news-inner
clock08:57 calendar-gray 18 Aprel 2019 view-gray660 dəfə oxunub
view-gray660 dəfə oxunub

“Oğlan evi”nin bəsit, çeynənmiş zarafatları

“Yeni filmlərimiz” layihəsində İlham Qasımovun “Oğlan evi 2” tammetrajlı bədii filmini təqdim edirik.

Süjet: Əhvalatın əsas qəhrəmanları Cənubi Azərbaycandan olan Pərvaz (Elcan Rəsulov) və Yavər (Nicat Rəhimov) Bakıda toy məclislərinin təşkili ilə məşğuldurlar. Ancaq onların özlərinəməxsus modern, kreativ ideyaları müştərilərin xoşuna gəlmir. Ofisin yanından keçən müştərilərdən biri şirkətin reklam lövhəsində əks olunan maşını kirayələmək istəyir. Dostlar müştərini itirməmək üçün Pərvazın atasından yadigar qalan bahalı maşını, kirayə vermək üçün İrandan Bakıya gətirməyi qərara alırlar. Amma maşın yolda oğurlanır. Müflis olacaqları təhlükəsilə üzləşən qəhrəmanlar maşını geri qaytarmaq üçün polisə üz tuturlar. Polis rəisi (Qurban İsmayılov) maşın oğrularını ələ keçirməkdən ötrü plan qurur. Plan əsasında dostlar maşın bazarına gedir və avtomobil fırıldaqçıları ilə üz-üzə gəlirlər...

“Kintamani film”in istehsal etidyi “Oğlan evi 2”-nin birinci hissəsi “Oğlan evi və ya Azərbaycansayağı qarət” 2015-ci ilə nümayiş olunub. Birinci hissənin də rejissorluğu İlham Qasımova məxsusdur.

Qeyd edim ki, “Oğlan evi və ya Azərbaycansayağı qarət” ikinci hissə ilə müqayisədə həm dramaturji, həm süjet, hədəf götürdüyü problemlər sarıdan əhəmiyyətli idi. Adı çəkilən filmdə günümüzdə aktual olan mövzu əks olunmuşdu: iş adamının aşağı təbəqəni təmsil edən bir neçə nəfərə eyni evi satması. Amma məsələ təkcə bu mövzuda deyildi. Əhvalat sosial-ictimai qatda işlənmişdi, təbəqələr arasındakı ziddiyyətlər əks olunmuşdu, üstəlik, estetik, bədii həll baxımdan da maraqlı nöqtələr vardı, süjetə publisistik, səthi yanaşma yoxuydu.

“Oğlan evi 2” komediyasının isə birinci hissə ilə müqayisədə bədii estetik keyfiyyəti aşağıdır. Və müraciət olunan mövzu lokaldır (ssenaristlər İlham Qasımov, Məmmədəli Məmmədov, Tural Sevdimalıdır). Filmə baxanda düşünmək olar ki, cəmiyyətin çeşidli problemləri içərisində avtomobil oğurluğu, polisin ona qarşı mübarizəsi ölkədə öndə gedən məsələlərdən biridir. Təklif edirəm: ümumiyyətlə, bizim ssenaristlər gerçəkliyi dərindən öyrənsinlər ki, mətnlərində həyata toxuna bilsinlər. Yəni çəkilən filmin süjeti təkcə güldürmək üçün yox, həm də gerçəkliyin tələbi olmalıdır.

Bundan başqa komediya filmlərimizin heç cürə qurtula bilmədiyi bir mərəz var. Gərəksiz söz janqlyorluğunu nəzərdə tuturam. Əksər hallarda komik effekti təsvirə, situasiyaya yox, məzmunsuz söz oyunu hesabına almağa cəhd edilir. “Oğlan evi 2”də ümumən bu mərəzdən xilas ola bilməyib.

