writer1

Qan Turalı

Məqalə sayı

228
clock11:25 calendar-gray 14 Noyabr 2012 view-gray1859 dəfə oxunub
view-gray1859 dəfə oxunub

Xəyanətə uğramış kişilər

“Qadınlar susaraq gedər” deyir Camal Süreyya.

Və əlavə edir: “O günə qədər danışan, mübahisə edən, dava salan qadın artıq özünün səssizliyə vermişdir. Artıq ürəyindəki çantaları yığıb, beynindəki biletləri alıb və əslində bədəni orda durmuş amma sevgiləri uçub getmişdir”


Bəs kişilər nə edir?

Qadınların susub getdiyi, getməkdən başqa etməyə bir şey tapmadıqları, “əlvida” əvəzinə qapının cırıltısının danışdığı (o qapını yağlamamışdı bəlkə kişi, buna görə də savaşmışdılar) anlar şəksiz ki, çox kədərlidir, amma bəs kişilər...

Bu getmələrin ən böyük səbəbi olan xəyanətlə qarşılaşanda nə edir kişilər?

Mənə bir adam haqda danışmışdılar, arvadının başqası ilə gəzdiyini bilirdi, mesajlarını oxumuşdu, küçədə arxasından ona ünvanlanan gülüşləri eşidirdi, kinayələrə, tənələrlə dözməli olurdu və o adam bir gün arvadının cehizlərini bir maşına yığıb məşuqunun qapısının ağzına boşaltmışdı.

Bu tragikomizmdir, həmin adamın çox da ağıllı olmadığını da mənə dedilər.

(Bu qadına ağıl dözərmi ki?)

Amma xəyanətə uğramış kişi bədbəxtlərin kralıdır.

Bir düşünün.

Qadın susaraq gedər amma anladar yaxınlarına ərinin etdiklərini.

Kişilərin xəyanətkar olduqlarına dair möhkəm bir ictimai rəy var zatən, buna görə də kimsə qadını suçlamaz, ona acıyarlar, halına yanarlar, amma heç vaxt arxasınca gülməzlər.

Bəs xəyanətə uğramış kişilər necə?

Günləri zəhər olar, gündə min tənə eşidərlər, min adam üzlərinə vurar, eşitdirər, elələri də yalandan onun xanımıyla eşq yaşadığını uydurar, beləliklə heyvan babalarından qalma erkəkliyi ilə öyünər və əri alçaltmaqla özünün yüksələcəyini sanar.

Kişiyə dünya zəhər olar.

Bir tərəfdən xanımının kürəyinə sapladığı bıçaq, digər tərəfdən ətrafındakıların o bıçaq yarasına tökdükləri duz.

Kiçik əyalət şəhərlərinin bəlkə də yeganə əyləncəsidir bu adamlar.

O adamlar alçaldıqca alçalarlar, bəziləri artıq bu halını qəbul edir və xalq “xoşqeyrət” adlandırdıqları təbəqəyə yazar onun adını.

Cəmiyyətdə və ailədə hakimiyyəti kişiyə vermiş xalq kişinin bu bacarıqsızlığını bağışlamazlar, onu məhv etmək üçün hər şeyi edərlər.

Məhz buna görə də cəmiyyət kişiyə xəyanət qarşısında iki yol qoyub: “Ya qadını öldürməli, ya da boşamalısan”.

Üçüncü yol da var, bu da “xoşqeyrətlik”dir.

Məhz bu kişimərkəzçilik ucbatından namus cinayətləri işlənilir.

Amma kişilərin hamısı belə olmazlar.

Həyata küsər, içdikcə içər, qadın dodağı əvəzinə butulkanın dibini öpərlər, unutmazlar, sevgi sözünə nifrət edər, yaşaya bilmədikləri kimi ölə də bilməzlər.

Mityanın məhəbbəti haqda (İvan Buninin hekayəsidir) eşitmisinizmi?

Katyanın xəyanətinə uğrayan Mityanı heç nə sakit etmir.

Pulla cinsi əlaqədə olan kəndli qız da əlaqə bitər-bitməz ondan soruşar: “Deyirlər, bazara ucuz çoşqalar gəlib...”

Yağışlı və darıxdırıcı kənd həyatında Mitya aldığı məktubdan sonra xəyanəti bilər.

Özünü yüz yaşında hiss edər, gənclik nəşəsi qaçar, elə pis darıxar ki...

Bu darıxmağı heç olmasa bircə dəqiqəlik sakitləşdirmək üçün əlini atar tapançasına və beyninə nəşə ilə, sevinc ilə atəş açar.

Yəni, dostum...

Qadınlar susar, amma...

Kişilər susa bilməz...

Qadınlar gedər bəlkə də başqa bir cüt qollar arasında özünü məsud hiss edər amma...

Kişiləri heç nə ovutmaz, hər şey vəfasız yarı xatırladar, cəmiyyətin onu özündən xəbərsiz təyin etdiyi “ailə başçısı”nın məsuliyyəti ilə gəmisi batmış kapitan kimi özünü vurar, dəvəsi ölmüş ərəb ki, ucsuz-bucaqsız səhrada ölümünü gözləyər.

Qadını öldürər, ömrünün uzunca bir hissəsini kişilərin arasında qadınsızlıqla xatırlayar, uşaqları başsız, özü məhbus qalar və ömrünün qalan illərini açdığı bir əl atəşi, vurduğu üç cüt, bir tək bıçağı düşünə-düşünə çərləyər, ölər...

Kişilər susaraq cəhənnəmə gedər...

“Polis qorxusuyla öpüşmək” kitabından

REKLAM

Yazarın digər yazıları

Xəbər lenti

Nəriman Qasımoğlu: “Atam sovet dövrünə görə tövbə elədi” - Müsahibə
21:00 28 İyul 2021
Sənət müsabiqəsi elan olundu - Mükafat fondu 50 min avro
19:00 28 İyul 2021
Qobustanda Hindistan qalereyası açıldı
18:20 28 İyul 2021
“Ev dustağıyam” kitabının təqdimatı olub
17:25 28 İyul 2021
Bu mənəm - şairlərin yuxusuna gizli kamera yerləşdirən – Güneydən şeirlər
16:40 28 İyul 2021
Bakıda yeni fotosərgi açılacaq
16:00 28 İyul 2021
“Nimdaş” müxbirin dönər sifarişi - Ulucay Akif yazır...
15:29 28 İyul 2021
Müslüm Maqomayevin heykəlinin yeri müəyyənləşdi
15:01 28 İyul 2021
Səndən ayrılanda, dağlar, cavandım - Günün şeiri
14:15 28 İyul 2021
Boşanmadan ikinci qadınla evləndi, ölümündən sonra oğlu meydana çıxdı, müəmmalı qəzada öldü – Səxavət Məmmədovdan 10 maraqlı fakt
13:30 28 İyul 2021
Səməd Səmədovun dəfninə gəlmədilər - Giley
12:40 28 İyul 2021
İşıqları keçirib yazanlar
12:00 28 İyul 2021
Dərnəgülün qansoranları – Vüsal yazır…
11:20 28 İyul 2021
“Fəryad 2” filminə kişi axtarırlar – 15 manata
10:40 28 İyul 2021
Müğənni 56 yaşında öldü
10:05 28 İyul 2021
Votsapda beş roman yazan xanım: “Mənim davam internetdəki əxlaqsız kişilərlədir” - Müsahibə
09:00 28 İyul 2021
Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021