writer1

Aliyə

Məqalə sayı

999
clock12:24 calendar-gray 30 Mart 2018 view-gray414 dəfə oxunub
view-gray414 dəfə oxunub

Vatsapda külək təlaşı və ya KİV-ə niyə inanmırıq?

Dünən təhlükəli küləklə bağlı Vatsapda səs yazıları yayılmağa başladı.

TV-lərin, ümumiyyətlə KİV-in günlük hava durumu ilə bağlı xəbərləri ola-ola Vatsap xəbəri yeni nə deyir?

Vatsap xəbərində əlavə olaraq həyəcan və binaların altından keçməmək, avtomobilləri ağacların altında saxlamamaq, uşaqları tək buraxmamaq kimi məsləhətlər var idi.

Bilənlər bilir ki, Vatsap xəbərləri iki cür olur: tematik və cari. Tematik xəbərlərdən çoxunuz almısınız. Bunlar adətən hansısa naxışlarda İmam Əlinin adının yazılması haqda xəbərdarlıq və ya ailənə xətər toxunmasın deyə verilən duanı yeddi adama göndərmək xahişi kimi mövzulardan ibarət olur.

Cari xəbərlər isə ortaya çıxan ciddi problem, təhlükə ilə bağlı olur. TV-lərdən, ənənəvi mediadan xəbər çıxmadıqca, sosial media aktivləşir, ənənəvi media ləngidikcə, sosial media operativləşir və camaatı məlumatlandırmaq kimi bir funksiyanı öz üzərinə götürür.

Məsələn, bina yananda, içməli sudakı təhlükə məsələsi ortaya çıxanda, kiminsə uşağı dərmandan zəhərlənəndə, qəfil külək qopanda sosial şəbəkələrdə xəbərdarlıqlar dolaşır.

Vatsap xəbərlərinin şayiə olmaq ehtimalı var. Amma bu qədər paylaşılırsa, deməli ona inam da var və o, inam məsələsində, operativlik məsələsində ənənəvi medianı üstələyə də bilir.

Cəfəngiyat məsələsində isə “Allah” qışqıran şir”, “Üçayaqlı buzov”, “Yanmayan Qurani-Kərim” kimi “möcüzələr” təqdim edən ənənəvi media və TV Vatsapla eyni səviyyədədir.

Halbuki, maarifçi funksiyası olan peşəkar TV heç vaxt adi genetik pozğunluq olan üçayaqlı buzovu, ağappaq dəsmala bükülüb etibarlı yerə qoyulmuş, qatı açılmadığı üçün yanan evdən salamat çıxan müqəddəs kitabın yanmamasını allah möcüzəsi kimi təqdim etməz.

Deməli, “bəs adamların Vatsap xəbərlərinə niyə inanmalıyıq?” sualını “Niyə inanmamalıyıq?” kimi verə bilərik. TV bu qədər yayılan, adamları narahat edən mövzuları işləmir, müvafiq qurumlardan açıqlama almır, bu mövzuyla bağlı hansısa dəyirmi masalar etmir. Mətbuata açıqlama verən qurumlar isə bəzən olduqca absurd, qeyri-müəyyən, hətta şəxsi mövqeyinə uyğun edən cavablar verir.

Lakin dünən müsbət bir hal oldu. Vatsapda güclü və təhlükəli küləklə bağlı xəbərdarlıqların valideynləri narahat etdiyi, təşvişə saldığı vaxt Təhsil Nazirliyi məlumat yaydı. Bu müvafiq qurumun vəzifə borcudur. Amma həm də “Sizin narahatlığınız bizi narahat edir” deməkdir.

Qapalı sovet ölkəsində yaşamış və bu ölkədən ictimai qurumlara, TV-yə şübhələr qazanaraq qopmuş, bu günün yeni texnologiya və informasiya cəmiyyətində yaşayan insanın yalnız bir şeyə ehtiyacı var: ciddiyə aldıqlarından əmin olmaq!

Bu işi operativ, etibarlı, sensasiya güdməyən KİV sosial media ilə birlikdə həyata keçirməlidir.

REKLAM

Yazarın digər yazıları

Xəbər lenti

“Ulduz” jurnalının yeni nömrəsi işıq üzü görüb
19:20 26 Yanvar 2021
Nizami ilə bağlı müsabiqə elan olundu - Şərtlər
18:42 26 Yanvar 2021
Dəlisov yellərə məndən salam de - Natiq Əlisoyun şeirləri
17:29 26 Yanvar 2021
O, çayxana filosofudur - Nabokovdan Sartr haqqında sərt sözlər
16:44 26 Yanvar 2021
Harri Potter serial olur
16:08 26 Yanvar 2021
Miri Yusif "Yaşat" fondu üçün konsert verəcək
15:29 26 Yanvar 2021
Zeynəb Xanlarova ilə oxumaqdan imtina etdi, yoldaşı ilə 55 il nikahsız yaşadı, qızının dəfninə getmədi – Xalq artistindən maraqlı faktlar
14:50 26 Yanvar 2021
Fellininin prodüseri vəfat etdi
14:02 26 Yanvar 2021
Akif İslamzadənin albomu yeni onlayn platformada - Foto
13:20 26 Yanvar 2021
Nazirliyin yeni komandası film çəkilişlərinə qarışacaqmı? – Gənc rejissor yazır
12:40 26 Yanvar 2021
Müharibədə iştirak edən ilk qadın müğənni: O, ilk konsertindən cəmi bircə manat qazanmışdı – Aygün haqda bilmədiklərimiz
12:01 26 Yanvar 2021
İsa Hüseynovun hekayəsi "Dünya novellası antalogiyası"nda
11:35 26 Yanvar 2021
Rasim Balayev: “Çəkildiyim filmlərə baxanda pis oluram”
10:26 26 Yanvar 2021
Aygün 50 yaşını yeni kliplə qeyd etdi - Video
10:00 26 Yanvar 2021
İncəsənət Muzeyinin direktoru "Qızıl ulduz" medalı ilə təltif edildi
09:30 26 Yanvar 2021
Ölən uşaqlar Kürün quru yatağında ora-bura qaçırdılar – İlham Əzizdən yeni hekayə
09:00 26 Yanvar 2021
Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021