəfindən xalqa elan edilməzdən əvvəl ortası deşik bir stulda otuzdurulur və xüsusilə bir qədər yaşlı olan kardinallar əlləri ilə yeni papanın cinsi orqanını yoxlayırlar. Günümüzdə texnologiya inkişaf etmiş olsa da, əsrlərdir var olan bu ənənə hələ də davam etməkdədir. Papanın kişi olduğundan əmin olmaq üçün həyata keçirilən bu ənənə əlbəttə ki, Vatikan tərəfindən açıq elan edilməyib. Vatikan qadın Papa hadisəsini ört-basdır etməsi kimi bu ənənəni də gizli saxlayırdı.

Orta əsrlərdə yaşamış italiyalı yazıçı və tarixçi Covanni Bokkacconun 1361-ci ildə yazmağa başladığı “Mulieribus Klaris” əsərində dünyanın o zamana qədər yaşamış olan ən məşhur 100 qadını siyahısında tarixin ilk və yeganə qadın Papası haqqında da geniş məlumat verilib.

IX əsrin ortalarında yaşanan bu hadisənin qəhrəmanı olan Coan dindar bir ailəyə övladlığa verilmişdi. Yetkinlik çağına çatan Coan bir rahiblə eşq yaşayır. Rahib qız ilə rahat səfər edə bilməyəcəyini bildiyi üçün onu kişi kimi geyindirir və cütlük bu yol ilə Avropanın müxtəlif ölkələrində monastırları gəzdikdən sonra Afinada yaşamağa başlayırlar. Təbii ki, bu müddət ərzində Coan rahibdən dini dərslər alıb, din mövzusunda mükəmməl biliyə sahib olur. Amma onların xoşbəxtliyi uzun sürmür. Sevgilisinin ölümündə sonra Coan artıq Afinada yaşaya bilmir. Romaya köçən Coan burada kilsə tərəfindən qəbul edilir və dini savadına görə Kilsədə qısa zaman ərzində yüksəlməyə başlayır. 847-ci ildə isə kardinallar səs birliyi ilə onu yeni Papa elan edir.

Gallery

Coan iki ildən çox vəzifəsini icra etdiyi müddətdə heç kim onun qadın olduğunu anlamır. Amma qadın Papa kilsədə bir rahiblə cinsi münasibətdə olmaqla həyatının ən böyük səhvini edir. Bu münasibətdən hamilə qaldığını öyrənəndə Coan uşağı dünyaya gətirməkdə israrlı olur. Doqquz ay boyunca hamiləliyini gizləməyi bacaran qadın Papanın bir ayin zamanı sancıları tutur və hamının gözü önündə körpəsini dünyaya gətirir. Bu hekayəni 11-ci əsrdə qələmə alan Əziz Martin adlı bir rahib qadın Papanın və yeni dünyaya gələn körpəsinin xalq tərəfindən daşa basılaraq öldürüldüyünü yazırdı.

XII əsr tarixçisi Polonius körpənin ölü doğulduğunu, sadəcə qadının linç edilərək öldürüldüyünü yazır.

XIII əsr xronikalarında isə qadın Papanın at quyruğuna bağlanaraq daşlandığını və öldüyü yerdə dəfn olunduğunu, bu zaman insanların “Ataların atası! Papanın uşaq doğmasını lənətlə!”, deyə qışqırdıqları yazılır.

Gallery

XVI əsrə qədər Siena katedralında bütün Papalar arasında Coanın da büstü olub. Ancaq bu tarixdə Papa tərəfindən verilən əmrlə büst götürülüb.
Orta əsrlərdə və ondan sonrakı bir çox qaynaqlarda adına rast gəlinən və yenə bir çox rəssam tərəfindən rəsmi çəkilən qadın Papanın varlığı bəzi çevrələr tərəfindən rədd edilsə də Vatikan rəsmi qeydlərində Papaların sıralamasında Coan adlı Papanın varlığına rast gəlinir.

news-inner-user

16507 məqalə

Oxşar xəbərlər

Xəbər lenti

Nаmiq Аbdullаyеvin ахırı – Portret-hekayə
21:00 22 Sentyabr 2020
Tanınmış bəstəkara ağır itki üz verdi
18:41 22 Sentyabr 2020
Tarkovski ilə bağlı kadrarxası çəkilişlər hərraca çıxarılacaq
18:04 22 Sentyabr 2020
Sən ağlama, bulaq səslim – Qismət Məsimin yeni şeirləri
17:15 22 Sentyabr 2020
Haqverdiyevlə Üzeyir bəyə həsr olunmuş beynəlxalq konfrans keçiriləcək
16:29 22 Sentyabr 2020
Azərbaycanlı reper qəza keçirtdi
15:41 22 Sentyabr 2020
Nişanlısının yaylığı ilə ölümdən qurtuldu, “vətən xaini” idi Sovet İttifaqı Qəhrəmanı oldu - Fransa prezidentinin Brejnyevdən tələb etdiyi azərbaycanlı
15:02 22 Sentyabr 2020
Şəhid oğlunun fotosu və Beynəlxalq Sülh Günü
14:24 22 Sentyabr 2020
Peterburqda susan Azərbaycan tarı: Onun məzar yerini unutmayın!
13:41 22 Sentyabr 2020
Məmur özbaşınalığından serial çəkilir - Azərbaycanda ilk
12:55 22 Sentyabr 2020
Hərbi təlimə gedən dostlarımızın avtobus pəncərəsindən dedikləri - Sərdar Amin yazır…
12:15 22 Sentyabr 2020
Azərbaycan Kiyevdə etnomədəni festivalda - Foto
11:58 22 Sentyabr 2020
Azərbaycanlı yazıçının kitabı rus dilində nəşr olundu
11:10 22 Sentyabr 2020
Nələr görmür gözümüz, nələr çəkmir başımız? – Günün şeiri
10:36 22 Sentyabr 2020
Stalloneyə ağır itki üz verdi
10:25 22 Sentyabr 2020
Norveçdə Nizami məktəbi fəaliyyətə başlayıb
09:53 22 Sentyabr 2020
Biz tərəflər – Şərif Ağayardan yeni hekayə
09:01 22 Sentyabr 2020
Rejissorumuzun filmi Moskva festivalının əsas proqramında
18:57 21 Sentyabr 2020
Notr-Dam kilsəsinin muzeyi işə başladı
18:34 21 Sentyabr 2020
Ayağı kəsilmiş sevgilisini tərk edən Ceyran – Sara İbrahimin hekayəsi
17:48 21 Sentyabr 2020