Xalq yazıçısı Kamal Abdullanın “Laokoon…Laokoon… yaxud bir romanın “gerçək” yazılma tarixçəsi” romanı Türkiyədə işıq üzü görüb.
Kulis.az xəbər verir ki, Bəxtiyar Aslanın türk dilinə çevirdiyi əsər yazıçının sayca beşinci romanıdır.
Müəllif məşhur “Yarımçıq əlyazma” romanının yazılma tarixçəsini özünəməxsus bədii-fəlsəfi formada təqdim edir. Roman iç-içə süjetlər və fəsillər vasitəsilə, mifoloji zamanla çağdaş zaman arasında sıçrayışlarla müşayiət edilən hadisələr şəklində qurulub.
Əsərin qəhrəmanı olan Vaqif bir roman yazmaqdadır, bütün düşüncəsi, varlığı həmin əsəri yazarkən içinə dolan “tanış və yad sonsuz lüğət”lə bağlı suallarla dolur. Vaqif öz şübhələrini sevgilisi Firəngizin gözlənilməz suallarında, məsələnin məğzinə işıq tutan baxışlarında yəqinləşdirir.
Kitabın ön sözü çoxmüəlliflidir. Ön sözdə Xalq yazıçısı Kamal Abdullanın yaradıcılığı haqqında Franko Kardini, Maks Statkiyeviç, Anastasiya Yermakova, Lüdmila Lavrova, Anar, Ramiz Rövşən, İsa Həbibbəyli, Arif Acaloğlu, Tehran Əlişanoğlu və Aqşin Yeniseyin fikirləri yer alıb.
Qeyd edək ki, “Laokoon…Laokoon… yaxud bir romanın “gerçək” yazılma tarixçəsi” 2021-ci ildə Bakıda, 2022-ci ildə isə Almaniyada nəşr olunub. “Amazon” və “Thalia” kimi böyük internet satış saytlarında oxuculara təqdim edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
