news-inner
clock09:10 calendar-gray 17 Mart 2018 view-gray383 dəfə oxunub
view-gray383 dəfə oxunub

Bu film Kamyunun hekayəsi əsasında çəkilib

Kulis.az “Əsl kino” layihəsində David Elhoffenin “Adamlardan uzaqda” (2014) və Sofiya Koppolanın “Başdan çıxaran” (2017) filmlərini təqdim edir.

Fransa istehsalı olan, Alber Kamyunun “Qonaq” hekayəsinin motivləri əsasında çəkilən film 71-ci Venesiya kinofestivalında “Qızıl şir” mükafatına nominant olub.

Süjet: Hadisələr 1950-ci illərdə Əlcəzairdə cərəyan edir. İkinci Dünya Müharibəsinin veteranı Daru (Viqqo Mortenson) ölkənin uzaq kəndlərindən birində müəllimlik edir. O, Əlcəzairdə doğulan fransızdır, uşaqlara sevgiylə yazıb-oxumağı öyrənir.

Günlərin birində onun sakit həyat ritmi pozulur. Jandarm Balduççi (Vensan Marten) Məhəmməd (Reda Kateb) adlı bir ərəbi ona təhvil verərək Тіnquitada yerləşən polis şöbəsinə aparması haqda əmr olduğunu deyir.

Məhəmməd buğdasını oğurlamaq istəyən yaxın qohumunu öldürüb və qətl üzündən artıq qohumlar arasında qan davası düşüb. Bu qan davasının bitməsi üçün Məhəmməd polisə təslim olmaq istəyir.

Daru isə kənddən bir neçə günlük məsafədə yerləşən Тіnquitaya onu aparmaq istəmir. Amma öldürülənin qardaşları ertəsi gün Darunun evinə gələrək Məhəmmədi qətlə yetirmək istəyəndə o, qərarını dəyişir. Beləcə müəllim və qatil uzun bir yola çıxırlar...

“Adamlardan uzaqda” dramı yol filmidir. Müəllif çox planlı bir süjet qurur: Əlcəzairdəki ictimai-siyasi durum, ölkədə hökmranlıq edən fransızların yerli əhaliyə münasibəti, azadlıq mücadiləsi uğrunda mübarizə, bu mübarizədə dostuna belə aman tanımayan üsyankarlar, əhalinin məişəti, fərqli dünyagörüşləri, baxışlar vəəlbəttə ki, insana sevgi...

Yolboyu personajlar müxtəlif sınaqlardan keçərək doğmalaşırlar. Epizodik xarakterli döyüş səhnələri əhvalata hərəkətlilik yükləmək məqsədi daşımır. Əksinə, hərəkətlilik asta, təmkinli nəql olunan əhvalatda əriyir və naturanın-çöllü-biyabanın, səhranın asketik ahəngi ilə bütünləşir.

Müəllif gərginliyi, psixoloji çətinliyi adi insan duyğuları üzərindən yaradır. Onu edam gözlədiyini bilən Məhəmməd Daruya həyatında heç vaxt qadının olmadığını, sevişməyin necə bir şey olduğunu soruşur. Bu sual qarşısında aciz qalan Daru qəsəbəyə çatanda, onun arzusunu yerinə yetirir. Kiçik barın sahibəsindən Məhəmmədi fahişə ilə görüşdürməyi xahiş edir.

Rejissor pafosa qaçmadan, fransızların ölkəni haqsız işğal etməsini, ədalətsizliyini konkret situasiyaların diktəsi ilə verir. Məsələn, Daru fransız zabitinə əsirlərin öldürülməsinin hərbi cinayət olduğunu deyəndə o, susur.

Və ya ilk epizodlarda jandarm Daruya qatili aparmayacağı təqdirdə, bir fransız uşağının belə təhsil almadığı məktəbin bağlanacığı ilə hədələyir...

“Adamlardan uzaqda” insani, insanları bir-birinə yaxınlaşdıran ekran əsəridir.

***

Sofiya Koppolanın “Başdan çıxaran” trilleri isə ötən il Kann kinofestivalında “Ən yaxşı rejissor” işinə görə mükafat alıb.

