news-inner
clock15:29 calendar-gray 11 Fevral 2020 view-gray16212 dəfə oxunub
view-gray16212 dəfə oxunub

Gəlinini iş yoldaşına qısqanan “Qoçu əsgər” – Xalq artistindən maraqlı faktlar

Bu gün Xalq artisti, böyük sənətkar Mövsün Sənaninin anım günüdür. Kulis.az bu münasibətlə aktyor haqqında maraqlı faktları təqdim edir.

Möhsün Sənani 1900-cü ildə Tiflisin "Şeytanbazar" məhəlləsində ruhani ailəsində anadan olub. Onun 5 yaşı olanda valideynləri dünyasını dəyişib. O, nənəsinin himayəsində qalıb. 1906-cı ildə nənəsi onu mədrəsəyə qoyur. Nənəsinin məqsədi nəvəsini mollalığa hazırlamaq və gələcəkdə onu atası kimi mərsiyəxan eləmək idi. Lakin səkkiz yaşı olanda nənəsi vəfat edir, xalası molla Zinyət onu öz himayəsinə götürür.

Gallery

Molla Zinyət Azərbaycanın Xalq artisti Əli Qurbanovun anası olub. O, Sənaninin oxuması ilə şəxsən məşğul olur. Ancaq Zinyət xanımın kasıb olur. Kiçik yaşlı Möhsün özünün və bacısının xalasına bir yük olduğundan xəcalət çəkir, Şeytanbazarda gürcü dostunun atasının "Vano dayı" adlı tramvay parkında fəhlə işinə düzəlir.

***

İlk dəfə on dörd yaşında səhnəyə çıxıb. 15 yaşında Tiflisdəki Azərbaycan truppası ilə birgə iki dəfə İstanbula qastrola gedib.

Gallery

Mövsün Sənani Çəmbərəkənddə yaşayıb. Aktyorun evinə yaxın olan dayanacağa xalq arasında “Mövsün Sənani ostanovkası” deyirmişlər.

***

Gözəl səsi olub. Xalq mahnılarını, muğamları oxumağı çox sevərmiş. Hətta rejissorların etirazlarına baxmayaraq səhnədə muğamlar ifa edirmiş.

Gallery

1937-ci ilin ən pis vaxtlarında teatrda iclas keçirilir, Mövsün Sənani, Mirzəağa Əliyev və o Şəmsi Bədəlbəylini xalq düşməni kimi işdən azad edirlər. Ondan sonra hər gün güllələnmək və Sibirə sürgün olunacağı qorxusu ilə evində qalmayan aktyor hər gün növbə ilə qohumlarının evində yaşamalı olur. Lakin, bir neçə aydan sonra yenidən iclas çağırılır və hər üç nəfər təmiz adam kimi işə yenidən qəbul olunurlar. Mövsün Sənani həmin günlərin xofunu bütün həyatı boyu yaşadığını və unutmadığını deyirmiş.

Gallery

“Dağlarda döyüş” filminə Mövsün Sənani ilə yanaşı gəlini diktor Ofeliya Sənani də çəkilib. Film Nalçikdə çəkilən zaman gəlini ilə yanaşı otaqda qalan aktyor Ofeliyanı onunla tərəf müqabili olan Şahmar Ələkbərova qısqanırmış. Ofeliya Sənaniyə tapşırırmış ki, onun icazəsi olmadan, o, çəkiliş meydançasına dəvət etmədən otağından bayıra çıxmasın. Çəkiliş meydançasında isə Şahmar Ələkbərovla Ofeliya Sənaninin hissələri çəkiləndə onların əl-ələ tutmasını görüb əsəbiləşib və Şahmar Ələkbərova deyib ki, olmaz ki, sən onun əlindən tutmayasan, qaça-qaça gələsiniz.

Gallery

Qızı müsahibələrinin birində deyir ki, “Qadınlar atamı çox sevirdilər, atam da qadınları. Ona tez-tez qızlar zəng vururmuşlar. Bir dəfə qızlar dəstəyi anama veriblər. Anam da atam üçün mahnı oxumağa başlayıb. O zamanlar anam filarmoniyanın solisti işləyirdi. Ondan sonra bu zənglər çoxalmağa başlayır. Amma atam anamın kim olduğunu bilmir. Bir dəfə atam konsertə gedəndə, anam səhnəyə çıxıb oxumağa başlayır. Onda Atam anamı səsindən tanıyır. Konsert bitəndən sonra atam anamı gözləyib, onunla tanış olur.

Gallery

Sonralar onlar tez-tez görüşməyə başlayırlar. O, əvvəlcədən görüşəcəyi küçəyə gedər, orda dayanan cayıllara pul verib deyərmiş ki, yarım saatlıq bu küçəni boşaldın, istəklimlə görüşəcəm.

