writer1

Sevda Sultanova

Məqalə sayı

860
clock10:35 calendar-gray 07 May 2019 view-gray1587 dəfə oxunub
view-gray1587 dəfə oxunub

Kinomuzun Müşfiq Hətəmov problemi yoxdur

Bir müddət əvvəl dövlət başçısı “Azərbaycan kinematoqrafiyasının inkişaf konsepsiyası”nın hazırlanması barədə sərəncam verdi və film istehsalını, gənc kinematoqrafçıların yaradıcılığını dəstəkləyəcək layihələrin həyata keçirilməsi üçün 5 milyon manat vəsait ayırdı.

Aidiyyəti qurumların təmsilçilərindən ibarət (Mədəniyyət Nazirliyi, Kinematorafçılar İttifaqı) işçi qrup bu günlərdə sərəncama uyğun konsepsiyanı hazırlayır, müzakirə edir. Və axırıncı müzakirəyə, kino siyasətindən narazı olan bir neçə rejissoru, prodüseri dəvət ediblər. Müzakirədə rejissor Çingiz Rəsulzadə səslənən təkliflərlə razılaşmayaraq sərt sözlər deyib. Nəticədə iclasdan çıxarılıb və digər narazılar da zalı tərk edib.

Məlumat facebookda tərəflərin məsələ haqda yazdıqları statuslarına əsaslanır.

Öncəliklə deyim ki, Çingiz Rəsulzadə istedadlı rejissordur, onun “Kuklalar” filmi keyfiyyətlidir, A kateqoriyalı festivalda iştirak edib və s. Yəni kino şöbəsi onun və onun kimi digər istedadlı rejissorlarla əməkdaşlığı davam etdirməli, imkanlar yaratmalıydı.

Əvəzində nə oldu? Daha çox keyfiyyətsiz filmlər çəkildi. Bu haqda Kulis.az -da çox yazmışam. “Axırıncı dayanacaq”, “Dərvişin qeydləri”, “Mən evə qayıdıram”, “Mahmud və Məryəm”, “Üçüncü günün adamı” kimi urvatsız filmlər siyahıda nə qədər desən...

Yadınıza onu da salım ki, dövlət başçısının “Azərbaycan kinosunun 2008-2018-ci illər üzrə inkişafına dair Dövlət Proqramı”nda nəzərdə tutulan bəndlərin çoxu yerinə yetirilmədi.

Misal üçün, “dünyanın aparıcı kino şirkətləri ilə müştərək filmlərin istehsalının təşkil edilməsi” bəndinə əsasən bir əhəmiyyətli müştərək film istehsal olunmadı.

Yaxud, “uşaqlar üçün müxtəlif janrlarda filmlərin istehsalı, bədii və tərbiyəvi əhəmiyyətli filmlərin nümayişinin genişləndirilməsi” bəndi... On ildə uşaqlar üçün yalnız bir film çəkildi: “Dərs”.

Nazirliyin müstəqil prodüser şirkətləri ilə əməkdaşlığı demək olar ki, sıfıra endi. Halbuki dövlət proqramındakı bənddə qeyd olunurdu:

- sahə üzrə özəl sektorun, o cümlədən kino istehsalı müəssisələrinin, prodüser mərkəzlərinin, kinoteatrların və kinoprokat şirkətlərinin işləmə mexanizminin qurulmasına şərait yaradılması əsas vəzifələrdir.

Yeganə analitik kinojurnal “Fokus”un nəşri 2013-cü ildə vəsait tapılmadığına görə dayandırıldı. Proqramda isə bununla bağlı ayrıca bənd yer alıb:

“Kinematoqrafiyanın mühüm sahəsi olan kino tənqidinin inkişaf etdirilməsi”.

Bu səbəblərdən kino sahəsinə məsul olan məmurlardan problemlərlə bağlı konseptual həll gözləmirəm. Bir qisim xəyalpərəst rejissor və prodüserdən fərqli olaraq...

Ayrıca, narazı tərəfin tənqid hədəfində əsasən və niyəsə “Azərbaycanfilm” kinostudiyasının direktoru Müşfiq Hətəmovdur. Təsəvvür yaranır ki, M.Hətəmov nağıllarda olduğu kimi suyun qarşısını kəsən əjdahadır və o gedəndən sonra kinomuz inkişaf edəcək.

M.Hətəmovun sərt tənqidçilərindən biri mən olmuşam, onun prodüseri olduğu filmləri, fəaliyyətini tənqid edən yazılar yazmışam. Amma kinomuzun Müşfiq Hətəmov (yəni fərd – S.S.) adlı problemi yoxdur. Çünki ümumən mövcud kino sisteminin özü qüsurludur.

O ki qaldı, narazıların jurnalistləri, saytları baş vermiş hadisə, ümumiyyətlə məsələ ilə bağlı susqunluqda qınağına, konkret kino yazarlarından söhbət gedirsə, mən də daxil olmaqla, kino tənqidçiləri Aygün Aslanlı, Aliyə kino siyasəti ilə bağlı sərt tənqidlər yazanda, narazı kinematoqrafçıların bir qismi, indi tənqid atəşinə tutduqları məmurlarla rahatca əməkdaşlıq edirdilər...

REKLAM

Yazarın digər yazıları

Xəbər lenti

Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021