Məsələnin başqa tərəfi odur ki, Azərbaycan dilində müəyyən qrupların abırsızlıq müstəvisində yerləşdirdiyi sözlər var. Ki, onu alt mənayla yükləyiblər (ilk epizodda “fırlatmaq”, “quş” kimi sözlər) və az qala qeyri-normativ leksikon kimi topluma sırınır. Ümumən, “Oğlan evi 2”də bundan geniş istifadə olunmasa da, kommersiya məqsədilə çəkilən demək olar ki, bütün komediyalarda buna sıx-sıx aksent edilməsi zərərli tendensiyadır. Və bu da ssenaristlərin dili yaxşı bilməməsinin, həyata baxış bucağının, istedadının məhdudluğundan qaynaqlanır. Amma ədalət naminə onu da qeyd edim ki, İlham Qasımov qurşaqdan aşağı zarafatlardan istifadə etməyən rejissordur.

Image result for oğlan evi 2

Nəql texnikası dünya kinosunda işlənmiş klişelərə əsasən qurulub. Misalçün, Hüseyn Əzizoğlunun oynadığı obraz hadisələrin gedişatında yaddaşını itirir, polisin qurduğu planın əksinə gedir, amma son anda vəziyyəti xilas edir. Personajların nəzarətdən çıxaraq situasiyanı ekstremallaşdırması, final epizodunda isə vəziyyəti xilas etməsi son dərəcə bəsit, çeynənmiş peripetiyadır.

Yalnız ayrı-ayrı epizodlar - maşın bazarında insan portretləri, qəhrəmanların İrandan gələn, burnu plastik əməliyyat olunmuş qadınlarla dolu avtobusu qaçırması səhnələri maraqlı işlənmişdi.

Filmi baxımlı edən daha çox aktyor ifasıdır: Elcan Rəsulov, Nicat Rəhimov, Oqtay Mehdiyev, Qurban İsmayılov.

Kommersiya komediyalarımız həm nəql texnikası, həm dil baxımından öz koloritini, yolunu tapmalıdır nəhayət. Tamaşaçı kütləsinə hesablanmış, yüngül komediyadan danışırqısa, ən azı “Bəyin oğrlanması”, “Yol əhvalatı”, “Kişi sözü” kimi keyfiyyətli örnəklərimiz var.

news-inner-user
Sevda Sultanova

711 məqalə

Paylaş

Oxşar xəbərlər

Xəbər lenti

“İtalyan baharı” kinofestivalı keçiriləcək
17:01 20 İyul 2019
Bryus Li niyə lənətləndi?
16:20 20 İyul 2019
Pyer Rişar Yessentuki kinofestivalının fəxri qonağı olacaq
15:22 20 İyul 2019
Beynəlxalq Animasiya Festivalının münsiflər heyəti məlum olub
14:30 20 İyul 2019
Sumqayıt Dövlət Dram Teatrı 50-ci mövsümünü başa vurub
13:46 20 İyul 2019
"Tərlan Əbilov 90-cı illərin şairidir" - Orxan Saffari yazır
12:25 20 İyul 2019
Xalq yazıçısı Elçin təqdim edir: Yuxu ölümü kimi gerçəklik var havada
11:40 20 İyul 2019
Tanınmış gürcü yazıçısı Afaq Məsudun romanından yazdı
10:00 20 İyul 2019
İsrail əsgərinə vurulan livanlı qız, tabut daşıyan iraqlı... - Əsl Kino
08:58 20 İyul 2019
Cəfər əmimin yolları - Şərif Ağayarın hekayəsi
21:00 19 İyul 2019
Bred Pitin yeni filminin treyleri yayımlandı - Video
18:30 19 İyul 2019
Puşkinin can verdiyi divan... – Şairin Ev-muzeyindən Reportaj
17:57 19 İyul 2019
Sosial şəbəkələr depressiyaya səbəb olurmuş
17:11 19 İyul 2019
Kamal Abdulla medalla təltif edilib
16:37 19 İyul 2019
Sən gecələr yat, ay Qurban... - Məhəmməd Tanhudan Yeni Şeirlər
15:31 19 İyul 2019
Çexovun həyatı film olacaq
14:33 19 İyul 2019
Tərcüməçi-yazıçı Məmməd Məmmədlinin kitabı çap olunub.
14:01 19 İyul 2019
Yalçın Rzazadə Türkiyədə əməliyyat olunub
13:21 19 İyul 2019
Kəramət lağ elədiyi aşıqlardan da mənasızdır
12:37 19 İyul 2019
Azərbaycan filmləri Sarayevo festivalında
12:01 19 İyul 2019