writer1

Oğuz Ayvaz

Məqalə sayı

210
clock12:23 calendar-gray 22 İyul 2019 view-gray1137 dəfə oxunub
view-gray1137 dəfə oxunub

Evli, iki uşaqlı qadını sevirdim

“Onu ilk dəfə görəndə mənim 13 yaşım var idi. Zaman keçdi. Mən çox qadınlara aşiq oldum. Bütün qadınlarla yaxın olanda onlar soruşurdular: mən onları xatırlayacağammı? Mən isə: “Hə, əlbəttə, mən sizi xatırlayacağam” - deyirdim. Lakin mənim heç vaxt unuda bilməyəcəyim qadın bu sualı məndən heç vaxt soruşmamışdı. Onun adı Malena idi.”

Yəqin ki, çoxlarınız bu monoloqu xatırladı. “Malena” filminin sonunda qəhrəmanın dediyi sözlərdir.

Yeniyetmə yaşlarımızda qadınlar daha çox maraq dairəmizdə olur. Təbii ki, futbol, dondurma da bu sıradadır. Ancaq əksəriyyətimizin xəyalında bir qadın obrazı vardı. Bir-birimizə deməyə ürək eləyə bilmədiyimiz, əsrarəngiz qadın...

Yeniyetməlikdə hamıdan sirr saxladığım bir qadın vardı. Gecələr çarpayımda uzanıb onun simasını gözümün qabağını gətirirdim. Xəyalımda o qadınla sevişir, döşlərini, dodaqlarını öpürdüm. Onunla qonşu idik. Hər səhər əlim cibimdə məhəlləmizin dar küçələrində gəzişir, qadının qaldığı mərtəbədə nəfəs dərirdim. Gözlərim yuxarı mərtəbələrdə gəzişirdi. O qadın eyvana çıxsın deyə nə qədər gözləyirdim, bir bilsəniz. Gizlicə ona tamaşa edim deyə gözümü eyvandan çəkmirdim. O mərtəbə mənə dünyanın ən gözəl yeri kimi görünürdü...

Bina ilə üzbəüz qonşulardan biri balaca bir bağ salmışdı. O bağ mənim tək şahidim idi. Qadın eyvana çıxanda utanır, həyəcanlanırdım. Ağaclıqların arasında gizlənir, xəlvətcə ona göz qoyurdum. Qadının eyvandan getməyini heç istəmirdim. Yuxarıdan ayaqlarını gün daha da işıqlandırırdı. İstəyirdim saatlarca, günlərcə ağacların arasında qalım, onu doya-doya seyr edim.

“Malena” filmindəki qadın isə II Dünya Müharibəsi fonunda tənha yaşayan qadındı. Əri müharibədən qayıtmayıb. Cəmiyyətin gözü onun üstündədir. Gözəl və dul qadın Malena kişilərin xəyalıdır. Əlçatmazdır. Onu hamı uzaqdan sevir...

Qadının paxıllığını çəkən bütün qeybətçil qadınlar Malena haqqında çirkin şayiələr yaymağa başlayırlar. Kişilər isə onun hər addımını izləyir, ardınca düşür və Malena haqqında gözəl xəyallar qururlar. Lakin Malena heç kəsə fikir vermir, müharibədə olan ərinin cəbhədən qayıtmasını gözləyir. Kişilər isə ondan əl çəkmir. Malenanı zorla əldə edirlər.

Bu hadisələri izləyən, Malenaya saf sevgiylə aşiq olan yeniyetmə Renatonun halı təsvir edilməz... Balaca dünyasına bu möhtəşəmlikdə qadını sığışdıra bilmir. Və dəhşətli ağrılar yaşayır. Heç cür o qadının içində laqeyidcəsinə gəzişməsindən qurtula bilmir...

Atası onu döyür, küçəyə çıxmağa qadağa qoyur və s. Ancaq Renato Malenadan əl çəkmir. Onu qarabaqara izləyir.

