writer1

Ayxan Ayvaz

Məqalə sayı

487
clock17:02 calendar-gray 17 İyul 2018 view-gray599 dəfə oxunub
view-gray599 dəfə oxunub

Qızlar tualetində sevgilisini gözləyən şair

Ayxan Ayvaz

Ona “Şüvən” deyirdik. Bizim sinfə 11-ci sinifdə gəlmişdi. Çox darıxdırıcı, maraqsız uşaq idi. Hərdən də səsinin qalın yerinə salıb danışırdı.

Bir gün şeir yazdığını dedi mənə. Maraqlandım. Mənasız bir şeirini oxudu. Xeyli doladım onu. O da incidi, dedi, sən hardan bilirsən şeir nədi. Hələ ki Sovet şairlərinin təsirində idi və şeirləri də o intonasiyada baş aparırdı.

Biz onunla Gənc Ədiblər Məktəbinə getdik. Onda bizim “Şüvən”in gözləri açıldı, ədəbiyyatı daha yaxından hiss elədi. Maraqlı şeirlər də yazdı. Orxan Zaman imzasıyla...

Universitet illərində də mütəmadi şeirlər yazır, hər axşam mənə zəng eləyib oxuyurdu. Çox həvəsliydi. Elə bilirdi ki, bu şeirlər onu dünyaya çıxaracaq.

Qız sevdi. Özü də şair kimi sevdi. Dəlicəsinə. Tələbə dostları mənə demişdi ki, bir dəfə qızı tualetin ağzında gözləyirmiş. Qızlar tualetində. Hamı ona dəli kimi baxırmış. Sevdiyi qız çıxanda onu görüb, şok keçirib. Deyib, sən nə axmaq adamsan, nə gəzirsən burda. Orxan da qayıdıb ki, səni gözləyirdim.

Başqa bir əhvalat: qızın məhəlləsinin qabağında gözləyirmiş. Görüb ki, qız atasının maşınına mindi. Elə bilib ki, o qız bir daha qayıtmayacaq. Maşının arxasınca yüyürüb. Çata bilməyib. Qız sən demə bunu görübmüş. Mesaj gəlib ondan: “Diş həkiminə gedirik. Nə olub sənə? Hara qaçırsan? Dəli olmusan?”

Orxanın sevgisi bu cür ironik və anlaşılmaz idi. O, mənə bəzən Kafkanı xatırladır. Kafka kimi sığortada, istəmədiyi yerdə işləyib. Atasının təkidi ilə. Və həyatının hər yerində atasının ağır əllərini hiss eləyib. Tale kimi endirib əllərini oğlunun çiyninə. Orxan bu ağır əlləri çiynində daşımaqdan çox yorulub. İnsanlara, həyata baxışı dəyişib. Getdikcə təkliyə çəkilib. Əsgərlikdən sonra şeir yazmağın daşını atıb. Onun şeir yazmaq xoşbəxtliyini atası əlindən alırmış. Deyirmiş, şairlik boş şeydi, yazıb nə edəcəksən. Amma atası bilmir ki, Orxan bircə yazanda xoşbəxt olur.

Sevgisi də alınmayıb, işi də, üstəlik kredit borcları da bir yandan. Həyatındakı adamlar bir-bir onun sahilindən uzaqlaşıb. Tənha qalıb Orxan.

İndi Füzulidə aktyorluq edir. Roldan-rola girir. Amma o, öz şair rolunu oynamaq istəyir. Kitablar oxuyur, filmə baxır, öz yaratdığı dünyanın içində darıxır, darıxır... Tək təsəllisi ədəbiyyatdı. Yeganə sığınacağı yer.

Orxan Zaman idi əvvəl, sonra həyat ona “Zaman”ı atdırdı. Əlibəyov gəldi Orxanın yanına. Babası Cəmil Əlibəyovu yəqin ki, tanıyırsınız. Sovet vaxtının məşhur yazıçılarından. Orxan babasının soyadı ilə tanınmaq istədi. Babası da ona ürək-dirək vermişdi, şeirlərinə baxıb qürrələnmişdi. Qohum-əqrəba içində yeganə onu anlayan babası olmuşdu. O da ki öləndən sonra Orxan təzədən tək qaldı. Həm özü, həm də imzası.

Sonra düşündü ki, adının əvvəlinə “Sonuncu” qoysun. Bu dünyada çox Orxanlar olub, o da olsun sonuncu. Və bu imzayla yazmağa başladı. Təzədən dünyaya gəldi.

Orxan Zaman, Orxan Əlibəyov, Sonuncu Orxan. Orxan üç ömür yaşayıb deyə bilərik. Və bu üç Orxan tanınmadı. Bunda bir az özünün, bir az zamanın, bir az da ailəsinin, yaşadıqlarının təsiri var.

Mən inanıram ki, Orxan ədəbiyyatdan bərk-bərk yapışsa, onu həyatının vazkeçilməz parçasına çevirsə, xoşbəxt olacaq. Bütün yaşadıqlarına yazı kimi baxa bilsə, onları yazıya çevirə bilsə... O zaman həqiqətən XOŞBƏXT olacaq.

Yeganə xilas ədəbiyyatdı...

REKLAM

Yazarın digər yazıları

Xəbər lenti

Tanınmış ssenarist vəfat etdi
10:30 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021
Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021