news-inner
clock10:12 calendar-gray 20 Aprel 2019 view-gray307 dəfə oxunub
view-gray307 dəfə oxunub

Raquf Orucova həsr olunmuş romanın təqdimatı keçirildi

Aprelin 19-da Bakı Kitab Mərkəzində “Zəfər” Şəhid Ailələrinə Dəstək İctimai Birliyinin təşkilati dəstəyi ilə yazıçı Şərif Ağayarın “Komandir” romanının təqdimatı olub.

Kitab əfsanəvi kəşfiyyatçı, Aprel döyüşlərinin şəhidi, polkovnik-leytenant Raquf Orucova həsr edilib.

Əvvəlcə Raquf Orucovun hərbi fəaliyyətini, Murov istiqamətində xidmət etdiyi uğurlu kəşfiyyat əməliyyatlarını əks etdirən və Vətən uğrunda şəhid olan qəhrəmanlarımızın xatirəsinə həsr olunmuş videoçarxlar nümayiş olunub.

Sonra çıxış edən Milli Məclisin deputatları Aqil Abbas və Fazil Mustafa Aprel döyüşlərinin Azərbaycan Ordusunun öz torpağını düşmən tapdağı altında qoymayacağını sübut etdiyini bildirib, Raquf Orucov kimi oğullarımızın qəhrəmanlığının bu inam hissini daha da gücləndirdiyini qeyd ediblər.

Milli Məclisin deputatı, akademik Gövhər Baxşəliyeva Vətəni canından artıq sevən qəhrəmanın xatirəsinin hər cür hörmət və ehtirama layiq olduğunu bildirib, ibrətamiz ömür yolunu gənc nəsil üçün əsl örnək hesab etdiyini söyləyib.

Milli Məclisin deputatı Qənirə Paşayeva, kitabın redaktoru İlham Tumas və başqaları Raquf Orucovun keçdiyi şərəfli döyüş yolundan, göstərdiyi qəhrəmanlıqdan söhbət açıb, ibrətamiz ömür yolunun gənc nəsil üçün əsl örnək olduğunu söyləyiblər.

Kitabın müəllifi Şərif Ağayarın tədbirin iştirakçıları və təşkilatçılarına təşəkkürünü bildirərək Raquf Orucovun şərəfli döyüş yolundan bəhs edən nəşrin ərsəyə gəlməsindən danışıb: “Romanda bəhs olunan mövzular Azərbaycan oxucusu üçün tanış olsa da, “Komandir” əsəri ədəbi mühit üçün tamamilə yeni üslubda qələmə alınıb. Romanda Raquf Orucovu bir çox oxşar kitabların qəhrəmanı kimi pafosla təqdim etməmişəm. Heç təxəyyülü işə salmağa da ehtiyac olmayıb, çünki kəşfiyyat komandirinin həyatı çox zəngindir. O, öz ömür yolu və döyüş qəhrəmanlığı ilə peşəkar, ləyaqətli və yenilməz Azərbaycan zabitinin canlı obrazını yaşayıb”.

Qeyd edilib ki, roman dörd hissədən ibarətdir. Birinci hissədə polkovnik-leytenant Raquf Orucovun uşaqlığı, gəncliyi və Ağdamda iştirak etdiyi döyüşlər əks olunub. İkinci və üçüncü hissə onun kəşfiyyatçı kimi Murovdakı fəaliyyətindən, dördüncü hissə isə qəhrəmanın həyatının digər dövrləri və onun əbədiyyətə qovuşduğu Talışdağ uğrundakı döyüşlər haqqındadır. Ömrünün 25 ilini torpaqlarımızın bütövlüyü uğrunda döyüşlərə sərf edən, “Murov qartalı” adını qazanan Raquf Orucovun həyatı və fəaliyyəti “Komandir” romanında real faktlar əsasında qələmə alınıb.

Mərasimin sonunda şəhid komandirin həyat yoldaşı Sevinc Orucova tədbirin təşkilatçılarına və iştirakçılara ailə üzvləri adından təşəkkürünü bildirib. /azertag.az/

news-inner-user
Kulis.az

11534 məqalə

Paylaş

Oxşar xəbərlər

Xəbər lenti

Gənc gürcü yazıçısı nüfuzlu ədəbiyyat mükafatı qazanıb
13:02 27 May 2019
“Sabir poeziya günləri” keçiriləcək
12:20 27 May 2019
Psixikası yerində deyil, getsin evlənsin - Rəşad Məciddən gənc şairə cavab
11:51 27 May 2019
Bu tip çağırışlar doğru deyil – Qələm adamları son təltiflərdən danışdılar
11:31 27 May 2019
Ədəbi düşüncələr – İlham Qəhrəman yazır...
10:47 27 May 2019
Məşhur türk aktyoru vəfat etdi
10:15 27 May 2019
“Cavad xan” filmi Varşavada nümayiş olunacaq
09:52 27 May 2019
Millət vəkili: “Həbsxanada kitab tapmayanda Çingiz Abdullayevi oxuyurdum” – Müsahibə
09:00 27 May 2019
Kamal Abdullanın ən məşhur şeiri
12:03 26 May 2019
Kann kinofestivalının qalibləri bəlli oldu
11:01 26 May 2019
Xalq yazıçısı Elçin: “O xəbəri atamdan ölənəcən gizlədim” – MÜSAHİBƏ
09:30 26 May 2019
Ailəsinin boşanmağına səbəb olan qız – Hekayə
17:02 25 May 2019
Akif Əlinin “Yaradan” adlı yeni kitabı çıxıb
16:33 25 May 2019
Cavan Zeynallı: "Yıxılacam bu dəqiqə..."
15:48 25 May 2019
Cavan Zeynallı və İlqar Muradova Xalq artisti adı verilib
15:16 25 May 2019
Musa Yaqubun oğlu: “Atam xəbəri eşidib kövrəldi”
14:43 25 May 2019
Kamal Abdulla və Afaq Məsuda Xalq yazıçısı adı verilib
14:23 25 May 2019
Bir qrup mədəniyyət xadimi “Tərəqqi” medalı ilə təltif edilib – Siyahı
14:10 25 May 2019
Ramiz Rövşən, Musa Yaqub Xalq Şairi oldu – Fəxri Adlar - Siyahı
13:55 25 May 2019
Yer kürəsi itirəcək materiklərini... – Borxesdən Şeirlər
13:22 25 May 2019