Qadınlar bir gün meydanda Malenanı amansızca döyürlər, təhqir edir, saçlarını kəsirlər. Bu görüntü cəmiyyətin nə qədər vəhşi olduğunu göstərir. Malenanın tək günahı yaşadığı qəsəbədəki bütün qadınlardan çox-çox gözəl olması idi.

Malenanı qovurlar şəhərdən. Bir neçə ildən sonra əri müharibədən qayıdır və onlar birlikdə şəhərlərinə qayıdırlar. Malena obrazına can verən Monika Belluci nəyinki İtalyanın, dünyada yaşayan kişilərin ən çox arzuladığı qadındı.

İndi təsəvvür edin ki, Malenakimi qadın bizim cəmiyyətdə yaşasaydı.... Məgər bizim qadınların da ondan zəhləsi getməzdimi? Bunun bircə adı var: qısqanclıq. Qadın ondan gözəl olan qadının hər zaman paxıllığını çəkir. Hətta bu paxıllıq bəzən nifrətlə əvəzlənir.

Qayıdaq, mənim filmimə. Yeniyetməliyimdəki o qadına. Mənim ilk sevdiyim füsunkar qadına. O, evliydi, bir uşağı da vardı. Di gəl, bu mənə əngəl olmurdu, onu sevirdim. Hər gecə o qadını arzulayırdım.

Bir gün məhəlləmizdən köçəndə xısın-xısın ağlamışdım. Kimsə görməmişdi göz yaşlarımı. Hər dəfə “Malena” filmini izləyəndə mənim də yaddaşımda eyvandakı qara saçlı qadın pərvazlanır. Onu xatırladıqca yeniyetməliyimdəki xatirələr canlanır və bir an indiki zamanı unuduram...

REKLAM

Yazarın digər yazıları

Xəbər lenti

“Ulduz”un oktyabr nömrəsi nəşr olundu
19:28 29 Oktyabr 2020
“Ayrı-seçkiliksiz gələcəyim” adlı foto-müsabiqə keçirilir
18:50 29 Oktyabr 2020
Nikol Kidman yeni seriala çəkilir
18:21 29 Oktyabr 2020
"Şeron"dan yeni cəngi - Video
17:43 29 Oktyabr 2020
Milli Dram Teatrı Silahlı Qüvvələrə Yardım Fonduna ianə edib
17:11 29 Oktyabr 2020
Bir əsgərin qeydləri: Ölümlə döyüşürəm - Yeni Şeirlər
16:30 29 Oktyabr 2020
Kann kinofestivalının rəmzi açılış mərasimi keçirildi
15:43 29 Oktyabr 2020
Xalq artistinə həsr olunan kitab çapdan çıxdı
15:00 29 Oktyabr 2020
Qızının cəsədinə sarılan atanın fəryadı
14:15 29 Oktyabr 2020
Jerar Depardye Fransa prezidentini homoseksual adlandırdı
13:36 29 Oktyabr 2020
Dünya yazıçıları Gəncə və Bərdə terroru ilə bağlı bəyanat yaydı
12:45 29 Oktyabr 2020
Türkiyədə yazı taxtasına yazdığım “Azərbaycan” sözü – Şərif Ağayar yazır...
11:40 29 Oktyabr 2020
Düşmənin başına daş salan Əbabil quşları: “Bayraktar”
11:01 29 Oktyabr 2020
Bu mahnı səslənəndə düşmən də atəşi saxlayırdı - Ən məşhur müharibə nəğmələri - Video
09:01 29 Oktyabr 2020
Anar Kərimov: "Dəyərli xalçalarımızı hərraclarda tapmışıq"
18:58 28 Oktyabr 2020
Əməkdar rəssam vəfat edib
18:23 28 Oktyabr 2020
Oljas Süleyemenov Minsk qrupunu tənqid etdi
17:45 28 Oktyabr 2020
Əfsanələr taleyimizi dəyişə bilərmi? - Təbrizdən polemik yazı
17:10 28 Oktyabr 2020
Arif Məlikov haqqında kitab çap olundu
16:25 28 Oktyabr 2020
Böyümür ölü uşaqlar - Günün şeiri
15:12 28 Oktyabr 2020