writer1

Sevinc Elsevər

Məqalə sayı

106
clock13:31 calendar-gray 29 Mart 2020 view-gray2080 dəfə oxunub
view-gray2080 dəfə oxunub

Spirtlə dəstəmaz almaq zamanı

Dini Komitə pandemiya ilə əlaqədar spirtli maddələrdən təmizlik üçün istifadənin caiz olduğunu açıqladı.

Bir xəbərdən

Dostum danışır, deyir, on beş yaşlı qız nəvəsi çayxanadan qayıdan babasının təsbehini spirtləməyə başlayıb. Baba nəvəsini az qala öldürəcəkmiş. Əlindən güclə qurtarıblar.

Evdəkilər də nə qədər eləyiblər babaya başa sala bilməyiblər ki, bu təsbeh əlli yerə dəyir, yaxud əlin əlli yerə dəyir, sonra bu təsbehə. Üstəlik bu təsbeh əlindən düşmür. Virus toxunubsa, hamımız sənin bu təsbehinin ucbatından yoluxacağıq. Baba başa düşmək istəməyib. Elə çığırıb ki, spirt haramdır.

Nə yaxşı, babanın evdən çölə çıxmasına qadağa qoyulub, evdəkilər də rahatlayıb, təsbeh də qorxulu deyil artıq.

“Üstümdəki yorğunluğu atıram” deyib işdən sonra hər gün yüz, iki yüz qram araq içən, həyat yoldaşı Allahın hər günü deyinən bir qohumum var. O gün deyir, virus söhbəti çıxandan arvadın əlindən canım qurtarıb. Arvad özü öz əliylə arağı gətirib stolun üstünə qoyur. Deyir, a kişi, çöldən gəlmisən, yüz vur, boğazını dezinfeksiya elə.

Bir ara apteklərdə spirt tapılmadı. Marketlərin rəflərində 96 faiz spirt qalmamışdı. Yarıbayarı su qatıb içə də bilərsən bu spirtdən, qatqısız dezinfeksiya məqsədi ilə istifadə də edə bilərsən. Qadınların marketdən araq alıb çıxmaları, torbalarının dibində evə araq aparmaları görünməmiş şey idi.

Koronavirus bir çox dəyərləri dəyişir. Nənələrim, babalarım sağ olsaydı, karonavirusu dəqiq şeytan əməli adlandırardılar. Spirtli içkiləri də şeytanın dostu bilirdilər çünki.

Təsəvvür eləyin, mövcud durumda bəzi kişilərin əllərinə girəvə düşmüşkən, bəzi insanlar da daxili narahatlıq içində, məcburiyyət qarşısında spirtlənirlər.

Daha nə qalmayıb spirtləmədiyimiz? Dini məkanları, ocaqları belə spirtlə dezinfeksiya edirik. Çöldən alıb evə gətirdiyimiz hər şeyi, çörəyin sellofanlarını belə spirtləyirik. Az qalırıq çörəyi arağa batırıb yeyək ki, virusdan qoruna bilək.

Spirt su yerinə axır bir sözlə.

Yaşamaq bir ibadətdir indi, spirtlə dəstəmaz alırıq sanki.

REKLAM

Yazarın digər yazıları

Xəbər lenti

Karantin – kütlənin tənhalığı – Aqşin Yeniseydən yeni şeirlər
15:18 26 Sentyabr 2020
Bəyin atası, nisyə kitab istəyən oxucu, həbsxanadan çıxmış gənc yazar – İmza günündən reportaj
14:57 26 Sentyabr 2020
Məşhur rejissor festivaldan qovuldu
13:21 26 Sentyabr 2020
Ağlını itirib, dəlidi payız - Qazaxda bir ömür...
11:14 26 Sentyabr 2020
Vaşinqtonda Üzeyir Hacıbəyovun anadan olması münasibətilə tədbir keçirildi
10:02 26 Sentyabr 2020
Həmidə Ömərova gürcü aktyorun nəyinə gülürdü? – Məşhur filmin gizlinləri
09:00 26 Sentyabr 2020
Aygün Fətullayeva: "İstənilən rola çəkilərəm" - Video
21:02 25 Sentyabr 2020
Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020
Seymur Baycandan yeni kitab
11:13 25 Sentyabr 2020