writer1

Oğuz Ayvaz

Məqalə sayı

137
clock13:50 calendar-gray 21 Noyabr 2019 view-gray2811 dəfə oxunub
view-gray2811 dəfə oxunub

Van Dammın bizi sevindirən təpiyi

Jan Klod Van Damm... Uşaqlığımızın unudulmaz qəhrəmanı...

Məhəllədə hamımız özümüzü ona oxşatmaq istəyirdik. Bir dəfə uşaqlardan biri mənə Van Damm təpiyi ilişdirdi. Gözümə işıq seli yayıldı, sonra şiddətli ağrı... Yerə sərilib ufuldadım. O uşaq Van Dammın təsirinə o qədər düşmüşdü ki, saçını, paltarını, yerişini belə ona bənzədirdi. Yanıb-tökülürdüm ki, bu boyda uşağın içində biabır oldum. Kasetlər alıb, onun filmlərini bir-bir izləyir, etdiyi hərəkətləri yaddaşıma köçürürdüm. Məhəllə uşağından intiqamım çox acı olacaqdı.

Atam evdə elədiyim hərəkətlərə şəbədə qoşar, şaqqanaq çəkib gülərdi. Günlər, həftələr keçdi... və mən artıq hazır Van Damm idim. Binanın qarşısında bir topa uşaq “Rembo”nun filmindən danışırdılar. Dalaşacağım oğlan başını qırxdırmış, dazbaş olmuşdu. Eynən Van Dammın filmində qarşılaşdığı amansız rəqibi Tampo kimi. Uşaqlar bizi əhatəyə aldılar. Avqust ayının ən dəhşətli istilərini yaşadığımız günlərdən idi. Dazbaş oğlan gülümsəyir, məni daha da qəzəbləndirirdi. Elə ilk cəhddə ona vurduğum fantastik Van Damm təpiyi tutdu. Uşaqlar butulka ilə su gətirib ayıltmasaydılar, bəlkə də öləcəkdi “Tampo”.

Qəbələdə Van Damma heykəl qoyulanda, hamı lağ elədi, yerli icra nümayəndəliklərini ələ saldılar. İndi həmin Van Damm 18 milyonluq "Facebook" səhifəsində həmin heykəlin şəkilini paylaşıb, Azərbaycana təşəkkür edib. Bir müddət sonra minlərlə şərhlər, rəylər gəlib. Dünyanın müxtəlif ölkələrindən insanlar vətənimizi, xüsusən də Qəbələni görmək istədiklərini qeyd ediblər. Biz cəmiyyət olaraq hər şeyə tələsirik. Mütləq hansısa bir hadisəyə qulp qoşuruq. Yumor hissimizə də söz yox. Ən istedadlı zarafatları bizdən eşitmək olar. Sadəcə onun heykəlinin qoyulmağı normal bir hadisədir. İndi minlərlə insan Azərbaycana axışıb gəlsə, biz Van Damma minnət borclu olarıq.

Van Dammın filmləri sənət baxımından ciddi olmasa da insana bir mesaj verirdi: Özünü sev, müdafiə et, əzilmə.

Gərək, həftəsonu onun filmlərindən birini izləyim.

REKLAM

Yazarın digər yazıları

Xəbər lenti

Kuklaçıların çağırışı
18:59 07 Aprel 2020
Evdə qal və muzeylərə səyahət et
18:25 07 Aprel 2020
Dünyamızı dəyişən koronavirus testi – Sərdar Amin yazır...
17:44 07 Aprel 2020
Qodar koronavirusdan danışacaq
17:20 07 Aprel 2020
Mətləb Ağadan karantin şeiri - Mətn
17:01 07 Aprel 2020
Koronavirusla mübarizəyə həsr edilmiş rəsm müsabiqəsi elan olunub
16:20 07 Aprel 2020
Xalq artisti evində onlayn konsert verəcək
15:42 07 Aprel 2020
Qohumu onu öldürmək istədi, güllə ayaqqabısına dəydi, çörək verdiyi küçə uşaqları evini soydu – Xalq artistinin film kimi həyatı
15:18 07 Aprel 2020
Çingiz Abdullayevlə ad günü söhbəti: "İlk təbrik edən həyat yoldaşım oldu" - Müsahibə
14:37 07 Aprel 2020
Məşhur aktyor karantin günlərini seriala çevirdi
14:01 07 Aprel 2020
Bir cümləlik pandemiya hekayəsi – Mətn
13:20 07 Aprel 2020
İlham Namiq Kamal: "Şamaxıda bağ evimdə..."
12:38 07 Aprel 2020
Tanınmış fizik: “Bizi daha böyük pandemiya təhlükəsi də gözləyə bilər” – Müsahibə
12:01 07 Aprel 2020
Xalq artisti: "Bu gün Allaha daha çox yalvarmaq zamanıdır"
11:33 07 Aprel 2020
Aktrisa koronavirusdan öldü
11:06 07 Aprel 2020
Uşaqların sinif yoldaşlarından gizlədiyimiz evimiz - Onlayn dərslər
10:36 07 Aprel 2020
Yazıçı koronavirusa necə qalib gəldi?
10:06 07 Aprel 2020
"Yuğ" Teatrı "Evdə qal" çağırışına qoşuldu
09:37 07 Aprel 2020
Direktorun bacısı qızına vurulan məktəbli - Şahmarın hekayəsi
08:59 07 Aprel 2020
Əlindəki çapıqları göynədir spirt - Sevinc Elsevərin karantin şeirləri
21:00 06 Aprel 2020