writer1

Şərif Ağayar

Məqalə sayı

525
clock10:57 calendar-gray 04 Fevral 2020 view-gray3064 dəfə oxunub
view-gray3064 dəfə oxunub

Deputatlığa namizədlə ağızlaşmağım

Qollarını çırmalayıb siyasət meydanının düz ortasına atılan köhnə bir dostum dünən mənə zəng edib, xeyli danlayıb.

Niyə təşviqat prosesində belə passivəm, nə əcəb onu axtarmıram, nə səbəbə filan-filan şeyləri filan-filan eləmirəm; siyasətə qarışmıram, amma bir gün siyasət mənə qarışacaq (burda lap kövrəldim), gələcəyimizə belə laqeyd qalmamalıyam, axı mən ziyalıyam, yazaram, hamı mənimlə fəxr edir (burda ürəyim bulandı), ayıb deyilmi, utanmırammı, ata-anamın üzünə necə baxıram (burda hirsləndim), səs namus deməkdir, səsini qorumayan heç nəyini qoruya bilməz (burda əlim ixtiyarsız arxama getdi), ağıllı olum, dərin düşünüm və s.

Tərs kimi qulağımın biri müalicədədir, işləmir, dostumun "xidmətində" tayqulaq dayanmışam. Elə danışır, ağzından dağılan tüpürcək mobil telefondan salamat qulağıma sıçrayırdı.

Axıracan səbrlə qulaq asdım. Səmimi deyim, mənə dediklərini İctimai kanaldan seçicilərə demək imkanı olsa, xeyli tərəfdar toplayardı. Deyəsən, bunu özü də hiss eləmişdi. Getdikcə qızışırdı. Ona verilməyən bütün tribunaların heyfini məndən, daha doğrusu biricik qulağımdan çıxırdı.

Qəfil mənim də çənədən babat olduğumu xatırlayıb, söylədiklərinə münasibətimi öyrənmək üçün kəşfiyyat fasiləsi verdi. O saat ən zəhərli iynələrimi işə saldım. Dedim, “sluşi”, ali məqsədi böyür-başına beş-on adam toplayıb parlamentdə oturmaq olan bir şəxs ali məqsədi yaxşı kitablar oxuyub yaxşı əsərlər yazmaq olan bir şəxsə hansı məntiqlə ağıl öyrədir?

Tutuldu.

Göz açmasına aman verməyib "ikiyə atdım". Dedim, tarixə nəzər salsan, görərsən ki, Aristotel (kitab) İsgəndəri (qılınc) öyrədib, İsgəndər (qılınc) Aristoteli (kitabı) yox.

Bu dəfə nəsə ciddi bir cavab tapdığını düşünüb, partladı:

"Sən Aristotelsən?!"

"Uzaqgörən məntiqinə quzu kəsim!" deyib "odboy" verdim və dərhal dostumun telefon siyahısındakı adını dəyişib "Makedoniyalı İsgəndər" qoydum.

REKLAM

Yazarın digər yazıları

Xəbər lenti

İşini, gücünü atıb kimsə sevməlidir məni - Cəlil Cavanşirin şeirləri
17:00 08 Avqust 2020
Əliağa Vahidin 125 illiyi münasibətilə poçt markası buraxılıb
16:05 08 Avqust 2020
Biz iki nəfər öldük
15:00 08 Avqust 2020
Səngərdə Vaqifin şeirlərini oxudu, məşhur filmə onun əvəzinə erməni aktyoru çəkdilər - Kinomuzun Cahandar ağası haqda maraqlı faktlar
14:00 08 Avqust 2020
Səkkizinci ayın səkkizi - Mahir N. Qarayev yazır
12:31 08 Avqust 2020
Məşhur aktrisa kinodan getmə səbəbini açıqladı
11:20 08 Avqust 2020
“Eurovision” mahnı müsabiqəsinin Amerika versiyası yaradılacaq
10:13 08 Avqust 2020
Rüstəmbəyovun alınmayan filmi – Sevda Sultanova “Dağlarda döyüş”ü tənqid edir.
09:00 08 Avqust 2020
Azərbaycanın məşhur folklor qrupu beynəlxalq festivalda iştirak edəcək
18:50 07 Avqust 2020
Çingiz Aytmatov fenomeni və Azərbaycan" monoqrafiyası çap olundu
18:04 07 Avqust 2020
Azərbaycanlı yazardan yeni kitab
17:36 07 Avqust 2020
Polad Həşimovun üzünə necə baxacağıq?
17:06 07 Avqust 2020
Məşhur müğənni uyğur türklərinə görə Çinə belə etiraz etdi
16:05 07 Avqust 2020
Kölgəmi ayrı basdırın, sevəcəyim qız çiynində... - Tural Turanın şeirləri
15:02 07 Avqust 2020
Məşhur müğənni vəfat etdi
14:11 07 Avqust 2020
Hər konsert ərəfəsində əri tərəfindən döyülən, 17 yaşlı oğlunu itirən əməkdar artist – Bağırov ona bayquş demişdi
13:09 07 Avqust 2020
Süleyman Qanuni, Hürrəm Sultan, Mona Liza, Sezar indi yaşasaydılar, belə olardılar - Maraqlı layihə
12:23 07 Avqust 2020
Toyu karantinə düşənlər üçün fürsət
11:32 07 Avqust 2020
"Kapitan Marvel 2"nin rejissoru bəlli oldu
10:43 07 Avqust 2020
Azərbaycanda tarixi abidəyə müdaxilə edən şəxslər saxlanıldı
10:10 07 Avqust 2020