***

Mövsün Sənanidən sonra onun rollarını Yaşar Nuri ifa edirmiş. Deyilənə görə onun Yaşar Nuriyə qarşı bu səbəbdən müəyyən qısqanclığı da olub. Hətta bir dəfə "Göz həkimi" tamaşasından sonra Yaşar Nurini yanına çağıran Sənani ona deyib. “Sən bu rolu yaxşı ifa etdin, amma mənim kimi yox”.

Gallery

Qüdrət xanımın anası aktyorun elçilərini iki dəfə geri qaytarır, deyir ki, aktyordan ailə saxlayan olmaz. Sonradan aktyor Sidqi Ruhullanı, Mustafa Mərdanovu Qüdrət xanımgilə elçi yollayır. Yalnız bundan sonra “hə” alınır.

Gallery

Bir dəfə Bakıda işləyən və Sənaninin ən möhkəm pərəstişkarı hesab olunan bir prokuror tamaşadan sonra aktyorun otağına manqal və kababla qonaq gəlir.

***

Aktyor son dəfə “Darıxma, ana” tamaşası zamanı səhnə tərtibatında əşyaların yeri səhv qoyulur. Aktyor isə bilmədən, həm də gözləri zəif gördüyündən həmin əşyalardan birinə toxunaraq büdrəyir. Tamaşa bitəndən sonra evinə gedən Mövsün Sənani ailə üzvlərinə belə deyir: Mən artıq səhnə həyatımın nöqtəsini qoydum. Daha heç vaxt istəmərəm ki, tamaşaçı məni səhnədə büdrəyən görsün.

Gallery

"Şeyx Sənan", "Göz həkimi", "Darıxma ana" tamaşalarında maraqlı rollar yaradıb. Teatrla yanaşı aktyor "Bəxtiyar", "Sehrli xalat", "O olmasın, bu olsun", "Dağlarda döyüş", "Bir məhəllədə iki nəfər", "Bizim küçə", "Fətəli xan" kimi filmlərdə rol alıb.

***

Dahi sənətkar 11 fevral 1981-ci ildə Bakıda vəfat edib.

news-inner-user

16503 məqalə

Oxşar xəbərlər

Xəbər lenti

Azərbaycanlı reper qəza keçirtdi
15:41 22 Sentyabr 2020
Nişanlısının yaylığı ilə ölümdən qurtuldu, “vətən xaini” idi Sovet İttifaqı Qəhrəmanı oldu - Fransa prezidentinin Brejnyevdən tələb etdiyi azərbaycanlı
15:02 22 Sentyabr 2020
Şəhid oğlunun fotosu və Beynəlxalq Sülh Günü
14:24 22 Sentyabr 2020
Peterburqda susan Azərbaycan tarı: Onun məzar yerini unutmayın!
13:41 22 Sentyabr 2020
Məmur özbaşınalığından serial çəkilir - Azərbaycanda ilk
12:55 22 Sentyabr 2020
Hərbi təlimə gedən dostlarımızın avtobus pəncərəsindən dedikləri - Sərdar Amin yazır…
12:15 22 Sentyabr 2020
Azərbaycan Kiyevdə etnomədəni festivalda - Foto
11:58 22 Sentyabr 2020
Azərbaycanlı yazıçının kitabı rus dilində nəşr olundu
11:10 22 Sentyabr 2020
Nələr görmür gözümüz, nələr çəkmir başımız? – Günün şeiri
10:36 22 Sentyabr 2020
Stalloneyə ağır itki üz verdi
10:25 22 Sentyabr 2020
Norveçdə Nizami məktəbi fəaliyyətə başlayıb
09:53 22 Sentyabr 2020
Biz tərəflər – Şərif Ağayardan yeni hekayə
09:01 22 Sentyabr 2020
Rejissorumuzun filmi Moskva festivalının əsas proqramında
18:57 21 Sentyabr 2020
Notr-Dam kilsəsinin muzeyi işə başladı
18:34 21 Sentyabr 2020
Ayağı kəsilmiş sevgilisini tərk edən Ceyran – Sara İbrahimin hekayəsi
17:48 21 Sentyabr 2020
Tanınmış bəstəkara ağır itki üz verdi
17:19 21 Sentyabr 2020
Yeni Ceyms Bond kim olacaq?
16:24 21 Sentyabr 2020
Polisi maarifləndirmək lazımdır – Yazarlar şortik qadağasından danışdılar
15:42 21 Sentyabr 2020
Karyerasına atası son qoydu, dostları nankor çıxdı... – Kinomuzun Sərvərindən maraqlı faktlar
15:02 21 Sentyabr 2020
Tanınmış Türk yazıçısının kitabı Azərbaycanda
14:18 21 Sentyabr 2020