Süjet: Hadisələr XIX əsrdə Amerikada Vətəndaş müharibəsi dövründə baş verir. Marta Farnsvort (Nikol Kidman) Virciniyada yerləşən qızlar üçün pansiona rəhbərlik edir. Ona bu işdə müəllimə Edvina Morrou (Kirsten Danst) yardım edir.

Pansionda beş qız təhsil alır. Onlardan biri Emi (Una Lourens) meşədə göbələk yığanda yaralanmış zabit Con Makberni (Kolin Farrell) ilə rastlaşır.

Pansiondakı qadınlar gənc zabiti himayəyə götürərək müalicə edir. Və pansionun bütün qadınları zabitin sevgisini qazanmaq uğrunda gizli mübarizə aparır. Con isə qadınların bu marağından istifadə edərək, hamıyla sevgi macərası yaşamaq istəyir. Zabit uğrunda əlbəyaxa olan qadınlar, sonradan onun təhlükə olduğunu anlayanda, onların mərhəməti, sevgisi qisasa dönür. Qadınlar soyuqqanlıqla kişinin qətlinə fərman verirlər...

Koppola məhdud məkanda triller janrının elementlərindən yararlana bilir. Müharibənin qızğın çağında, ətraf aləmdən təcrid olunmuş, qədim imarətin yeknəsəq həyatını tədricən qanlı drama çevirir. Rejissor dəqiq, incə detal və rakurslarla qadın intriqalarını təsvir edir, sirli qadın təbiətini araşdırır.

“Başdan çıxaran” 1971-ci ildə rejissor Don Siqelin çəkdiyi “Aldadılmış” filminin remeykidir.

Ərindən gizli abort etdirən yazıçı arvadı – “Əsl kino”

Sallaqxanada eşq macərası – “Əsl kino”

Üzü əməliyyatla dəyişən yəhudi müğənninin əri ilə oyunu

Ərinin sevgilisi ilə birlikdə yaşamağına razı olan məşhur telejurnalist

Oxşar xəbərlər

Xəbər lenti

Alman casusu, inqilabdan yan keçən fırıldaqçı və homoseksual – Lenin haqqında qan donduran faktlar
21:00 22 Aprel 2021
Buker mükafatının qısa siyahısı açıqlanıb
20:42 22 Aprel 2021
Nazirliyin İctimai Şurasına sənəd qəbulu yenidən elan olunur
19:14 22 Aprel 2021
Tiflis “Dünya kitab paytaxtı” elan olunur
18:33 22 Aprel 2021
Kamal Abdulla Mərmərə Universitetində dərs keçəcək
17:54 22 Aprel 2021
Namus üstündə ölkədən gedən, evli qadınla evlənən Xalq artistimiz - Video
17:11 22 Aprel 2021
Hələ videosu çıxmayan Hüseynbalalar – Orxan Məmmədli yazır...
16:36 22 Aprel 2021
Məşhur müğənni xəstəxanaya yerləşdirildi
16:10 22 Aprel 2021
Şəhla Nihandan qısa hekayə: Parallaks
15:46 22 Aprel 2021
Kişi olun, rüşvət almayın daha – Günün şeiri
14:54 22 Aprel 2021
Qatıq satan gəlməyib - Üzeyir Əlizadə yazır
14:23 22 Aprel 2021
Üzülməyin, Hüseynbala müəllim!
13:37 22 Aprel 2021
“Oskar” mərasimində qonaqlar maskasız olacaq
12:57 22 Aprel 2021
Bığına görə töhmət aldı, həbsdən qorxub Gəncədən qaçdı, arvadından sonra evlənmədi – Xalq artistindən maraqlı faktlar
12:30 22 Aprel 2021
Qismətdən yeni kitab sürprizi - Yaxında
11:45 22 Aprel 2021
Hüseynbala Mirələmovla kiçik bir xatirəm və məlum video söhbəti
11:03 22 Aprel 2021
Müharibəyə sevinən qadın
10:30 22 Aprel 2021
Niyə bu gün Azərbaycanda Üzeyir Hacıbəyovlar doğulmur? – Aqşin Yenisey yazır...
09:00 22 Aprel 2021
Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021