writer1

Sərdar Amin

Məqalə sayı

66
clock12:33 calendar-gray 30 Yanvar 2020 view-gray7323 dəfə oxunub
view-gray7323 dəfə oxunub

16 yaşlı Fatimə Rafiq Tağının kəndçisiymiş...

16 yaşlı Fatimə toyundan iki həftə sonra öldürüldü... Masallının Xoşçobanlı kəndində... Bu, ömrünün qırx ilini cəmiyyətin tibbi, mənəvi sağlamlığına həsr edən, bunun əvəzində bizdən bıçaq yarası alaraq dünyadan köçən həkim, yazıçı, publisist Rafiq Tağının doğulduğu kənddir.

Qətl təzəcə baş versə də, hadisə ilə bağlı məhkəmə keçirilməsə də, artıq bir hökmü rahat verə bilərik...

Evləndikdən sonra 2 həftə ərzində nə dəyişə bilər ki, 19 yaşlı ər 16 yaşlı – həyat yoldaşını deməyə dilim gəlmir – qızı öldürə!?

Onlar arasında hansı şəxsi konflikt baş verə bilər ki, bu yara 15 gün ərzində böyüyə, ölümlə bitə! Onların hər ikisi demək olar, azyaşlıdır. Məsələn, qətl törədilən an oğlan əsgərlikdə hərbi salam verə, qız hansısa məktəbin işıqlı pəncərəsindən təbəssümlə çölə baxa bilərdi...

Mən Fatimənin qatilini tanıyıram. Siz də tanıyırsınız. Yazının əvvəlində Rafiq Tağını söz xətrinə xatırlamadım. Qatil Rafiq Tağının bağrına bıçaq sancan şəxsdir. Sonra bıçağının qanını ovcuna silərək cibinə qoyub, indi də həmin qanlı əllərlə 16 yaşı qızcığazı boğub. O, azadlıqdadır, nə qədər, təhsil cəmiyyətdə sözünü deyə bilmir, nə qədər, kitab evlərimizə ayaq açmır, nə qədər, televiziyamız zəhərli proqramlardan arınmayıb, nə qədər, milli və dini xurafat at belindədir, o qatil aramızda yaşayacaq. Gah bıçağını çıxaracaq, gah qanlı əlləri ilə birinin boğazından yapışacaq, bir başqasını 17-ci mərtəbədən itələyəcək, gah da kiminsə boynuna ip salıb salxım meyvə kimi hansısa ağacdan sallandıracaq. O “meyvələri” biz yetişdiririk. Və hələ ki, özümüzü yeməklə məşğuluq.

Hadisənin Rafiq Tağının doğulduğu kənddə baş verməsi, bəlkə də, bizim üçün bir eyhamdır. Mənası odur ki, “16 yaşlı gəlini əri öldürüb” xəbərindən sonra heç kəs rahat yatmamalıdır. 16 yaşlı qız evlənməli deyildi, çünki bütün azyaşlıları toylarından 2 həftə sonra öldürürlər; bu və ya digər şəkildə.

Bu eyham ona işarədir ki, Rafiq Tağının qatili yanımızdadır, içimizdədir, hər an soyuq bir metalı qarın boşluğumuza soxa bilər.

Ehtiyatlı olmalı deyilik, qorxmalıyıq. Bu, bizim günahımızdır. Hamımızın.

Bu gün Azərbaycanın bütün kəndləri Rafiq Tağının kəndidir – sözün hər iki mənasında.

REKLAM

Yazarın digər yazıları

Xəbər lenti

Məmməd Aslana halallıq - Şərif Ağayar yazır...
20:57 23 Sentyabr 2020
"Qəlbimin palitrası"ı təqdim olunacaq
18:51 23 Sentyabr 2020
10 ilə çəkilən film - Video
18:12 23 Sentyabr 2020
Atamın gələ bilmədiyi günlərdən çıx gəl - Fəridədən müharibə şeirləri
17:29 23 Sentyabr 2020
Qəni Camalzadənin sosial-bədii nəsri - Aydın Xan yazır
16:47 23 Sentyabr 2020
“Uliss”in tərcüməçisi dünyasını dəyişdi
16:08 23 Sentyabr 2020
Aqil Abbas: "Dağlıq Qarabağda vətəndaşlığımızı qəbul edən ermənilərlə işimiz yoxdur"
15:30 23 Sentyabr 2020
Şəbnəm Tovuzlunun erotik dərdi
14:49 23 Sentyabr 2020
Lalə Məmmədova həmkarlarını qınadı: "İcra başçılarından qorxurdunuz?"
14:06 23 Sentyabr 2020
Elçin Əfəndiyev: "Çox yaramaz iddiadır" -Məktub
13:29 23 Sentyabr 2020
“Mədəniyyət/Culture” jurnalının növbəti sayı nəşr edildi
12:51 23 Sentyabr 2020
Mirzə Cəlili aldatmışdı, Müşfiq onun evinə pəncərədən girirdi – Komediyamızın banisi haqqında maraqlı faktlar
12:06 23 Sentyabr 2020
“Azərbaycan tarixində atılmış 5 ən yanlış addım” kitabının imza günü olacaq
11:17 23 Sentyabr 2020
İnternet yoxdursa, necə olacaq? – Əyalətin təhsil dərdi
10:45 23 Sentyabr 2020
Nobel mükafatının təqdimat mərasimi təxirə salındı
10:16 23 Sentyabr 2020
Tom Kruzun kosmosa gedəcəyi tarix bəlli oldu
09:44 23 Sentyabr 2020
Ömər Faiqin İngiltərədə yaşayan nəticəsi: "Mirzə Cəlil babamın qollarında can verib" - Müsahibə
09:00 23 Sentyabr 2020
Tanınmış bəstəkara ağır itki üz verdi
18:41 22 Sentyabr 2020
Tarkovski ilə bağlı kadrarxası çəkilişlər hərraca çıxarılacaq
18:04 22 Sentyabr 2020
Sən ağlama, bulaq səslim – Qismət Məsimin yeni şeirləri
17:15 22 Sentyabr 2020