writer1

İlqar Rəsul

Məqalə sayı

110
clock11:03 calendar-gray 11 Aprel 2019 view-gray2114 dəfə oxunub
view-gray2114 dəfə oxunub

Məktəbin məzara atdığı Elina

Elina ilə bağlı məktəb, səhiyyə, din öz sözünü deyib. Yəni məktəb, xəstəxana, məscid. Növbə dövlətindi. Yəni prokurorluq, məhkəmə və məhbəsin.

AR CM Maddə 125.: Özünü öldürmə həddinə çatdırma

Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma — üç ildən yeddi ilədək müddətə azadlıqdan məhrum etmə ilə cəzalandırılır.

Bəlkə də Elina böyüyüb yaxşı həkim, ya da elə yaxşı müəllim olacaqdı. Dövləti təmsil edən həkimlər və müəllimlər onu öldürməsəydilər. Məktəbin xəstəxanaya, xəstəxananın da məzara atdığı Elina...

Allah tez -tez insanlara özünün varlığını sübut etməyə borclu deyil. Çünki inanclılar Onu qəlblərinin gözü ilə hər an görə bilirlər. Amma dövlət, ürəklə-könüllə dərk edilən məsələ deyil. Dövlət hər addımda öz vətəndaşına varlığını sübut etəmkdə və "mən sənin arxandayam" mesajı verməkdə borcludur.

Əgər bu ölkədə doğrudan da islahatlar gedirsə, indi vətəndaşın o islahatlara inamının taleyi həm də bu qızcığazın ölümü ilə bağlı günahkarların cəzalandırılmasından asılıdır ("Müəllimlər”in və "həkimlər”in).

Şəxsən mən inanmaq istəyirəm ki, bu məsələ obyektiv həllini tapacaq, günahkarlar cəzalanacaqlar.

Ən azı ona görə ki, nə bu qızcığaz erməni dəyirmanına su tökürdü, nə də o direktor (eləcə də Elinanı incitdiyi iddia olunan oğlan - 11-ci sinif şagirdi) və o həkimlər keçmiş milli təhlükəsizlik naziridilər...

Yəni məzara gedən gedib, qalıb həbsxanaya getməli olanlar.

Əks halda belə hadisələr yenə olacaq, necə ki, əvvəllər olub:

Xəstəxanaya jurnalist düşdü, həkimlər dedi yoxlamışıq, heç nəyi yoxdu. 2 gündən sonra jurnalist öldü. Həkimlər bir-birinin üstünə atdılar günahı. Məlum oldu ki, adam xəstəxanaya qəbul ediləndə müayinə olunmaybmış.

İndi də eyni hadisə məktəbli ilə baş verdi.

Birinci hadisədə həkimlər cəzalansaydı, ikinci hadisə olmazdı. Həkimlər heç olmasa, tutulmaqdan qorxub məsuliyyətli olardılar. Ölməzdi o uşaq. Halbuki bu ikinci hadisə də deyil.

Dövlətin həbsxanasında narkoman da, rüşvətxor məmur da, jurnalist də olar əlbəttə. Amma həkim də, müəllim də olar. Burda ayıb bir şey yoxdur.

Yəni, məktəblisi özünü pəncərədən atan cəmiyyətin müəlliminin, həkiminin həbsxanaya atılmaması ayıb olmalıdır.

P.S. Google də "Elina" yazdım. Xeyli gözəl xanım şəkli çıxdı. Heç biri də məktəbli deyildi. Hamısı böyük idi yəni. Bircə 162 saylı məktəbin sevib bağrına basaraq öz şagirdinə çevirə bilmədiyi və pəncərəsindən atıb böyüməsinə imkan vermədiyi Elinadan başqa...

Mənbə:https://www.facebook.com/ilqar.rasul

REKLAM

Yazarın digər yazıları

Xəbər lenti

Türkiyəli şair vəfat etdi
18:30 12 Avqust 2020
Məhəllə futbolu - Hekayə
17:58 12 Avqust 2020
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
17:04 12 Avqust 2020
Məşhur "20th Century Fox" fəaliyyətini sona çatdırır
16:14 12 Avqust 2020
İtaliyada vəfat edən müğənnimizin nəşi vətənə gətiriləcək? - Açıqlama
15:30 12 Avqust 2020
Səfər Alışarlının "İşıq" hekayəsi
14:42 12 Avqust 2020
Kinematoqrafiya şöbəsinə yeni müdir təyin olundu
13:53 12 Avqust 2020
Manaf Ağayevin döydüyü model sevgili – “Ay canı yanmış” rəzaləti
13:49 12 Avqust 2020
Nazir Afaq Bəşirqızının gəlininə vəzifə verdi
13:12 12 Avqust 2020
Özündən 45 yaş kiçik şagirdini hamilə qoyan müəllim
12:53 12 Avqust 2020
Azərbaycanlı yazarın kitabı Türkiyədə nəşr olundu
12:09 12 Avqust 2020
Mədəniyyət Nazirliyinin mətbuat katibi işindən ayrıldığını açıqladı
11:23 12 Avqust 2020
Əfsanəvi müğənninin gitarası rekord qiymətə satıldı
11:10 12 Avqust 2020
Namazı ana dilimizdə qılsaq, daha səmimi olarıq
10:31 12 Avqust 2020
Azərbaycan Kinematoqrafçılar İttifaqı ssenari müsabiqəsi elan edir
09:57 12 Avqust 2020
Yollar bağışlamır gecikənləri - Könül Arifin şeirləri
09:00 12 Avqust 2020
Türkiyəni Avroviziyada təmsil edən qrupun solisti vəfat etdi
19:07 11 Avqust 2020
Azərbaycanda doğulmuş yəhudi rəssamın sərgisi olacaq
18:46 11 Avqust 2020
Tarantino filmdən imtina etdi
18:15 11 Avqust 2020
Nəşriyyat yeni müsabiqə elan etdi - Şərtlər
17:39 11 Avqust 2020