Səndən başqa heç haram ağrımır

Səndən başqa heç haram ağrımır
12 aprel 2019
# 16:38

Bayram Mustafazadə

Arzularımla nişanlandım,

Amma başqasına ərə getdi...

***

Soyuqdəymə kimisən,

Canımdan çıxmırsan...

***

Hər gecə kədərə bürünüb yatıram,

Başqa heç kimim yoxmuş kimi...

***

Səni rəqəmlərdə

axtaracaq qədər sevirəm...

***

Səndən başqa heç haram ağrımır.

***

Şeirə çevrilməyən misralar kimisən...

***

Yaz gecəsi...

Hava buludlu və kədərsiz.

Elektrik naqilinin üstündə

gözləyən göyərçində

Bir qadın kimi düşərsiz yadıma...

***

Çox mənzilli evlərdə tək mənzilli insanlar...

***

Böyük maşınlarda kiçik insanlar...

***

Başqalarının yaşlarında qocalırıq...

***

Bu gün bir hissimdə sənin uğrunda

şəhid oldu.

Məkanı cənnət olsun...

***

Dağınıq fikirlərimin bir qadın

səliqəsinə ehtiyacı var, Bakı...

***

Gecələr səni görmək üçün

yumular gözlərim,

Səhərlər səni görmək üçün açılar...

# 1197 dəfə oxunub

Oxşar xəbərlər

# # #