writer1

İlqar Kamil

Məqalə sayı

8
clock14:25 calendar-gray 16 Yanvar 2020 view-gray1511 dəfə oxunub
view-gray1511 dəfə oxunub

Həyatın məhrəm yerləri

Mən ona çox şey yaza bilərdim, çox şey. Əlimə yaxşı fürsət keçmişkən, sadəcə ondan sonrakı ilk günümü yazsaydım, məsələn, böyük bir hekayə olardı, povest olardı, roman olardı, amma yazmadım, yazsaydım nə dəyişəcəkdi ki!

Yox, əzizim, yazmadım, eləcə telefonumu kündə kimi əlimin içinə uzadıb artıq əhatəm dairəsindən xaricdə olan nömrəsinə xırda bir SMS göndərdim: Səndə darıxdıqlarım var...!

Onda darıxdıqlarım vardı, bəli, burnumun ucunu göynədən cəhətləri! Hanısını deyim, hansını danışım ki! Sualımı özümə qaytarmağını sevərdim, məsələn, deyərdim, “əzizim, səncə, filan şey niyə elə deyil belədi?” Tələsməzdi cavab verməyə, dirsəklənərdi qəşəngcə, gözlərini gözlərimin içində gəzdirib xəfifcə dillənərdi: "bəs səncə?"

Hələ onun suallarıma dəxlisiz cavabları... Əzizim, sovet hökuməti niyə dağıldı? Cavab: “bağsız ayaqqabıların istehsalı çoxaldı deyə!”
Əsəb götürərdi məni, bu nə cavabdı, nə dəxli axı! Amma böyüdükcə, dərinləşdikcə və bir az da durulduqca görərdim ki, adam həqiqətin dibinəcən haqlı, Sovet İttifaqı məhz o dediyi səbəbdən dağılıb!

Sonradan bir alimin həyatında da gördüm bu cəhəti. Təsəvvür edin, bir ata oğlunu gətirib ki, tələbə olsun və utana-utana soruşur: “ustad, sizcə bu uşaqdan bir şey çıxar?” Qaşlarını çatır ustad: “yox! Pencəyinin düyməsi çoxdur!”

Bir az sonralar bildim ki, Ana kitabda da varmış bənzər söhbət. Bəqərə surəsi, Bəqərə hadisəsi. İsrail övladları birini öldürüb gəlirlər həzrət Musanın yanına ki, lütfən gerçək qatili tap bizimçün! Musanın cavabına baxın: "fəzbəhu bəqarah!" (Bunun üçün bir inək kəsin!) Quran deyir, adamlar dərhal şığımışdı Musanın üstünə, bu nədir, bizi ələ salmısan? Nədən ki, insanlar suallarına standart, uyğun, aydın cavab axtarırlar, həyatınsa, əzizim, cavab vermə metodu özünəməxsus!

Həyat, kişiyə vermək istəmədiyi qiymətli şeyi məhrəm yerində gizlədən işvəli qadın kimidir, götür görüm necə götürürsən! Yəni bir az cəsarətli, bir az bilgili olmalı insan, üzdə, göz qabağında axtarmamalı istədiyini - cavab, əl-əlbət, həyatın məhrəm yerlərindədir.

Niyə belə edir həyat? Niyə belə edir Tanrı? Dedim axı, onda darıxdıqlarım var.

Məşhəd ziyarətindəydik, çağırdı məni yanına, bir sualına cavab vermək istəyirəm, dedi. Danışdıqca həyəcanlandım, danışdıqca tərlədim və... hesabladım: düz 4 il 3 ay keçirdi o sualımın üstündən. Bəs niyə indi, bəs niyə məhz 4 il 3 ay sonra? Nə baş verdi ki? Nə dəyişdi ki? Sual sual ardınca axıb töküldüm üstünə. Dirsəkləndi qəşəng-qəşəng, gözlərini gözlərimin içində gəzdirib qımışdı: “Bəs səncə?”

REKLAM

Yazarın digər yazıları

Xəbər lenti

Müharibədən əvvəl fotoqraf işləmiş Milli Qəhrəman: Film kimi həyat və filmin özü
10:30 18 Aprel 2021
Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021
Klinton ilk romanını nəşrə hazırlayır: "Terror dövləti" - Foto
16:37 16 Aprel 2021
Azərbaycanlı qadının fotosu Türkiyədə “İlin media fotosu” seçildi - Video
15:49 16 Aprel 2021
Təzəpirdə sinə vurdu, qızlarına görə Moskvada yaşamaqdan imtina etdi, atası onunla işləmək istəmədi – Tanımadığımız Eldar Quliyev
15:01 16 Aprel 2021
Yazıçıya vəzifə verildi
14:47 16 Aprel 2021
Qarabağda qırılan tut ağaclarına elegiya
14:31 16 Aprel 2021
Əməliyyatdan çıxan Zümrüd: “Xərçəng deyiləm” - Açıqlama
13:49 16 Aprel 2021
Həmid Herisçi Seymur Baycandan danışdı: “Təəssüf ki...”
13:02 16 Aprel 2021
Şimşəkdən sonra - İlham Əzizin yeni hekayəsi
12:16 16 Aprel 2021