news-inner
clock12:15 calendar-gray 23 Sentyabr 2019 view-gray773 dəfə oxunub
view-gray773 dəfə oxunub

“Bir şeir” yarışmasında növbəti şeirlər

Kulis.az "Bir şeir" müsabiqəsinə göndərilən yeni şeirlərdən nümunələr təqdim edir.

Qalib Bəhrəmov

Yoxluğun iyirmi beş illiyi

Cəbhə xəttindən o tərəfdə
mənim doğulduğum kənd var.
Yanından çay keçir,

uzaqda dağlar görünür.
O dağlarda güllələyib
sovet höküməti
neçə-neçə qaçağı...

Hər yer çəmənlikdir.

Anam o çayda paltar yuyub,
atam o çəmənlərdə qoyun otarıb.
Bir dəfə də qoyununu qurd aparıb -
özü danışıb...

Çay kənd boyunca uzanıb gedir
Sahilində bir ev var.
O evi atam tikib,
anam bəzəyib.

Mən o evdə doğulmuşam, iməkləmişəm,
Məndən əvvəl üç qardaşım ölüb o evdə,
ancaq mən ölməmişəm.
Məndən sonra bacım da ölməyib...

Anam o evdə atamdan ötrü darıxıb,
Məni bağrına sıxıb
Hər gün həyətə çıxıb
bərabər -
toyuqların arxasınca qaçmışıq,
ağacları suvarmışıq.

Süd vermişik buzovlara.
Bir azın da mən içmişəm.
Hər şeydən bezəndə anam
nəğmə oxuyub:
"Mən həyata gecikmişəm".

Sonra o evə "qrad"lar atılıb,
mərmilər düşüb.
Atam müharibəyə yollanıb o evdən,
Biz başqa evlərə köçmüşük.

İyirmi beş ildir ki,
axşamlar atam yorğun qayıtmır,
anam nədənsə gileylənmir o evdə.
İyirmi beş ildir ki,

mən yellənmirəm tut ağacından asılmış yelləncəkdə,
bacım ağlamır
yaz gecələri quruldayan qurbağalardan qorxub.
İyirmi beş ildir ki, o evdə işıq yanmır.
İyirmi beş ildir ki, o ev yoxdu.

***

Müşfiq Cəbi

Ölüb, diriləsən yatdığın yerdə,
Üstündə bir yuxu yozanın ola.
Deyirəm, yuxuda gördüklərini,
Götürüb, alnına yazanın ola.

Daha gözlərimin gecə vaxtıdır,
Daha gəncliyim də düşübdür taxtdan.
Dağılıb bu ömrün qara saçları,
Açılıb taleyin yaxası çoxdan.

Elə kar olmuşam mən bu həyata,
Çatmır qulağıma avazın, Allah.
Mən ayaq üstündə çoxdan ölmüşəm,
Nəsə düz çıxmadı bu yazın, Allah.

***

Vasif Əlihüseyn

Mürgüləyən uşağın yuxusu

səninçün nigaran olmaq
torpaq altda qalan
anam üçün darıxmaq kimidi

başını çiynimə qoyub
çiçək qoxlamağına bənzəyir
indi çiynimdə barmağını somurub
mürgüləyən uşağın yuxusu

axı əllərimin qaşınmasına görə
daha çox darıxıram
öpüb alnıma qoyanda
elə bilirlər ki, pul qazanacam
mənsə elə bilirəm ki,
sən gələcəksən...

şəkilinə baxmaq
köhnə qəbiri ziyarət etmək kimidi
şəkilinin üzü soyuqdu
torpağın üzü kimi...

***

Cahid Əliyev

Tanrının tənhalığı


Bəxtimiz gətirib ki,
Tanrı deyil insanıq.
Tanrılar təki yalqız
Təkbaşına qalmırıq.

Hərdən çox düşünürəm
Yazığım gəlir sənə.
Sıxılmırsan, ilahi?
Bir işarə ver mənə.

De kiminlə gəzirsən
Kiminlə oynayırsan
Dərdini kimlə bölüb
Kiminlə ağlayırsan?

Ağlayanda kim olur
Şərik gözün yaşına
İncinəndə bir kimsə
Sığal çəkir başına?

Həyəcanlanırsanmı
Sevdiyini görəndə
Səni soyuq tər basır
Sənə tərəf gələndə?

Yoxsa hissinmi yoxdu
Yox bu qorxunc olardı
Sən özün elə hissən
Bütünün duyğulardı

Hərdən yaman qorxuram
Fikirdən başım şişir
Hər şeyi xəlq eliyən
Təklikdən əldən düşür?
Bir küncdəcə büzüşür?

Yaxşı, əgər istəsən
Dost olaram səninlə.
Sıxılmasan həmişə
Bir qalaram səninlə.

Harda istəsən oynar
Qumdan evlər tikərik
Hərdən cığallıq edib
Dalaşarıq küsərik.

Saf təmiz uşaqlar tək
Üz-üzə ağlaşarıq
Sonra yaşlı gözlərlə
Gülərik barışarıq.

İstərdinmi biz kimi
Mələk anan olaydı
Sevib, nazını çəkib
Hey qeydinə qalaydı.

Harda gəldi yatardın
Mürgüləyərdin rahat
Narazı halda anan
Yavaş səslə deyərdi:
Burda soyuq olacaq
Oyan, get, yerində yat.

Göy üzü qıpqırmızı,
Qar gəzişir səmada.
Təklik çoxmu ağırdı
Bu şaxtalı havada?
Sənə soyuq deyilki
Üşümürsən, ilahi...

***

Erşad Məhərrəmli

Mən

Nə gözəl ölür adamlar,
Nə gözəl başdaşları var!
Bu dünyanın zülmündən,
Gözəl qurtuluşları var.

Bu ölümün şəklin çəkin,
Asın, boynunuzdan asın!
Bir uşaq da bu ölümü,
Möhkəm-möhkəm qucaqlasın!

Ah dəniz qoxuyan ölüm,
Ah ölüm toxuyan ölüm,
Ah şeir oxuyan ölüm..

***

Aydın Cavad

MD (Maladaptive Daydreaming)

Kirpiklərin ağırlığı
Süzülür yuxunun cizgilərindən
İstəklər
Qanayır yarasız yerindən

İstiqamətsiz

Tapılmağa yönəlib
Gələcəyə geri dönənlər

Açılmamış kitabların içində
qatlanmış vərəqlər

("The secret life of . . .")

Xatırladaq ki, müsabiqənin şərtlərinə görə, 35 yaşa qədər olan hər müəllif bir şeir, özü haqqında qısa məlumat, şəxsiyyət vəsiqəsinin surəti və bir fotoşəkillə müsabiqədə iştirak hüququ qazanır.

Mükafat fondu aşağıdakı kimidir:

Birinci yer: 500 manat

İkinci yer: 300 manat

Üçüncü yer: 200 manat

Əsər qəbulu sentyabrın 16-dan oktyabrın 10-dəkdir.

Qeyd: Şərtlərlə uymayan iştirakçılar müsabiqədən kənarlaşdırılacaq.

Şərtlər

Şərtlərdə yenilik

Göndərilən mətnlər

Yeni mətnlər

news-inner-user
Bir Şeir

23 məqalə

Oxşar xəbərlər

Xəbər lenti

Məmməd İlqarın 70 illik yubileyi qeyd olunacaq
12:53 29 Yanvar 2020
Aqşindən bu cür roman gözləmirdim
12:16 29 Yanvar 2020
Şeytan - Eyvaz Sirablının hekayəsi
11:47 29 Yanvar 2020
Süni intellekt ədəbiyyat yarada bilərmi?
11:19 29 Yanvar 2020
Məşhur yazıçı "Oskar"ı sərt tənqid etdi
10:40 29 Yanvar 2020
Onlarla məzələnəcəm - Ömər Xəyyam yazır...
10:23 29 Yanvar 2020
Səməndər Rzayevin 75 illiyi keçirildi- Fotolar
09:57 29 Yanvar 2020
Rövşanə: “Kişilərimiz qadınlarımız qarşısında boynubükükdür” – Müsahibə
08:55 29 Yanvar 2020
Taleh Yüzbəyovun əzik obrazı - Sevda Sultanova "Oxşarabad-2"dən yazır
05:01 29 Yanvar 2020
Vaqif Səmədoğlunun qızı: “Atam evlənəndə hönkür-hönkür ağladım” – Müsahibə
21:01 28 Yanvar 2020
Azərbaycan filmi Almaniya festivalında iştirak edəcək
18:49 28 Yanvar 2020
Şairin kitab sərgisi açılıb
18:20 28 Yanvar 2020
Aydınlanmanın ağlagəlməz ən qısa yolu: Vipassana
17:54 28 Yanvar 2020
Türkiyəli Nobel mükafatçısının evi muzey olacaq
17:30 28 Yanvar 2020
Azərbaycan Dövlət Akademik Musiqili Teatrı fevral repertuarı
16:50 28 Yanvar 2020
Akademik Milli Dram Teatrında yeni tamaşanın məşqlərinə başlanılıb
16:04 28 Yanvar 2020
“Mənəm, mən...” tamaşası növbəti dəfə səhnədə
15:39 28 Yanvar 2020
Mərhum yazıçının son müsahibəsi: "Azərbaycana gəlməkdə səhv elədim"
15:02 28 Yanvar 2020
Ruslan Mollayevdən qısa hekayə: Tədarük
14:33 28 Yanvar 2020
“Ulduz" jurnalının yeni sayı
13:57 28 Yanvar 2020